Words Left Unsaid

Halaga

For those who saw their self worth and for those who gave way for the "friend"

X
—————————————————

Pinakawalan kita,
hindi dahil ako'y nagsawa na

Pinakawalan kita,
'di dahil kalinga ko'y wala na
Pinakawalan kita,
dahil kailangan mo nang maging
masaya

          Sinabi mo "Babe, kaibigan ko lang siya",
pero kitang-kita sa pagkislap ng iyong mga mata,
May iba na

Pilit na tinago ang inggit,
sa iyong pangako ako'y kumapit
Kinumbinsi ang sarili,
na walang masamang mangyayari

Pinilit ko itago ang selos ko,
sa tuwing nakikita kong magkasama kayo
Pero nung nakita ko ang inyong matamis na pagtitinginan,
Alam ko na kayo na ay nag-iibigan

     Niloloko mo lang ako,
kung sasabihin mong mahal mo pa ako
Mahal kita,
kaya itigil na natin ito, sinta

Pinili kong pakawalan ka,
kesa kumapit pa
Pinili kong lisanin ka,
kesa ipaglaban ka
Pinili kong iwanan ka,
para bigyan kayo ng tyansa
Pinili ko ang sarili ko,
kesa malunod sa ilusyong
"Tayo"
Pinili kong makita,
ang aking halaga