Ako'y nasasabik sa matamis mong mga ngiti
Pati mahawakan ang mapula mong pisngi
Uhaw sa mga mata mong kay sarap kung tumitig
At madama ang init ng iyong mga bisig
Masaya na ang araw ko kapag magkasama na tayo
Para bang nawawala lahat ng pagod at problema ko
Ngunit nang dumating ang oras na ikaw ay nagtampo
Hindi ko na alam ang dapat gawin ko
Hanggang saan lang ba ako sa buhay mo?
Dahil ayoko sa huli na masumbatan mo ako
Na kahit seryoso ako sa mga ginagawa ko para sayo
Sa huli malalaman kong hindi ka pala interesado
Sobra akong nagdamdam sa iyong mga sinabi
Ang aking pagluha ay di na mapawi
Nagkulong sa kwarto na parang wala na sa sarili
Makalimutan lamang ang hapdi ng mga pangyayari
Kailangang matuto na ako na wala ka sa tabi ko
Kahit parang sasabog na ang puso't isip ko
Paunti-unti man at mahirap ang aking gagawin
Mga alaala sa iyo'y di na dapat pang baunin
Di mo sana sinayang ang oras na ibinuhos ko
Ang tamis ng pagmamahal na ipinadama ko sa iyo
Dahil ako na pinaluha at sinaktan mo noon
Sana’y lumigaya pagdating ng tamang panahon
