الحلقة الاولي1️⃣
في حوش دانا : اول يوم في المدرسه الساعه 7:30ص🕣
ام دانا :داننااا نوضيي فيسع وقت عالمدرسه هادا غر من اول يوم راقده تو راهو صاحباتك نايضات من امبكري(طبعاً دانا متجبش المدرسة لكن وقت تمشي تشد في قرايتها هلبا وتالا ولارا نفس الشي😃ههه طالعين لي بعض)
دانا :تي باهييي نضت خلاص 😊
ناضت دانا وقبل كل شي اتصلت بتالا..
دانا :صباح الخير والفل و والياسمين 😍و الورد والموز😂
تالا :ههههه صباح النور😊 صبح يا فتاح شن جايك من صبح ربي 😂
دانا :يا حمارة مستاحشتكم لين خلاص فرحانه قريب انطير لاني بنشوفكم😚وانتو ادرهو الكبيدة الباب في الباب و بعدين و يين نتلاقو 😫
تالا: حتى اني استاحشتكم 😍 شن رايك نمشو مع بعض للمدرسه 😍
دانا :اي اي صح 🙈
تالا :به كلمي لارا توا ما عنديش رصيد اني 😶
دانا : نبي نعرف ع مني تصرفي فيه رصيدك بس ديما ما عندكش 😂
تالا :ههههعه بري يا بقرة والله لما تشوفي ،هي باي بنفطر كلمي لارا راك تنسي 😉
دانا :به ،هي تشاو.... ،،ستني ستني
تالا :شني
دانا :راك تنسي تجيبي تلفونك بنصورو 📷
تالا : به تمام
سكرت دانا وكلمت لارا طووول هدرزت معاها شويه و قالتلها :
دانا:اسمعي بنمشو مع بعض باهي
لارا :به وبيجي معانا حتى علي😜 راهوو(خو لارا)😊
دانا :اااهااا به 😊مالا اخطمي ع تالا قبل اني مش واتيه
لارا :اوكي وتي روحك😜
دانا :به باي و سكرت الخط طوول 😆
(طبعا دانا كانت معجبه بعلي 😊من صف تامن لعند توا بس علي كان يكلم في وحده تانيه وما حسش ع دانا وطبعا دانا موعدا لارا انها ما تقوليش لعلي )
طبعا دانا دوشت و لبست وصلت ونزلت تفطر😉
دانا :صباح الخير 😊
ام دانا :طيب فيك هادا كلا لبس😅
بو دانا :هي تعالي افطري 😘
دانا :حاضر بابا 😘شن وين خوتي مالا ؟؟
بو دانا:اهو قاعدين يبدلو ،بنوصلهم شن انتي بتمشي ع رجليك ولا نوصلك ؟؟
دانا :لالا اني بنمشي مع صاحباتي😊
طبعا شويه ورن الجرس وجو تالا ولارا وطبعا معاهم علي 😌
طلعتلهم دانا و ابتسامتها ع وجهها😃 و قلبها قعد يطق و متوترة😊 لان علي معاهم
دانا :حيي حبيباتي استحشتكم 😙😙
تالا ولارا :حني اكتر😘
دانا :شبحت لعلي وقالتلا :كيف حالك؟🙂
علي: كويس الحمد لله وانتي ؟🙂
دانا :تمام 😄
وقعدو تالا و دانا ولارا يهدرزو طول الطريق لين وصلو للمدرسه ...يتبع 💜💛
#ان_شاء_الله_تعجبكم🌚.
.
نلقا تفاعل انزل حلقه تانيه ،علقو باش انزل 🙈🙊
#علقو_حتى_لو_ايموجي☺
للكاتبة :دعاء❤️💗Dõââ😊
