حبيته وجرحني تحملته وزاد في تجريحي

البارت التاسع

عبير بأسف:هنو الله يخليك لاتبكين
هنادي بعصبيه:ماابكي انتي ماتعرفين وش سوى اخوك فيني
عبيربستفسار:ليه وش سوى فيك
هنادي بقهر:قال دوري لك لعبه ثانيه
عبير تكذب: كان يمزح معك هو قالي
هنادي تمسح دموعها:صدق والا تكذبين علي
عبير"يارب سامحني ":أي صدق
هنادي ببتسامه:اجل قومي نشوف البنات وين
عبيرتمسكها مع يدها:اول عدلي شكلك واضح انك باكيه
هنادي:اوك دقيقه بس
دانه:هههههههههه اخاف للحين يدورونك
اميره تضحك:معقوله
غلا:ليه لا تعرفين هنادي شوي غبيه
دانه وعبير ضحكو على كلام غلا على بالهم انها تعلق مايدرون انها تتكلم من جد
هنادي وعبير يدخلون المطبخ
هنادي ببتسامه:وش الي يضحك
اميره ببتسامه:انتي طبعن
هنادي تلم فمها:انا
دانه تسوي نفس حركتها:لا انا
ام زياد تدخل عليهم المطبخ بعد ماقالها ابوزياد الخبر
ام زياد:يالله قومن تعدلن بيجونا ضيوف
هنادي بستفسار:منهو الي بيجون في هالوقت
ام زياد بتردد وعينها على اميره:زياد وزوجته
كلمت زياد وزوجته مزقت قلب اميره وافقدتها وعيها
هنادي تمسك اميره:اميره وش فيك
ام زياد تجيب مويه وترشها على وجها:يمه وش جاك
اميره تفتح عينها وانزلت اول دمعه منها وتبعها سيل من الدموع
هنادي تضمها:اموره انتي عارفه من اول انه متزوج
اميره تبكي بصوت مسموع
دانه تمسح على شعرها قالت بحب:وبعدين جابها والا ماجابها انتي الغاليه ماهو هي
اميره بين شهقاتها:محد بيحس في النار الي في قلبي
ام زياد تاخذها من صدر هنادي وترفع راسها وقالت بعقلانيه:انتي اذا تحبين زياد صدق ماراح تعاقبينه على زواجه بدموعك لانك عارفه وش سبب زواجه والا انتي تبينه بعد عمر طويل اذا مات يموت ذكره معه والا اذا كبر مايلقى سند له يشيل عنه الحمل
اميره ودموعها على خدها:بس
ام زياد تقاطعها:لابس ولا شي لان طول ماقلب زياد لك ماعليك وانتي بطريقتك نخلين زياد مايشوف غيرك لو تزوج ثلاث ماهو وحده
اميره ضمت خالتها وبكت في صدرها
الكل تأثر ونزلت دموعه
**
زياد دخل المزرعه وقف وقبل لا ينزل قال بتهديد:شوفي من الحين لو تعرضتي لميره لا تلموين الا نفسك حتى لومدت يدها عليك فاهمه
ريم بضعف:فاهمه
دق جوال زياد شاف الرقم غريب
زياد:هلا
ام طلال:السلام عليكم
زياد:وعليكم السلام من معي
ام طلال :انا ام ريم
زياد بمجامله:هلا والله امري وش بغيتي
ام طلال حست انه يجامله لكن شوقها لبنتها خلاها تكمل المكالمه
ام طلال برسميه:ممكن اكلم ريم
زياد مد الجوال لريم وقال:امك
اخذت ريم الجوال
ريم بشوق:هلا يمه مشتاقه لكم موت
ام طلال بحب:ياقلبي وحناء بعد مشتاقين لك الا انتي وش اخبارك
ريم ماتبي امها تتألم بسببها قالت:اخباري زينه الحمد لله مستانسه انتم وش اخباركم
ام طلال ارتاح قلبها وقالت:احناء زينين مانقصنا الا شوفتك وترى دوامك في المدرسه بعد سبوع
ريم بتنهي المكلامه لانها ما خذت راحتها بسبب وجود زياد قالت:خلاص يمه سلمي على طلال وعمتي وانا اكلمك مره ثانيه
ام طلال عرفت ان ريم بتنهي المكالمه فقالت:يوصل بس انتي ديري بالك على نفسك
سكرت ريم من امها ودموعها بللت نقابها
زياد اخذ جواله وقال بأمر:انزلي
ريم امسحت دموعها بخفيف ماتبي شكلها يخرب وخصوصا ان اميره موجوده فقالت:دقيقه بس
نزل زياد وقف قدام السياره ولان السياره مظلله نزلت ريم نقابها واعدلت الميك اب بعدين ردت كل شي لشنطت يدها ولبست النقاب ونزلت
زياد اول مانزلت مشى وهي تبعته
ام زياد استقبلتهم عند الباب:هلا والله
زياد ببتسامه:هلا بالغاليه
حب راس امه وقال ريم:هذي امي
ريم سلمت عليها وقالت:هلا خالتي
ام زياد ببتسامه:هلافيك ادخلو ليه واقفين
دخلو الغرفه
ام زياد:اجلسو بروح اقولهم انكم جيتو
طلعت ام زياد
زياد جلس وقال لريم الي واقفه بعباتها:نزلي عباتك مافيه احد
نزلت ريم عباتها وصفطتها ورفت راسها شافت زياد بياكلها بعيونه
زياد ببتسامه مايله:ليه كل هالكشخه
ريم بصوت واطي:كذا
زياد وقف وقرب منها حتى صارت ريم تحس بنفاسه الحاره
زياد بهمس:صدقيني الي تسوينه مامنه فايده وكشختك ماتأثر فيني
ريم فتحت فمها بتتكلم لكن زياد حط اصبعه على فمها وقال:اصصصصص
ريم انحرت منه وعضت اصبعه الي على فمها
زياد سحب اصبعه بسرعه وقال بعصبيه:لا انتي لساء ماتربيتي
ريم نزلت عيونها للارض
هنادي تدخل:هلا وغلا بزياد
زياد يبعد عن ريم :هلافيك
هنادي تطالع في ريم بصدمه كأنها تقيمها"الله يعينك يااميره منافستك ماهي هينه"
زياد يقطع تفكيرها:اعرفك ريم زوجتي
هنادي تسلم عليها:هلا
ريم ببتسامه:هلا فيك
زياد لريم:هذي هنادي اختي
دخلو العمه وغلا وسلمو على ريم وعرفهم زياد بعض وجلسو يسولفون وريم جالسه في زاويه بالحالها كأنها منبوذه
زياد بستفسار:وين اميره
اميره وهي داخله قالت بدلع:ماهي موجوده
ابتسم زياد ورفع انظره فيها كانت اميره لابسه فستان طويل ناعم لونه وردي ومسويه ميك اب خفيف
زياد بشوق:هلا باميرتي
اميره ببتسامه:وحشتني
ريم تنقل نظرها بينهم وشافت الشوق في عيونهم
زياد بحب:وانا بعد واشر لها تجلس جنبه
اميره جلست جنب زياد وشافت ريم لانها كانت مقابل لزياد طالعت فيها وعيونها تحكي مدى كرها لها
ريم"اوه وش فيها ذي بتاكلني بعيونها "
الكل لاحظ نظرات اميره لريم بس فضلو السكوت
ام زياد تدخل بالقوه:حيا الله ريم
ريم ردت لها ببتسامه
صبت ام زياد القهوه ومدت لكل واحد فنجان
غلا بدلع:خالي مشينا بكره
زياد ببتسامه:من عيوني
هنادي بسخريه:الحين من عيوني بس بكره دوريه ماتلقينه
زياد بمزح:افا انا اخلف في وعدي
هنادي تضحك:انت حشاك كلمتك سيف
اميره:هيه انتي كله الا حبيبي
زياد ببتسامه:بعدي هذي المره السنعه تدافع عن زوجها
دخلت عبير وقالت بصوت عالي:سكووووووت عبير وصلت
الكل ضحك على عبير
زياد يقوم يسلم عليها:ومنهي عبير
عبير تسلم عليه قالت: عمها زياد
زياد يقبصها مع خدها وقال:ماتنغلبين يابنت محمد
عبير تضحك:اكيد هذا انت قلتها بنت محمد
عبير تصد لريم قالت بهمس:هذي زوجتك
زياد ببرود:أي
سلمت عبير على ريم وبعدها جلسو يكملون سوالفهم
دانه ادخلت وسلمت على عمها وريم وقالت:عمي طلال بيدخل يسلم
ام زياد:خليه يدخل مافيه احد غريب
دخل ابو زياد
ابوزياد:السلام عليكم
الكل:وعليك السلام
ريم اعرفت الصوت مستحيل تنساه لانه صوت محبوب عندها قامت واقفه
ابوزياد صد ناحيت ريم واول ماشافها عرفها مستحيل ينسا بنت احب واحد لقبه ياما شالها بين يديه ولعبها
ابوزياد بحزن:ريم
ريم بألم:أي ريم
قرب منها ابوزياد وضمها لصدره كأنه يطفي بقربها شوقه لصديق عمره
ريم من بين شهقاتها:ليه تخليت عنا
ابوزياد يبعدها عنه ويمسك وجها بين يديه وقال بحنان:ماتخليت عنكم اخذت شهور ادور عليكم مالقيتكم
الكل واقف مستغرب الوضع
زياد بستفسار:يبه من وين تعرف ريم
ابوزياد يصد لزياد وقال: تذكر صديقي سعود
زياد:عمي سعود أي اذكره
ابوزياد يحط يده على كتف ريم:هذي بنته ريم
زياد بصدمه:وشووووووووو
ابوزياد:الي سمعته
زياد:بس عمي سعود ماكان عنده اخوان
ابوزياد:ايه ماعنده اخوان من ابوه بس عنده اخو من امه
زياد ببتسامه:تصدق مانتبهت للاسماء
ابوزياد في نفسه"لانك ماتبي الزواج "
جلس ابو زياد وبقربه ريم ياخذ كل شي عنها والكل جالس مستمع بس
بعد حوالي ساعتين تفرقو عشان ينامون الا زياد طلع لخالد وفهد
كلن راح ينام واخذت ام زياد ريم ودخلتها جناح وقالت:هذا من اليوم خاص فيك
ريم ببتسامه:مشكوره خالتي
ام زياد:دقايق وتجيب الشغاله لك اغراضك من السياره
طلعت ام زياد وتركت ريم ترتاح جلست ريم على طرف السرير تفكر في كل شي مر عليها اليوم تحس بسعاده وراحه بعد ماشافت عمها طلال
***
خالد ببتسامه:هاه وش عنده ابو الشباب زعلان
زياد بعصبيه:ماتدري وش فيني معصب كله منك الحين انا وش اسوي طلاق مقدر اطلق لان ابوك مستحيل يوافق ولوطلقتها تبرى مني
فهد يتدخل:لا تطلقها خلها في بيتها وانت عش حياتك
زياد بقهر:لا انا مابيها على ذمتي كل الي ابيه ولد اربيه انا واميره
فهد بعقلانيه:بالعكس كذا احسن لانك ماتضمن ان اميره تحب ولدك ويمكن تغار من حبك له ويمكن ولدك بعد مايكبر يحقد عليك لانك حرمته من اومه
خالد يوافق فهد:صح كلام فهد انت اتركها في بيتها ومتى ماتبي تشوف ولدك تروح
زياد يضحك:ماتلاحظون انكم حطيتو لي ولد وانا ماجبت للحين
خالد وفهد اضحكو وقال فهد:احناء نقول افتراضات
***
اميره في جناحها تبكي على حضها تحس ان ريم بتاخذ زياد منها ريم كل شي فيها والاهم تقدر تخلف وتجيب لزياد ولد ومع هذا كله ابوزياد يحبها ومستحيل يخلي زياد يطلقها
اميره تمسح دموعها الي في كل مره تمسحها ترجع مره ثانيه
اميره"ااااااااه يمه ليتك عندي "
راحو فهد وخالد ينامون
وبقى زياد محتار وين يروح ماوده يروح لميره يدري انها تبكي وزعلانه عليه وريم مااهو طايق شوفتها
اخيرا قرر يروح لميره
دخل زياد الجناح ولقى كل الانوار مطفاه دخل غرفت النوم ولقى اميره نايمه كأنها ملاك قرب منها وباسها على خدها ولاحظ ان على خدها اثر دموع
اميره بصوت مبحوح من البكي:زياد
زياد يجلس جنبها:أي زياد ياقلب زياد
اميره ابتسمت وقالت:كنت خايفه ماتجي عندي
زياد يرد يبوسها على خدها وبهمس قال:احبك
اميره بنفس صوت زياد ردت:وانا احبك
***
في الصباح قامت ريم نشيطه تحس براحه غريبه قامت واخذت شور
وجلست تختار في ملابسها تبي شي محتشم بس للاسف مالقت فقررت تلبس فستانها يوم دخلتها وحطت ميك اب خفيف وتعطرت وبعدها بخرت جناحها ورتبته ثم طلعت ماشافت احد صاحي ردت وخذت عباتها الكتف لانها اخف من عباتها الراس في يدها للاحتياط
تزلت تحت وحتارت وين تروح ماتدل شي فقررت تطلع برى طلعت كان الجو روعه لبست عباتها عليها وحطت لثمه وطلعت صارت تمشي وسط الاشجار وبعد فتره شافها كلب ولانها غريبه لحقها ريم اول ما شافته متوجه ناحيتها صاحت وصارت تركض والكلب وراها
زياد كان صاحي وجالس في المطبخ يشرب قهوه لانه مانام الا ساعه بس من كثر التفكير سمع الصراخ برى طلع مع باب المطبخ الخارجي وشاف ريم تركض والكلب وراها ريم طاحت عنها للثمه وشعرها انتثر عليها وصار يتطاير مع الهواء من قوة ركضها
زياد وقف يطالع الموقف وهو يبتسم
ريم لما شافت زياد واقف قالت بصوت طفولي وهي مازالت تركض:قول لكلبكم يتركني
زياد ضحك بصوت عالي على كلامها
ريم وصلته وتدخلت المطبخ بسرعه وقفت وهي متعبه من كثر الركض
زياد طرد الكلب بعدين رد لها وقال ببتسامه:كان ودي معي كمره اصورك
ريم تتنفس بسرعه:يمه خوفني كلبكم
زياد قرب منها وحط يده على قلبها وقال بضحك:قلبك شوي ويطلع
ريم اضربته على يده وقالت:مستانس ادري كان ودك انه ياكلني عشان تفتك مني
زياد ضحك وقال:وش دراك
ريم تاخذ كاس بتشرب مويه:عيونك تقول انك منت طايقني
زياد اخذ دقايق يطالع فيها بعدين قال:انتي شي مفروض علي
ريم تجلس على الكرسي ودها تسمع منه كلمه تفرح قلبها وتحسسها بالامان
ريم وهي تطالع فيه قالت:ودي اتكلم معك بصراحه
زياد يجلس قدامها وحط وجهه بين كفوفه وقال :تكلمي
ريم بتردد:مادمت ماتبيني ليه اخذتني انا بالذات ليه مادورت وحده من عايلتكم
زياد ببتسامه:عشان ماتكون من مستوى اميره
ريم بكبرياء:بس انا ماني اقل من اميره
زياد بجد:اسمعيني يابنت الناس انا قلبي ملك لميره وبس وعيني ماتشوف غيرها يمكن تكوني جميله بس انا ماشوف جمالك لاني ماحبك ولا تعنين لي أي شي زواجي منك كان بغرض العيال يعني انتي عندي مجرد وسيله عشان اصير اب واذا تحقق الي ابيه بترك الخيار لك في البقاء معي او لا
ريم طالعت فيه بعدين قالت بغرور:وانا من الحين بختار الفراق
طلعت ريم من المطبخ وهي تداري جروحها
زياد تبعها بنظره حتى طلعت من المطبخ يحس انه ارتاح بعد ماتكلم معها بصراحه
ريم طلعت جناحها ونزلت عباتها وجلست على السرير تطالع في الفراغ ودموعها تنزل على خدها بكل هدوء