You Are My Destiny

Part 1

Part 1

    Teringat si Viannie masa dorang masih sekolah rendah dulu. Dia ni eassy going punya orang. Dia ikut ja flow orang di sekeliling dia. Ada baitu kan classmate dorg nama dia si Jerry tapi tu budak-budak sana kasi gelar dia si Tompurung Kelapa gia. Andu ba Si Jerry Kesian.

    Masa dalam kelas tu ada la tu bahan ktawa dorang. Ketawa-ketawa ba dorang tingu si Tompurung kalapa a.k.a Jerry haha. Bikin ktawa ba kepala dia. Sda la stail tompurung gima nda lagi pandai senyum. Kna buli-buli lagi. Tapi satu klebihan si Tompurung (ops siow kio Jerry)ni kan, dia pandai menyanyi gima.
Bapa dia sebnarnya berbangsa cina dari seberang tapi kesian. Meninggal sda jdi tinggl odu sma mama dia lgi yang jaga dia. Tau la kan kalau tiada sda bapa ni ksian jga low self esteem gima.  Bkan jga ba dorang miskin. Ada jga kedai runcit mama dia peninggalan bapa dia gia. Mama dia pun Tukang jahit sma tukang buat manik. Lumayan jga pndapatan mama dia tu. Cantik lagi tu tapi nda mau minta kawin walaupun ramai angkol2 yang mau kawin dia. Kcian si Jerry bilang ba yang si Viannie dengar-dengar dari mama dia.

   Bebalik cerita tadi yang dalam kelas tu, Si Jerry (Duduk di sebelah si viannie lagi. 3 orang satu group la katakan tu meja. Ada lagi si Juan sana sbalah. Si viannie ni duduk di tngah2 dorang. Nda tau laitu cikgu knpa dia suka kci duduk tu budak2 bgitu msti kci tnga2 llki atau prmpuan. Mgkin takut durang bcrta2 bising-bising kli klu tebedkat. Tapi si Juan ni sllu merayau ba. Ming lastik la ming guli la ada ja kosibukan dia.) Dia diam ja gima. Malas juga kadang-kadang si Viannie ni malas juga mau dingar tu kawan ejek2 si Jerry. Mau jga dia melarang tapi malas mau ambil tau. Biar la si Jerry sndiri yang settel masalah dia. Dia tu boy msti la kuat smngat kn.
"Knapa ba kau punya kpala ni balik2 tompurung. Mama kau ka yang gunting ini?  hahahahaha..." bilang si Rudy tu paling nakal sana klas dorang si viannie. Si Jerry diam ja....

       "ui Gurangak!" Tiba-tiba si Joshua bobog tu bahu si viannie.
"Adui Gurangak kau sana mntang-mntang baru balik dari kihil (slang si viannie ni kan adei...)" Bilang si viannie.
"Kau senyum-senyum ni tingu itu album gambar knap?" Tanya si Joshua. Si Joshua ni a.k.a JJ sepupu rapat si Viannie. Dia sbenarnya kna panggil Si Bibi. Ada lagi sepupu durang gia si Sentia a.k.a Cici tapi sana di U. Jarang balik. Si Jj ni tua satu tahun dari si Viannie. Si cici paling Adik. 2 tahun 2 tahun jarak dorang. satu lagi kbetulan durang ni punya bthday dalam bulan yang sama Tahun ja bebeza . Pandai mama durang mrancang kan. Jadi kalau birthday tu trus satu kali kunun kna sambut sana rma besar dorang sini tmpat si odu. Dikira rmah kluarga la baitu kan. tapi yang masa dorang kcil2 lagi la. Skarang sbb sda bsar gia masing-masing sda sambut. Si Joshua ni teda sda mama. Antie sulung si Viannie sda meninggal awal. Tinggal bapa tapi bapa si Joshua kawin lagi orang kmpung seberang. Jarang dia balik tingu si Joshua. Ksian jga. Na mama si Viannie sma si odu la tmpat dia  bemanja. Si odu ni dikira orang bepwngaruh la jga. Ba bekas bomoh gia dia dulu sbelum ada ugama dikira srikandi jga la haha. Si aki meninggal awal masa mama si Viannie ni umur 3 tahun. Adui ramai btul ba urang mninggal awal kan. Bapa si Sentia a.k.a Cici ni adik bungso dorang mama si viannie sma si JJ.
    "Lucu ba sia tingu gmbar2 kami dulu-dulu ...hahaha tingu ba JJ ni gambar" Bilang si Viannie kasi tingu tu gambar satu kelas si viannie dulu.
"Apa jga yang lucu tu?" Bilang lagi si Joshua. Dia angkat itu album trus dia tingu berabis. Dia tingu si viannie sambil dia senyum-senyum.
" Yang zaman kegemilangan kamu lagi ni kan Bibi." Jawap nogi si Joshua. Tida gia dia teperasan gambar si Tompurung yang lucu masa tu.
"Nina ba Jj. Kau ingat lgi ka si Jerry yang tompurung tu kpala dia?" Bilang si Viannie. Sda la gima tetutup tu mata dia masa kna gambar. Pakai kodak ja gima masa tu. Tiada edit-edit trus cuci. Ktawa-ktawa gima si Viannie menunjuk tu gambar kasi tingu si Joshua. Si Joshua teketawa jga la tingu gambr si Jerry.