عودي لقلبي فانتي جنتي
الجزء السابع
لمريم السعدي
ضليت اقره على راسه وهو يبجي بس لو اعرف شبي
عبد- رفعت راسي بعيونها صارت قريبه مني منى-لزمت وجهه بكفوف ايدي ومسحت دمعه منى- احجيلي شنو الغاثك هيج
عبد - انتي
منى- اوووف يااني شسويت بعد
موطلعت من حياتك
عبد- ليش عفتيني ليش خليتيني اتورط حليها مثل مجنتي قبل تحلين كل مشكله اجيج واحجيلج وتلكيلها حل حليها ص
منى- شنو اللي احله همست لان داشوفه مديسكت بس يبجي منهار خفت عليه
عبد- مدااكدر دونج مداارهم شكد داقاوم مدااكدر
منى- شنوو مستحيل ارجع هسه جاي بعديش بعدما متت ميت موته يله وكفت عوفني الله يخليك وكفت وخرته من حضني بجيت متدري هالاشهر شون مرت عليه عذاب موت تقرب مني والله اعوضج
عبد- رجعي وشوفي شون اتغير رجعي لخاطر ابن عمج
رفل وعلي - جننا نسمع حجي بابا وماما ضلينا نتسنط من ماما بجت متحملنا بعد طلعنا علي دفع بابا ووكفنا بوجها صونا حاجز الها عنا
علي- بابا حرام عليك انت متدري شصار بيها من شافتك بالمول تضحك وتسولف ومرتك لابسه الحصر ومن جنت ويانا بس مدلغم ومتقبل نحجي عليك تكول خطيه مكدر يحبني
عبد- الله يخليكم عوفونا تره ابوكم راح يموت والله
رفل - بابا انت متدري ماما شون تبجي من تسمعك تضحك وتصيح لذيج حبيبي وعمري وهي مسامعه منك هالحجي تدري هي تنام بغرفتها وتسمع كلشي تسوو ضحكن وسوالفكم وحتى من تبوسها تسمعك وبس تبجي وانت بالنسبه الي متت من شفتك تضحك من كل كلبك وياها وويانه ضايج حسيت نفسي ثكل على كلبك اني واخوتي وامي ولا فد يوم قصرت عليك بشي روح بابا اطلع روح لحبيبتك اللي اختاريتها وفضلتها علينا
عبد- متفاجا منهم عمرها 11سنه وهالحجي منها متكلمه مثل امها باوعت لمنى مدنكه تبجي وعلي واكف حاضنها كانما يحميها مني متحملت طلعت ورحت لبيتي اباوع المزبله العايش بيها شنو هالعيشه الخليت روحي بيها عالجمال وجان عدي ملكه جمال لو جيف صغيره شوف الصغيره شسوت بيه لعبت بيه لعب اووف ربي اني غلطت دخيلك ساعدني
نمت والصبح رحت للدوام
منى- احتضنوني اطفالي متوقعت هالكلام من رفل ياعمري كبرت وصارت تحس بامها ياروح امج الليله ابد منمت افكر بي مشتاقتله بس مستحيل ارجع باجر ماعدي دوام
عبد- طلعت للدوام لحد ساعه وحده رجعت للبيت كالعاده ريحه برياني من بيت منى واني مييت جوع
جربت اتصل خايف اليوم علي ورفل ضهري وحدها بالبيت خليني احاول وياها
ضل يدك اخر شي ردت
الو
منى- ضل يتصل ماريد ارد عليه واضعف متحملت رديت واعرف انه وحده اكيد هسه جوعان
عبد- الو ام علي شونج
منى- الحمد لله انت شون صرت
عبد- تنهدت الحمد لله اريد احاجيج اكدر انزل
منى-لا لتنزل من يي علي
عبد- تخافين مني وتحتمين بابني اختنكت
بت عمي اني حزام ضهرج
منى- اوك تعال تفضل حفتح الباب
عبد- نزلت طاير
منى- فتحت الباب ودخل للبيت
عبد- عيونها وارمه من البجي جانت تسوي زلاطه وكفت يمها
باوعت بعينها بتوسل جوعان همست وخليت ايدي على بطني منى- هسه اصبلك
عبد-حتى متريكت
منى-صبيت بسرعه مقهوره عليه خليت الاكل كدامه وكام ياكل بنهم بقيت صافنه عليه
عبد- مشتاق لاكلج كلش
منى- باجر اسوي حامض شلغم وادري بيك تحبه حدزلك بيد علي والصبح تجي تتريك وي جهالك
عبد/ باوعتلها مبتسم وبعد
منى- شنو بعد شنو محتاج انتبهت ردن ايده سمره هدومك وصخه جيبهن اغسلهن وارجعهن
انتبهت كمل اكل صبيت جاي غسل ورجع كعد لملمت الميز وخليتله الجاي
عبد- اووو ف مشتاق لجايج باوعتها بحنان اي وبعد شنو تسوين
منى- شنو تريد كللي محتاج مني شي
عبد- كومه اشياء محتاج
منى- تبقى ابن عمي وابو جهالي شمحتاج تتدلل
عبد- ضليت اباوع بعينها مبتسم بحنان تنهدت
منى- نضرته نضرته لو يدير وجهه عني ويستر عليه
شبيك تباوع شمحتاج بعد
عبد كمت من الكرسي مال ميز الطعام سويت نفسي تعورت صحت اخ ركضت شبيك اسم الله لزمتها من زندها وحضنتها وروحي ردتلي واخيرا اه منى محتاجج
منى- فزيت ورخت كل اعصابي موطني هنا الكه ذاتي بريحتك هدات وسكنت كلشي محجيت شويه دقيقتين مرت استوعبت الموقف دفعته ووخرت دايخه
انت دتاذيني هواي حرام عليك خنكتني العبره
عبد- منى رجعيلي والله اعوضج عن كل دقيقه
منى- بيتك وصخ تريد ارتبه
عبد- مكلوب كلاب
منى- الجهال بعد 3ساعات يجون لازم مخلصه قبل هالوكت وديني انضفه وارجع
عبد- واني اساعدج بس حتعبج
منى- راح انعب اذا عفتك هيج وعمي موصيتي بيك واني اتحمل الامانه
عبد- نصيت خجلان اني رجال متحملتها
