💗قدر💗
البارحه جدتي خبرتنا وگالت راح يجوني خطابه واني مصدومه معرف شسوي وكالت ديجونا العصر
الساعه هسه 2 الظهر متت من التعب
خل اسولفلكم
اليوم الساعه سبعه الصبح واني نايمه كعدت بمخده نضربت على وجهي گمت دتكاون وشفت ريم وامير على راسي
ريم : وللللللللي گوووووومي وتضربني بالمخده
امير : گووووووووومي وبدى يشغل اغاني ويهوس
قدر : وثول هيچ تگعدوني
ريم : لا حقچ اگول امير روح جيب مي بارد
امير : اي ادللي هسه اجيب
ريم : فدددديتك امير صاير عاقل وتسمع كلام
امير : عماااا عبالي دتبقين ساكته
ريم : ليش يابا الله انطاني السان حتى اطلع روحك
امير : اي اي اي سكتي
قدر : اگوم اغسل بس شكو ليش مگعديني من الصبح
ريم : حتى نروح للسوگ نشتريلچ ملابس
قدر : بربچ الساعه سبعه حلمانين بيه
ريم : لا بس جاييچ خطابه
قدر : اني ماگتلچ لأن ماعرفت شسوي
ريم : ههههه اعرف حبيبتي اصلاً اتفقنا على كلشي وانتي هسه روحي غسلي وبدلي حتى نتريگ ونروح للسوگ
قدر : ويامن
ريم : مع امي هي راحت تودينا ونبقى معاچ لي ماتخلص الحفله
قدر : حضنت ريم ونزلت دمتي
ريم : ههههه بدت تبچي وچ لاتورم عيونچ وماتعجبيهم
قدر : ههههه حروح اغسل
ريم : ماشي هسه اعزل الغرفه
قدر : ماشي
رحت للحمام وسبحت وبدلت ورحنا للسوق واشترينا فستان وطلع حلو عليه وطبعاً ب 2 رحنا للصالون طلعت ام ريم من البارحه باليل مخبرتهم وحاجزتلي سوتلي مكياج بسيط وتسريحه حييييل حلوه طبعاً ماعرفت نفسي
رجعت للبيت وبدلت لبست الفستان شافني امير گال انتي منو وگام يضحك وگالي طالعه حلوه وتخبلين
بقيت بغرفتي وريم وامير يمي بعدها فاتت ام ريم
ام ريم : السلام عليكم
الكل: وعليكم السلام
ام ريم : ريم امير اريد اسولف مع قدر
امير : اترخص
ام ريم : الله وياك ابني
ريم : ليش ماما ابقى معاكم
ام ريم : ريم بنتي عدحچي عربي خلينا اني وقدر
ريم : يبوووو ماشي طالعه
طلعت ريم وسدت الباب جتي ام ريم كعدت عالتخت وگالتلي
ام ريم : بنتي قدر اني معتبرتچ مثل بنتي وكلشي سويتو محد جبرني عليه ولا تخلين بگلبچ شي احچيلي
قدر : تسلمين خاله وانتي بغلاة امي لا والله ماكو شي
ام ريم : بنتي ترى هاي خطوبه وزواج مو لعبه لازم تكونين گد المسؤوليه
قدر : اليوم خطوبه بس
ام ريم : يابنتي انتي متقدملچ شيخ واكيد جايب مشايه وماراح ينرد واذا طلع ابن اوادم چدچ راح يسويها رسميه ويعقدلكم الشيخ
قدر : خاله شعتگولين
ام ريم : عرفتي ليش سويت كل هالشي اريدچ ترفعين راسنا اليوم راح تجي ام الولد ومعرف منو غيرها بس اريدچ ماتبتسمين هواي ماترهم ترى يگولون مامصدگه وميته عالخطوبه
قدر : لا خاله ان شاء الله ماأضحك بس ابتسم شويه
ام ريم : ههههه ان شاء الله
هسه اجا امير وگال جوي اهل الولد ونزلت خالتي ام ريم مع جدتي حتى يستقبلون ام الولد
بعد ماطلعت من يمي خاله ام ريم اشتهيت ابجي صحيح ماقصرو معايا بس كل بنت تحتاج امها معاها بهيج موقف تعلمني تفهمني توكف معايا هسه ام ريم مامقصره معايا والله ينطيهم على كد نيتهم بس هم امي الها نكه خاصه عالأقل بهيج موافق راح تعرف شريد بدون مااني اكللها
أنت تقرأ
بين الحب والوفاء
Romansaفي كتاب هذِهِ الحياة هُنالِكَ صفحات منها الجميل والذي يُسر ومِنها ما هو حزين ويُسبِب لنا الألم ولكِننا يجب ان نُكمِل كُل الصفحات لنصل إلى النهايه وعِند ذلِك سنعلم هل كُنا على الطريق الصحيح ام اخطأنا فعِندما نمر بشيء في الحياة هُنالِك شيء بِداخِلِنا...
