فهيمة

الهروب

#فهيمه 2
لأم علي
.
.
.
.
.ماحصل لفهيمه في تلك الليله...
صعدت بسيارة سعيد بين الي فرحانه وبين الي خايفه وجنت ارجف مثل السعفه هو مد ايده خلاها على رجلي كالي شبيج وكام يمسح على جتفي وراسي كالي لاتخافين اني مو جود كتله لامااخاف بس شويه ...شنو شويه كولي؟
هاا هيج ماكو شي بس فرحانه لان وياك ..
ها فرحانه هههههههههه وراح تزيد فرحتج بقينه الطريق كله نسولف وسالني عن عمري شكد كتله 15مااريده يكول زعطوطه عني وشكلي اخشن ..صفن كال تعرفين تقرين تكتبين ؟؟
اي اعرف كملت سادس ابتدائي وبطلوني عمامي .
-ليش؟
يكولون صرتي مره وفشله نسوانه يروحن للمدرسه..
-هاا بس يسربتوهن بلشطوط ههههههههههههه ..
بقينه بسياره نزل جاب صمون انطاني صمونه كالي اكلي لمن نوصل لان صار الصبح ....وصلت السياره لبغداد لان قريت بغداد دخلنه وبقينه لمن الشمس كامت تسمط حسيت حلكي يبس وصار مر كتله سعيد اني عطشانه كلش ومتت من الحر السياره حاره هو عاط بيه اش مالي خلكج خل نوصل وتزقنبي سكتت ماحجيت شي بس كلبي انعصر كلش...السياره كامت تفوت بشوارع انوب داربين من دربونه لدربونه لمن وصلنه لتجمع زلم طفى السياره والتفت عليه كال انزلي بسرعه ولاتسوين هوسه مفهوم خلكح ماتفتحيه لو افلش راسج خوش انزلي بلعجل يااله ..نزلت وكلبي يدك قوي ومتت خوف الزلم كلهم اهلا سعود الله يساعدك خوش صيد والك ويضحكون تفيد ابو مهند خوش سعر راح يدفع ويضحكون ..اجه سعيد لزمني من ايدي كلي شكولج تسوين انتي موتحبيني كتله اي احبك كال فوتي لجوه فتت لبيت شبه اضلم اجتني مره متوسطه بلعمر كالت ياله حبيبتي وياي لجوه اني خفت كمت ابجي واعيط اجى عليه واحد بيهم جرني من ضفيرتي بكل قوه ودفعني لجوه صحت سعيد تعال حباب ...سعيد طلع جكاره وكام يدخن ويباوع عليه ومايحجي ساكت اجتي المريه كومتني على حيلي واخذتني للبيت ونطتني دولكة ماء شربت لمن حسيت بطني انفخت من كد الماي انوب كعدت ابجي اكول وينج يمه اني شسويت بروحي ياربي

اجتني المريه كالت اني تصيحيلي خاله سمعتي وراح اكول بنت اختي ونريد نزفج لسعيد سمعتي عوبه لاتسوين هوسه وتجيبين شبه علينه العصر اخذج اشتريلج هدوم واخذج للصالون سمعتي عوبه ...هزيت راسي اي خاله والله كلشي مااسوي واسمع كلامج بس لاتموتوني ...تغدينه صبت تمن ومرك باميا كالت كومي نطلع اخذتني.لسوك ماشافته بعيني واشترتلي ثوب نوم احمر حلو كلش وشيشة ريحه عطرها طيب واخذتلي مكياجات وطلعنه دخلنه للصالون اجتي ام الصالون بوسته هلوو عيني ام ود شلونج منو هاي البنيه الحلوه ...ضحكت ام ود كالت اي عيني هاي بنت اختي وجبته دا تعقد بليل على ولد من غير محافظه وانتي صديقتي بلكي تغيرين شكله ..اي عيوني تدللي لعد خيرنه لغيرنه تعالي ماما شنو اسمج ..اصعدي عالكرسي ...اني صافنه جاوبته..ا ا اسمي فهي فهيمه اسمي اي ...ياعيني فهيمه هسه اطلعج كمر...وتعلج وتجر بحجيه عيني ام ود راح اكص شويه من شعرها لان مو حلو واحف حواجبه ...
لا شعره لاتلعبين بيه بس حفافه ومكياج ...
لعد اشوف شغلي ..
اشتغلتني ام الصالون طلعتني شكل ثاني وخلتلي مكياج وطلعت مثل اللعابه ...لمن صار الليل اجت سياره علينه واخذونه للبيت لبستني ثول النوم الاحمر وفوكه ثوب من ثيابي الزينات الي جبتهم من اهلي ورجعوا صعدوني مره ثانيه بسياره وطلعنه لغير مكان واني كلشي مااشوف ضلمه ومااعرف وين ياخذوني لمن وصلنه لبيت عملاق وكلش عالي عبالك عماره فتنه للبيت وجان كله ضاوي.. ...
.
دخلنه من باب صغير بلبيت علمطبخ اول ودخلتني ام ود لغرفه بيه اثاث كلش حلو من خشب وبي مرايه جبيره مالت الميز كامت رتبت مكياجي وشعري وانطتني حذاء كعب عالي لبسته اجى واحد لابس مرتب انطانه كلاص بيه مثل الشربت لونه اصفر اخذته ام ود وناوشتنياه كالت اشربي ردت اشرب ريحته خايسه ماكدرت اجرعه كتله خاله شنو هذا كالت اتزقنبي واسكتي يااله بلا نقاش ..اني شربت كمع وكوه الثاني حسيت اريد اكلب من راسي من كد طعمه وريحته الخايسه ماتنجرع ...كالت انوب اطلعي وصاحت امير ولك امير تعال اخذها بسرعه رجع نفس الولد وجرني من ايدي كتله خاله وين كالت روحي روحي ولاتفشلينه سمعتي ...دخلت لغرفه شكبره عبالك قاعه مالت اعراس بلوقت الحاضر وجانت بيه زلم هواي وكلهم لابسين قوط رجاليه والي مخلي جكاره بحلكه وكلهم يباوعون عليه تقريبا عددهم بالعشرين شخص كمت ارجف ولزمتني دوخه مو طبيعيه هم كل واحد يصيح الف والي يكول الف وخمس ميه لمن حسيت روحي اله خربت على طولي اجى عليه امير كومني كعدت على تخم وكلهم يسون بخت ابو مهند انت متعلم بس عالتازه ويضحكون بينهم رجع عليه امير جرني من ايدي وكومني واني مااحس على روحي اتحرك بدون وعي اخذني لغرفه ثانيه وكالي اكعدي هنا لمن اجتي عليه ام ود نزعتني ثوبي وبقيت بس بثوب النوم كالت انتضري اني بس اهز براسي ومااعرف شسوي...

.
.
.