KAHAPON.NGAYON.BUKAS.
Kahapon
ikaw ay muling nagparamdam
Sa di inaasahang paraan ako ay nasaktan
Masasakit na salita ang aking nakamtan
Puro poot at pasakit ang aking napakinggan
Ngayon
ikaw ay akin ng lilisanin
Mga binitawang salita'y di na kayang palipasin
Tumatak sa puso, sa isip at damdamin
Alam kong hanggang huli ito'y aking babaunin
Bukas
wala na sana ang naiwang lamat
Lubos kang minahal ngunit tingin mo’y di sapat
Mula umpisa hanggang huli ako ay naging tapat
Paalam sa'yo at salamat sa lahat.
