صدفة الوقت الجزء الثاني

الجزء التاسع عشر💗

مرح: مين هاد؟!
شهد قعدت تطلع على يعقوب و مش عارفة شو تحكي ..
كانو عيونها منفخات من كتر البكى ..
يعقوب اجا بدو يطلع و اجت عيونو بعيون مرح
ضلهم صافنين ببعض و مرح خجلانة
انتبه ع حالو يعقوب وراح ..
مرح: مين هاد؟؟
شهد: انسيكي .. شو صار مع احمد؟؟
مرح: حكو بدهم يشوفو ..
شهد: ان شاء الله خير
مرح: شهد يلا لازم تاكلي .. لساتك والدة م بصير هيك
شهد: مابدي يا مرح سيبيني
مرح: شهد يلا؟.. طب افتحي تمك يلا يلا يلا
اكلتها و قعدو يحكو مع بعض عبل ما غفيو ..
تاني نهار صحيت شهد ع صوت الممرضة بدهم يعملولها
الفحوصات
طلعت مرح و قعدت تستناها برا ..
اجا يعقوب كان بدو يحط رسالة ل شهد .. بس شافتو مرح ..
مرح: شو بتعمل هان وانت مين؟
يعقوب ضلو ساكت و راح بدون م يحطها ..
مرح لحقتو : بحكي معاك ترا؟
يعقوب : شو بدك مني ؟
مرح: انت مين ؟ و شو كاين تعمل عند شهد؟؟
يعقوب: قصة طويلة .. انتي مين ؟؟
مرح: انا اخت زوجها ..
يعقوب: ايوا
مرح: طيب مش ناوي تحكي؟؟
يعقوب : لا .. شو بهمك يعني ؟؟
مرح: بهمني!!
يعقوب: طيب بنحكي عند الاستراحة الي تحت
مرح: يلا طيب امشي
يعقوب: اسبقيني هسا جاي
مرح: شو بدك تعمل ؟
يعقوب: بدي فوت الحمام ولا ممنوع؟
مرح خجلت و راحت
فات يعقوب عطا الممرضة الورقة و طلت انو توصلها ل شهد و راح لعند مرح ..
مرح: اه احكي ؟
يعقوب: انا اسمي يعقوب .. قريب شهد .. كنت احبها زمان ..
و حكالها كل القصة ..
مرح: طيب انت شو استفدت من الي عملتو؟؟
يعقوب م رد ..
ضلو صافن ..
مرح: جاوبني !
يعقوب: مابعرف كنت بتمنى انها ترجعلي ..
مرح: طب اسمع الي ححكيلك ياه و بتعملو بالحرف ..!
حكت مرح كل شي
..
الممرضة عطت شهد الورقة و كان فيها "رح ضلني وراكي والله لاخر عمري .. "
شهد وقف قلبها و طبعا مو بس من هاد من كل الضغوطات الي صارتلها اخر فترة ..
اجو الدكاترة و الممرضات يحاولو ينعشوها ..
رجعلها النبض .. بس م صحيت ..
مرح طبعا نسيت شهد وراحت ع الدار و كل عقلها كان بيعقوب ..
سحرلها عقلها ..
عيونو شعرو هيئتو !
و يعقوب نفس الشي انسحر ب مرح و طول الوقت بيفكر فيها ..
بعد اسبوعين ..