بين الحب والوفاء

الشخصيات

هلو اسمي قدر راح اعرفكم على نفسي وعلى عائلتي

قدر : بنت بسيطه احب الأبتسامه عمري 18 سنه طالبة كلية تربيه قسم انگليزي
مواصفاتي: قصيره .شعري اسود قصير .عيوني لونها عسلي يشبهوها بالنوتيلا .
احب اهلي حيل وماأسمح للهوى يأذيهم عندي اخ وحيد اسمو امير وبابا الله يحفضلنا هو مابيوم حرمنا من شي والدتي توفت قبل ثلث سنين

امير : اني امير حيل حلو وانحب عمري 16 سنه طالب مدرسه بس ماحب الدراسه
مواصفاتي: اسمر حنطاوي طويل .شعري اسود قصير .عيوني خضر. كشاخ

الأب "والد قدر" : عمري 50 سنه عندي شركه مال سيارات ومابيوم فوتت فلس حرام على بيتي وماأسمح لأولادي يسوون شي يغضب رب العالمين
مواصفاتي : اسمر حنطاوي. طويل .عيوني عسلي .شعري اسود.
.......
ريم : اني صديقة قدر وحيل احبها واخاف عليها مثل اختي عمري 18 سنه
مواصفاتي : بيضه طويله.شعري اصفر.عيوني خضر. دلوعة بابا لأن اني وحيدتو
.......
ياسر : امممم
اني ياسر عمري 22 سنه طالب كليه تربيه قسم انگليزي
مواصفاتي : اسمر حنطاوي.طويل.شعري اسود.عيوني سود.وسيم لدرجه ماتنوصف بحيث الكل ينعجبون بيا ويحبوني ماحب الالتزام احب المزاح (الشقى) والدتي تركتني من طفولتي ربتني ام حسام وماحب الدراسه

حسام : اني حسام عمري 37 سنه خريج كلية طب بس ماشتغلت بتخصصي بسبب ضروفي
مواصفاتي : اسمر حنطاوي.طويل.شعري اسود.نفس مواصفات ياسر لأن احنا اخوان بس الفرق ياسر مرح وكثير المزاح واني جدي الدرجه ماتنوصف ماحب المزاح الچثير احب الألتزام
ياسر يصير اخويا من ابويا

علي : اني علي اصير ابن عم حسام وياسر
صديق ياسر المقرب معاه بكلية التربيه قسم انگليزي شعري اصفر.عيوني زرق.ابيض.طويل.انيق جداً

......
نبدا البارت

توكلنا على الله

هلوووو اني قدر خل اسولفلكم عني شويه طبعاً احب الدوي احسو يجري وي دمي ماعندي هواي صداقات اكثر اشخاص اسولف معاهم هم بابا وامير وريم جنت حيل احب ماما بس الله يرحمها توفت قبل اربع سنين هي چانت مريضه ومن وفاتها تركنا بيتنا القديم ورحنا نسكن يم بيت چدي لأن بابا مايريدنا نبقى الوحدنا جدي وجدتي ماقصرو معانا ساندونا بمعنى الكلمه ماخلونا الوحدنا تعبنا صح بهاي الأربع سنين بس بقينا واحد مع الثاني حتى محد يحس بالنقص
غياب والدتي اخذ منه كومه اشياء اخذ القوه البينا ونحرمنا من حنان امنا الي احنا محتاجي
دائماً الناس يباعولنا بعين الصغيره لأن يشوفونا يتامه ومكسورين جنح صح ابوي ماقصر معانا ومابيوم ردلنا طلب بس اكو كثار تفاخرو بمهاتهم گدامنا لأن احنا يتامه بس ميصير نضعف لازم كل شخص يكون قوي وماينكسر وفاة امي چان شي صعب بس لازم نواصل الحياة ماتوقفت

صدگوني يناس اليتم مو عيب بس العيب لمن ماتحس بغيرك

وينچ ييمه مر بينه كومه اعياد😯
وينچ ييمه ذاك يكول موحلوين😟
وينچ ييمه شماته هواي بينا يباعون😢
وينچ ييمه اشتقنالچ مري حتى لو بحلم😭