(19 )غتجري عليها انا منكونش ضرتها وزيدون انا بغيتك ليا بوحدي وتكون ديالي غير انا ومنتشاركك مع حتى وحدة.انا رآه دابا كنتعدب ملي كتمشي تبات عندها.وهو يبدأ يتحل قالي غير صبري وعطيني وقت قلتلو سير حتى تقادي امورك وعاد اجي وقطعت.دازو جوج سيمانات مكنشوفوش.كنهضر معاه هضرة ناقصة حتى قالي رآه غيطلق فرحت فرحة كبيرة وبصراحة مبقاتش فيا هاديك حيت هي لي ضلماتني.المهم حاولت نبدأ عزز راسي فهاد المدة كاااملة لي كان هو كيطلق ومكنتلاقاهش كنشوفو شيييي مرة فدارنا ومكنطولش معاه.واخيرا طلقها ومشات بحالها وجاني هشام كيجري باش يرجعني قلت ليه ماشي غير اجي ورجع يجيو داركم.مشى هشام عند دارهم ودار ليهم الويل وقاليهم بغيت نجمع بنتي ونرد مراتي ولي زوين هشام كيعاود لي كلشي قالي مو وخواتاتو معجبهمش الحال واخا هاكاك قاليهم حياتي هادي.المهم بزز وبلهلا يطريه ليهم جاو عندنا وكيداخلو عليا باش نرجع انا شرطت على هشام نسكن بوحدي وبقيت كنتحلون عليه قلتليه بغيت ناخد حريتي معاك نلبس لي عجبني فدار الله يجعلني نبقا ندور عريانة منبقاش مزيرة مع شي حد.هو عجبو الحال سكني بوحدي ورجعت لراجلي والحمد لله ربي غلبني عليهم كاملين واخا مكانش ساهل عليا ندير هاد الدور ونتبدل من بنت غشيمة وعلى نيتها لوحدة مكتحشمش ملي رجعت هشام منع عليا لبس المزير وحتى انا منبغيش شي راجل يشوف فيا بقلة احترام ولكن هاد المرة خدمت عقلي واخا كنلبس محترم فالزنقة ودرت الفولار كنلبس العجب فداري وكندير معاه الحاجة لي غيشوفها فالزنقة غيلقاه عندي . هادشي هو لي بغيتكم تعرفوه البنات لي مزوجة وحتى لي باقا وسهل عليها الله وتزوجت خاصكم تجمعو راسكم وتعرفو بلي الراجل كيفما كان كيبقى راجل ريح لي جا يديه وعقلو فسروالو متهمليش راسك وديها فحالتك منها ميشوفش غيرك ومنها
