The Billionaire Baby

Kabanata VI

KABANATA VI

Third person's point of view.

Kanina pa nila napapansin ang pananahimik ni Alexius. Nakatingin lang ito sa sa kanang kamay niya. Nakakapanibago lang dahil kanina ay halos boses at sigaw niya lang ang maririnig sa loob ng sasakyan tapos ngayon tahimik lang ito, hindi rin sila tinatadtad ng mura.

Kinalabit ni Ian si Alexius. "Hoy, anong nangyari sa'yo?"

Hindi siya nito pinansin. Lutang na lutang ito, para ngang walang naririnig.

"Anong nangyari sa pinsan mo? Himala at ang tahimik niya. Napansin ko rin na namumula siya, Tangna baka may sakit 'yan kaya ganyan. Hindi ba madaling dapuan ng sakit ang mga bata?!" Nag papanic na sabi ni Ian.

Tiningnan siya ng masama ni kiro. "Wala 'yang sakit, Kinikilig siguro yan. May babae kasi na humalik kasi sa noo niya."

Hala, nakita pala ni Kiro.

Nagulat si Angelo at si Ian. Pero ang gulat nila ay napalitan ng tawanan. Napahawak pa si Ian sa tiyan niya habang si Angelo naman ang nagpapadyak sa kakatawa, do'n bumalik ang dating Alexius.

"Anong pinag sasabi mo?! The fvck?! Ako kinikilig?! No fvckin' way!" Susugurin niya sana yung dalawang mokong na tumatawa kaso napigilan siya ng seatbelt na ikinabit sa kanya ni Kiro.

"T-that girl kissed me! Wala siyang karapatang halikan ako sa noo." Nakabusangot siya.

Gustong-gusto niya na talagang bangasan ang tatlo niyang kasama, kung hindi niya lang talaga kailangan ng tulong ay hindi siya mag titiis na makasama itong tatlong 'to.

"Bakit ka namumula? Pft!"

"Will you shut up?! Tulungan niyo na lang ako." Inis niyang sabi.

"Kinawayan pa niya pabalik." Nakangising sabi ni Kiro.

Hindi malaman ni Alexius kung ano ba ang pumasok sa isip niya't kinawayan pabalik 'yong babaeng 'yon. Hindi lang 'yon, pamilyar pa sa kanya ang babae na 'yon. Parang nakita na niya pero hindi niya matandaan kung kailan at saan.

Naiinis na talaga siya, Paano kaya siya matutulungan ng tatlong 'to eh puro pan t-trip lang naman ang ginagawa sa kanya. Bakit ba naman kasi siya isinumpa ng mama niya.

Napasabunot na lang siya sa sarili. Hindi niya alam na may kakayahan pala ang Mama niya na sumumpa ng isang tao. Nagulat nga siya sa sinabi nito na lahat ng sinasabi nito ay nagkakatotoo kapag galit. Kaya siguro hindi ito nagagalit.

"Tutulungan ka namin, huwag kang mag-alala."

Tila biglang naging maamong tupa si Alexius sa sinabi ni Kiro. "Siguraduhin niyo lang. Tsk!"

Bigo silang mahanap ang taong hinahanap nila, ang pamilya Perez at ang pamangkin nito. Pupunta na lang sila bukas sa kompanya ni Alexius para hanapin ang resume ni Perez.

Bumalik na lang sila sa condo ni Kiro at do'n nagpalipas ng gabi. Hindi naman makatulog si Alexius dahil sa nangyari sa kanya. Inaalala niya ang kompanya niya. Walang nag aasikaso nito at kailangan-kailangan niya ng bumalik, kaso paano siya makakabalik sa kompanya niya kung bumalik siya sa pagkabata?

Napapikit ng mariin si Alexius, Fvck! anong gagawin ko?

...

Kinabukasan. Hindi namalayan ni Alexius na nakatulog na pala siya sa byahe. Gising na siya ngayon pero hindi pa rin siya dumidilat. Nagpapanggap pa siyang tulog katulad ng pagpapanggap natin noon sa tuwing pinipilit tayong patulugin sa hapon noong mga bata pa tayo.