falling into you

Excited na ako. Ito na ‘yon. Ito na ‘yong matagal kong hinihintay.

“Tara na kasi, pare! Parang gago ‘to!” sabi ni Harold sa akin. Mukhang nagmamadali siya.

“Hoy, sinong may sabing murahin mo ako?! Kupal!” sigaw ko sa kanya. Tumawa naman siya saka ako inakbayan.

“Ang banal mo naman, p’re. Hindi na kita mareach,” he clutched his shirt near his chest. “Ang hirap-hirap mong abutin. Ang hirap mong mahalin,” sabi niya sa akin.

Binatukan ko naman siya.

“Ang lakas ng sapak mo sa utak!”

“Joke lang! Masyado ka namang seryoso!”

I just punched his arm. “Alis! Magbibihis muna ako!” pagtataboy ko. Nginisian niya naman ako. Ah, putek! Pambihira talaga ‘to si Harold!

“Magbihis ka na, nakita ko naman na ‘yan,” kumindat pa siya sa akin na siyang kinainis ko.

“Gusto mo lang talagang tingnan! Mas malaki pa ‘to kaysa iyang sa ‘yo!”

Sumama iyong tingin niya sa akin. “Wala namang ganyanan, brad,” inis niyang sagot. “Ilang inches ‘yang sa ‘yo?”

“Putek, Harold! Magtino ka nga!” binato ko sa kanya iyong tuwalyang nakapalupot sa bewang ko kanina lang. Ngumuso naman siya noong nakita niya akong nakaboxer.

“Awtsu, nakabox—sabi ko nga tatahimik na ako,” ang sabi niya no’ng nakita niya nang sumeryoso iyong mukha ko.

He went outside my room afterwards. Alam ko namang once na nagseryoso na ako, titiklop na talaga ‘yong taong ‘yon. Alam niya kasing kapag nagseryoso ako, hindi ko siya papansinin buong araw.

By the way, I really fixed my well-being thoroughly. Nagsimula ako sa pag-aayos ng buhok ko. Kailangan magmukha akong matino ngayon. Because really, ayokong makita ako ng kadate ko na hindi gwapo sa paningin niya.

Also, I chose the best clothes I have. I settled myself with a light blue, long-sleeved polo. Nanginginig pa nga ako habang nagbubutones ako kasi kinakabahan talaga ako para mamaya! Putek talaga!

Sinuot ko rin iyong matino kong pantalon at sapatos. Halatang-halata pa nga na nagmamadali ako kasi hindi na maayos iyong pagkakasintas ko.

Bahala na.

“Hindi ka ba tapos dyan?!” sigaw ni Harold mula sa baba.

Huminga ako nang malalim. Shit. Sobrang kinakabahan, at the same time, sobrang excited ako.

Narinig kong bumukas ulit iyong pinto. Mukhang si Harold na naman ‘yan. Ang kulit talaga ng kupal na ‘yon!

“Oh, Ford, tapos ka na pala, eh!” he chirped. I gazed at him. Nakanganga siya nang sobra habang tinitingnan ako. “Wow! Ang gwapo mo ngayon, brad! Pakiss!” atsaka siya lumapit saka ako niyakap.

Pilit kong inalis iyong yakap niya. “H-huy! Ano ba—aray! H-hindi na ako makahinga!” protesta ko. He’s choking me to death!

Ngumuso pa ang loko. At ngayon ko talaga napapatunayan iyong mga pagdududa ko sa gender niya. “Ito naman, ang sungit,” sabi niya sa akin sabay upo sa tabi ko. “By the way, sino ba talaga ‘yang kadate mo?”

Napangiti ako nang palihim. Ayoko talaga kasing sabihin sa kanya kung sino. Malalaman niya rin naman mamaya, eh. Pero sige, bibigyan ko siya ng clue.

“Ngayon ko lang siya unang maeencounter. Pero alam ko, una pa lang, may tama na sa akin ‘yon, eh.” pagmamayabang ko. Totoo naman kasi! Kinuwento kasi siya ng Kuya ko sa akin.