☆ سجينة المنزل ☆

الجزء الاول

نفسي أشوف السمآ ، النجوم ، القمر ، الشمس ، الشجر ، الشارع والناس .. نفسي أشوف شو يعني حيآة .. هالبيت الكبير اللي أنآ فيه ، أو بالأحرى السجن اللي أنآ فيه ، مآ في أي منفس .. او اي طريقة اني اقدر من خلالهاا اشوف اشي برا البيت
، كل الشبابيك والبواب مسيجيين بسياج خزوقو صغيرة .. اصغر من شكة الدبوس ، يعني يا دوب اقدر اشوف اشي .. وكلشي مسكر بقفل .. حتى الخدم اللي معي بالبيت بيتعاملو معي من وراا البواب .. وكأني كائن غريب محضور عن العالم .. هالسجن اللي كبرت فيه سببو أبوي .. أبوي اللي من وانا بنت صغيرة امي تركتو وهربت ، ومن بعدهاا وهو عندو فوبياا..

حاشرني هون بهالبيت ، صحيح عندي خدم وكلشي بطلبوا بيوصلني .. بس انو اخطي خطوة وحدة برا هاد البيت من سابع المستحيلات ، ابوي باستراليا .. بس حاططلي ناس بالبيت مراقبين الوضع ، ومأمنينلو أني مستحيل اشوف ضو الشمس واختلط بأي مخلوق بشري ، وبيحكي انو هاد كلو من خوفوا الزايد علي .. خايف اني اتركوا واروحح متل ما عملت امي .. بس صراحة ما بلومها لأمي .. لانو هاد الاشي بالنسبة الي مرض نفسي ، مو خوف زايد ... الي سنين طويلة محرومة من الحياة بسببو ..

مع انو كلشي بيحلالي بلاقيه عندي بالبيت ، في غرفة موسيقى .. وغرفة رسمم .. وغرفة متل سينما صغيرة بحضر فيها افلام .. وغرفة فيهاا سيديات وشاشة لدروس مصورة عشان اتعلم كاني بمدرسة .. حتى انو في غرفة ارضها انجيل وفيها ورد صناعي ومرجوحة ... اللي كنت اعرفو انها غرفة مصطنعة اشبه بالطبيعة ... كان ابوي يوصللي احلاا الاواعي اللي بتتمناهم اي بنت... بس مع وجود هاد كلو انا كنت بحاجة لاشي اكبرر من هيك بكتير ... بحاجة لحرية .. بحاجة اشم هوا الطبيعة .. وامشي بين الناس .. واختلط بالبشر ، كنت بحاجة لاني اعيش حياة طبيعية

بدكم تعرفوا مين اناا !!
انا لانا .. البنت اللي الله معطيهاا جمال .. لاناا ام شعر طويل وعيون متل الغزال... لانا البنت اللي بتنافس القمر بجمالهاا .. بس للأسف اني مسجونة ببيت مابعرف شوفيه برا حدودو ...
طبعا ابوي ما كنت اشوفو .. كنت اتواصل انا وهو بالرسائل

السجن هاد عمل مني بنت ضعيفة كتير بتخاف من كلشي ، مليت من وضعي .. كل ايامي بقضيها بالمرسم لانوو كنت موهوبة بالرسم  او بتعلم ، الخدم كانو يحطولي الاكل ورا الباب ويروحوا .. ابوي كان منبه الكل ومهددهم .. انو ازا بتعامل مع حد يقتلني ويقتلهم ..
من كتر الكبت والخنقة اللي عايشة فيهم .. برسم ناس وبسميهم .. وبصير احكي معهم ، لا انا مش مجنونة .. بس وحدتي وحشرتي هي جبرتني اعمل هيك .. ولولا حركتي هاي لهلا انا بنت متوحدة او مريضة نفسياا

بس دايما كان عندي بصيص امل اني رحح اطلع من هالسجن بيوم ، واللي كان يعطيني هالامل هو خيوط الشمس اللي بتفوت عالبيت من خزوق السياج الصغيرة ... كنت دايما ادعي ربي انو اروي يطلعني من هاد السجن .. لانو بكفي ، صحيح اني تعودت عالعيشة لحالي .. بس في سؤال دايما يدور براسي .. كيف شكل الحياة برا هالسجن ؟! كيف الناس ؟؟ كيف العيشة وكيف البشر بيتعاملوا مع بعض !!
الشخص الوحيد اللي كنت اشوفو هو الدكتور بس امرض ، وكان يعالجني بدون ما ينطق حرف واحد معي وازا بدي اشي من الخدم بطلبو من ورا الباب او بكتبلهم على ورق

18 سنة من عمري مرقوا ما تعديت خطوة وحدة ولو على حديقة البيت ، كان عندي كآبة من ايامي .. لانو كل يوم بيمرق اخو التاني .. مافي اي اختلاف فيهم ..

بكل يوم بمزع ورقة من الرزنامة وبكبهاا وكأني بمزعهم بنفس اليوم ، بصفن بعقارب الساعة .. بتتحركك .. بس انا بششوفها واقفة .. لانو فعليا انا الي سنين واقفة عند نقطة وما تحركت ... والله اعلم متى ابلش بسطر جديد من بعد هالنقطة

#يتبع