فهيمة

الضياع

#فهيمة 3
لام علي

بقيت دقايق بين الدايخه وبين الي احس اريد اغفى لا اني حلمانه ولا بواعيتي وفجأه انفتح الباب ودخل عليه رجال بكد ابويه لا يمكن اكبر من ابويه وبيده جكاره وكلاص مدري شبيه كالي شلونه المشمشه مدري شلون طلعت من ضحكه لااراديه كتله هله عمو شو هذا شمر الكلاص حيل بلكاع واجى عليه مثل الوحش بنت الكلب  اني دافع فلوس لو نوى ..بت القندره وبده يضرب بيه ماعرف الضربه وين تجيني وين تلوحني من كد الضرب مااحسيت نفسي الا كاعده وخشمي يكت دم وسني مشلوع الدم من كل جسمي طالع ويابس عليه دمي وثوبي ممزك عليه شصار مااذكر كل الي اذكره هو ضرب ابو مهند الي كمت اسحل بروحي وحسيت الباب انفتحت دخلت ام ود وسعيد اجى سعيد بت الخر شلون تفشليني الرجال رجع نص الفلوس من وره شكولج الزفره اطلعي نروح للبيت واعرف حسابج اخذتني ام ود وغسلت وجهي ولبستني ثوبي ونقلوني لغير بيت ودخلت السياره بطرمه اجتي علينه وحده اصغر من ام ود شعرها اصفر قصير للجتف وتضحك بصوت عالي مثل ضحكت نجلاء فتحي ههههههه...هلوو عيني سعودي هاي الجديده ..
اي هاي اخذيه رجع اخذ نص الفلوس ابو مهند يكول رادت تضربه بلمزهريه.. علميه زين وخل تندمج ويه البنات
اي من عيوني ههههاي تعالي شنو اسمج ..؟
فهيمه..
لامحلوا خل نسميج ورود ماشي!
اي ..كيفج..
لعد تعالي اعرفج عالبنات..
مروه صابرين اسماء حنان تعالوا بنات ..
اجوي بنات تقريبا بعمري كلهم او اكبر مني بسنتين ثلاثه سنوات لابسات لبس مامستور اخذوا ورود وصبوا غدا نتغدا. كعدنه ناكل تمن وعليه دجاجه اني كوه اكلت لكمه لان حلكي ممرود من الضرب والكتل وفجاه اجتي عليه ام شعر الاصفر الي ضحكته عاليه اسمعي فهميه صيحيلي عمه مفهوم وشاكولج تسوين احنه مادازين عليج انتي اجيتي برجلج علينه حتى تاكلين وتلبسين تسوين كلشي بدون كلام صيري مطيعه او نستخدم اسلوب الضرب انتي بقت بكيفج شنو تختارين انسب الج ...هسه تغدي وارتاحي شويه وباجر عندج شغل تعالي حنان واسماء وياي هسه يجي علينه امير بقن مروه وصابرين وياي سالوني شلون اجيت حجيت الهم بتفصيل شلون حبيت سعيد بقوا وحده تباوع بوجه الثانيه كالت صابرين انتي غبيه واجيتي كرصته مروه اسكتي لاتحجين ماعلينه كتلهم انتوا هم مثلي سكتن ودنجن بلكاع كالت صابرين اني...وجرت حسره.. رجعت مروه كالت اسكتي مابينه ضرب غزرته صابرين شيريد يصير بينه احنه صرن مجموعة عاهرات وبيت دعاره منو شنو تخافين انتي هي اول وتالي تعرف هذا مصيرها ..اني قصتي احب واحد سبع سنوات ويحبني وماخلاشي بنفسي ماقدمه الي الا ان فديوم طلب اطلع وياه بدون مايدرون اهلي وجنت طالبة سادس اعدادي طلعت وياه لبيت نسيبه وفجأه دخل جماعته كلهم عليه اوووف ...طلعت اركض من البيت والم بروحي وحسيت اخويه شافني كمت اركض اركض بلفروع لمن تيهته وماشفته وانهزمت لكتني ام ود وجابتني لهنا ولهسه لا اكدر ارجع لاهلي يذبجوني ولا اكدر اتقبل العيشه الكشره هاي ...ونزلن دموع صابرين مروه ساكته ماحجت شي بس كالت الله كريم...خلص هذاك اليوم ثاني يوم هم كوه كعدت لان بعده جسمي يوجعني من الضرب شربت شاي واجتي ام شعر الاصفر كالت اليوم يومج مو تفشليني احط الحصرم بعيونج هزيت راسي ..اجى علينه امير واخذونه لبيت صغير وياي مروه واسماء جنت ارجف واكول ياربي دخيلك وهنه سوالف وضحك ويه امير ولا مهتمات عاديه عدهن الوضع..