بين الحب والوفاء

تعارف

💗قدر💗

وكعادتي مسكت صورة امي وبديت اسولف معاها يمه : اليوم صارلي اسبوع من داومت بالجامعه ودراستنا صعبه مو سهله بس المهم اني فتت للقسم الي اريدو وتحديت كل الصعوبات الي واجهتني بحياتي وبقيت صامده ومانحنيت اهم شي انجح واجيب درجات عاليه حتى ارفع راس والدي بالعالي..
كل يوم من اطب للجامعه اشوف الشاب الي دعمتو معرف هو الي دعمني اول يوم ومعاه كومه شباب هو شاب وسيم وحلو وكشاخ ونص البنات ميتات عليه وعلى فلوسو بس اني ماهمني ابد هالشي كل الي اريدو انجح بدراستي والحب اذا مايجي من الباب ماريدو هذا برئيي عفت صورة امي وانداريت لكتابي باچر عندي امتحان مهم وحيل صعب وينرادلو تركيز واكو كومه اشياء اني مافاهمتها ومعرف شراح اسوي عفت الكتاب ومسكت الموبايل وخبرت ريم
قدر : الو
ريم : الوات
قدر : شلونج حبي
ريم : بخير حياتي وانتي شلونج
قدر : بخير حبي دامچ بخير
ريم : دومچ يارب
قدر : بوجودچ حب...اگلچ حب
ريم : گولي كبدبد
قدر : عددرس الماده بس كلشي مافاهمه عليها
ريم : ههههه وداعتچ اني مثلچ بلكي باچر نلگي احد يشرحلنا هي
قدر : امممممم
ريم : هش ماكو امممم ماشي
قدر : ماشي ..باي باچر نتشاوف
ريم : ماشي ..بايات

كلٍ على صبره يلقى سعادهہَ
وكلٍ على نيتھہَ يلقى توافيقھہَ

......
💚ريم💚

سألتني قدر عالأمتحان واني دارستو وفاهمتو بس اجا ابالي ياسر واني احسو معجب بيها كلت خلي اكللها بلكي باچر احد يشرحلنا هو واني اعرف هي ماتحب تخطلط مع الشباب اذا هي البنات قليل عدها علاقه معاهم المهم اني فكرت وخططت وباچر انفذ الخطه واشوف شيصير

على الصدق عشنا .. والوفاء شيمتنا .. ومهما ابتعدنا غالية عشرتنا .. الى يعزنا نعزه .. والى يودنا بكل الوفاء نودوه .. وما عمرك يوم تندم على رفقتنا

.....
في اليوم التالي
💟ياسر💟

اليوم كلش طيب ماعندي بس محاضره وحده خل اروح احضرها وارجع انام
رحت الصبح للجامعه وفتت حضرت محاضرتي بس من دطلع ستوقفني صوت بنت

ريم : بس دقيقه
ياسر : معايا
ريم : لا مع جدي ليش اكو غيرك
ياسر : احجي عدل
ريم : ليش يابا شنو شايفني
ياسر : اهوووو مع الصغار
ريم : هف عمة عين الوكت دزني عليك ((بيني وبين نفسي طاح حظي ليش سودة وجهي وجيت عليك ولا اني السبعه كلت القدر ابقي بالكافيتريا هسه اجيب طالب يشرحلنا واجي ))
ياسر : صفنت بوجهها وكلشي ماحجيت حسيتها مجنونه البنت

االأنسان بكلمه واحده قد تتعدل نفسيته طول اليوم ، أو تتعكر نفسيته طول اليوم .. ففكر وثمّن كلامك قبل أن تقوله لأي أنسان