البارت الاول
بقلم: نادية مروك 💕💕 Binloumi houdar
قصة: احببت سفاحا" لا احلل النشر نهائيا"
😢😢😢 لا تكفيني الكلمات والمعاني في حياتي إختلفت في ثواني😢😢😢
اه اه حياة غريبة بين ليلة وضحها تقلبت حياتي من بنت ناس طبقة مخملية لبنت الاحياء الشعبية مكونتش ظنى شي نهار غادي تقلب معيشتي لهدا الدرجة شكون كان يقول سيلين بنت محمد بن جلون غادي تعيش في الاحياء شعبية انا لمخليت لا دولة لا مدينة عربية ولا غربية كنت كنعيش في اكبر قصر قي مغرب بين يوم وليلة تغيرت كلشي رجعت عائلتي افقر عائلة ... اه قلوها ناس زمان دنيا تجي بي سبيبة وتمشي بسنسلل فهمت هدا مثال مزيان وحفظتو عرفت معنى ديالو ...عرفتكم مفهمين والو غادي نشرح ليكم وخاصكم تفهمو بلاتي نطل نشوف اشوقع ونرجع لعندكم....طليت من شرجم لقين جوج ديال دراري كيضربو غير بي سيوف و ناس كتغوات اول مرة في حياتي كنشوف هدا المنظر مباشرة تخلعت من منظر ناري نزل عليه غير بي سيف لوجهو وسيد كل دميات واخ هكاك كيضرب فيه وحتى واحد مقدر يفك ولا يتدخل شويا بدا كيغوات
شخص :كلشي يدخل للقيتو حديا نكمل بيه
انا:بقيت غير كنشوف مصدومة من هدا الواقع لعيشة اش هادشي ياربي كيقتلو في بنادم بدم بارد مكاين ليقول ليهم شحال في ساعة بقيت ساهية حتى غوات عليا
شخص:وانتي غادي دخلي ولا نطلع لموك نغتصب في هدا النهار دخلي يا واس...
غير غوات وانا نسد شرجم خفت بزاااف ناري على حي كيف دير والفاظ كيتقلو اف اف ابسيبل نزيد شي نعار هنا غادي نبيع هدا دار ونشوف حي الاخر راقي... كنظن عرفتو انا دبا فين عايشة مهم نهضر ليكم على حياتي معكم سيلين اه ياسلين بن جلون كان لسمع سميتي يبدا يفيبري مي دنيا بدلة ودغيا تبدلت عليا هدا الجو لوليت عايشة فيه ماشي ديالي معمرني ظنيت غادي يجي شي نهار ونعيش فيه ..انا بنت واحيدة عند عائلتي كنا من اغنى اغنياء لكن كلشي تبدل فاش واليد تعرض للافلاس من طرف عاشقتو للعبت ليه بي عقلو وخلتو يدخل في اعمل مشبوهة وتعرض للافلاس و لينا على ضس اب ديالي تعرض للازمة لي تسبت ليه في موت ... بقيت غير انا بوحدي لا حنين لا رحيم كلشي صحاب الحاجة الى لقا فيك مصلحة راك حبيبو لا ملقاش ميعرفكش هكا الحياة غادية الا من رحم ربك كتسألو كيفاش جيت لهنا دادة لربتني هي لشافت ليا هدا الدار شريتها جاب الله كان عندي فلوس وخديت هدا الدار بي ثمن قليل بيت وصالون صغير ومراح وطواليط اكيد درت فيها شلا اصلاحات حيت اول مرة فاش شفتها جابت ليا ردان زيادة على هادشي انا مولفاش هدا العيشة ولفت فشوش مي دبا نولف اش قالت دادة الحمد الله فاش لقيتها معايا اما كن معرفتش اش ندير من بعد موت اب ديالي كانت صدمة قوية ليا حيث كان هو كلشي في حياتي مكانش كيخصر ليا خاطري اه يا بابا بنتك ماشي خصرو ليها خاطرها حياتها كلها دمرت معرفت اش ندير دوزت 3 شهور في دار انا كنت مسافرة معارفتش راه تعرص افلاس حثى جاتني خبار موتو هبطت كنجري فاش دخلت لقيت صقيل بنادم قليل تقول مية ذبانة ماشي بن جلون هدا لكاان كلشي كيضرب ليه الف الحساب بكيت وغوات حتى تقاد جهدي بقيت على ديك حالة حتى جاو صحاب سيزي خاصني نخوي ليهم دار كانت ثاني صدمة غادي نتلقها يعني بقيت على دس جاب الله كاين الله مكيسد باب حتى كيفتح 10 بكيت غوات مخليت مدارت هرست ولكن هادشي كامل معاندو ماينفع جمعت حوايجي كاملين بيتي كلو جمعتو وهزيت ذهبي وذهب ماما لخلت ليا قبل ماتموت ....معرفت فين نمشي غير دادة لعونتي بزاااف كيف قلت ليكم شفت لي دار ... مهم على قد الحال وقريبة المدرسة لغادي نقرا فيها الحمد الله قبلتني على واد محنة اما كنت نقلبها...عندي اول عام في هدا المدرسة ديال هندسة كيعجبني هدا التخصص حيث ماما كانت مهندسة ديكور ...اول نهار ليا في هدا الحي جيت ليه غير بزز دخل ديالو كتخلع معرفتش كيفاش غادي نعيش فيه ....
يتبع
غادي نوصف ليكم راسي حيث عرفكم كيدركم راسكم ... و تعرفوني كيف دير ..زيني اوروبي مي دم عربي داكشي علاش لشافني كيدوخ(انا بديت في كذوب عوتاني) عينيا زرقين وكبار نيف مقاد وجهي بيض وشنيفي شويا منفوخين وحممرين وشعري لونو مخلاط بين صفر وقهوي وكحل و فورمتي حوتة على حساب كنت ندير لصال وعندي صمطة كحالة في رياضة تايكواندو يعني لشيديتو نخلي دار عشتو (دبا نشوفو ).. دبا 10 ديال صباح غادي نخرج نشوف المدرسة نضت دوشت لبست داكشي سبورتيف وهزيت صاكي درت فيه فلوس وكارط كيشي وسورت تلفون وخرجت معا باب سورت وعود نتأكد جاني حي عامر بي شمكريا وموسخين اف اف على ريحة ناري بنادم شحال سوفاج و على عقلية عندهم كيف دير حاضين غير تبركيك الله يحفظ نالي خرجت من دار وهوما حضيني حتى بدين كنشوف في راسي ياكما شي حاجة ماشي حتى لتم غادة معا جنب حيط وخايفة لا يتبعني شي شمكار مخرجت من حي حتى غفر ليا الله دنوب ...شديت طريق المدرسة وصلت ليها مكنتش متصور غادي نكمل قريتي هنا في هدا البلاد زمطت على قلبي ودخلت الداخل مؤسسة كانت مبيهاش ماشية من مستويا ولكن معاندي حتى شي حل اخر من غير نقبل ..دخلت عند مدير تفهمت معاه شرح ليا النظام ديال المؤسسة كيف غادي مواعد ديالها خديت توقيق وخرجت ...مشيت الواحد مطعم باش نتغدا خديت اشنو بغيت ورجع لداك خي مهمش
تكون ديك ساعة 1 الحي خاوي ناس نعاس واقيلة جاية وكنزرب خايفة احساس رعب تملكني وسيطر عليا لدرجة مش قرقب قلبي هبط لرجليا مالي لقيتو غير موش وانا نزيد نزرب شويا حتى بان ليا واحد واقف في قنت وكيلعب بي سيف شافني وبدا كيضحك عرفتو ناوي على خزيت وانا نشد صاكي مزيان وهزيت رجليا لسماء الزرقاء وانا نعيط جبد ويا ويا تقول غير هشام كروج في يماتو (قالت ليك صمطة كحلة)غير هربت وهو يتبعني كنسمع فيه كيقول ليا وقفي وقفي وانا غير مازدت في جري بانت ليا واحد دار مفتوحة وانا ندخل وسديت عليا حتى ........يتبع
