မှောင်ရီချိန်မှာဆင်းဖြစ်တဲ့ ကိုယ့်ရုံးအောက်...
ခပ်ပေပေမှန်ကြောင်ကောင်လေးတစ်ယောက်ရှိတယ်...
ကိုယ်ဆင်းအလာမှာ ကွေးညွတ်သွားမဲ့သူ့နှုတ်ခမ်းတစ်စုံ...
ဘေးလူတွေမြင်သွားမှာတောင်မနာလိုတယ်...
စည်းမျဉ်းတွေကြား... တစ်နေကုန်လူးလွန့်ခွင့်မရတဲ့ဆံနွယ်တွေ...
သူ့သခင်ရဲ့လက်ချောင်းတွေကြားမှာလှပစွာကခုန်လို့...
ခပ်ကြမ်းကြမ်းလက်တစ်ဖက်ရဲ့အကမ်း...
ယုံကြည်စွာပြန်လည်ဆုပ်ကိုင်မိတဲ့အခါ...
မနက်ဖြန်အတွက်ခွန်အားဆိုတာ ဆေးသောက်စရာမှမလိုတာ...
သူ့ရဲ့နေ့စဉ်ဒိုင်ယာရီလေးဟာကိုယ်ဖြစ်ခွင့်ရတဲ့အခါ...
လက်ထဲကထမင်းချိုင့်လေးက နင့်ကောင်လေးစကားများလွန်းတယ်တဲ့...
အဆင်မပြေမှုတွေကို ဟာသလုပ်ပေါ့ပါးစွာရင်ဖွင့်နေတဲ့သူ...
ဆုပ်ကိုင်ထားတဲ့လက်ဖမိုးပေါ်အားပေးအနမ်းခြွေမိတော့...
အသက်ဝင်လွန်းတဲ့သူ့အပြုံးမှာ ကိုယ့်အသက်တစ်ရက်ပြန်ငယ်တယ်...
မှတ်တိုင်ရောက်ဖို့လျောက်ရတဲ့လမ်းတစ်လျောက်...
သူ့ပုခုံးပေါ်မှာခိုနားခွင့်ရတဲ့ကိုယ့်စလင်းဘတ်အိတ်ကလေး...
အိမ်ရောက်ရင်အတော်ကြာအောင် ရင်ခွင်ထဲထည့်ထားမိဦးမှာ...
ကားကျပ်လို့ပိုလာတဲ့အချိန်တွေကြား...
အနာဂတ်ကိုချောင်းမြောင်းကြည့်တော့...
ဝင်သွားတဲ့နေလုံးကိုလက်ညှိုးထိုးရင်း...
မောင်တို့အတူနေဖို့တစ်ရက်နီးလာပြီတဲ့...
ကောင်းကောင်းပြန်နော်ဆိုတဲ့အမိန့်ကို...
နဖူးပေါ်အနမ်းတစ်ပွင့်ချွေရင်း ခေါင်းညိတ်ပြတတ်တဲ့သူ...
လမ်းချိုးမရောက်ခင်အထိကိုယ့်မျက်နှာကိုကြည့်ရင်း နောက်ပြန်လမ်းလျောက်တတ်တဲ့အကျင့်ဟာ လက်ထက်ပြီးမှပျောက်မှာတဲ့...
ကဲ... ကိုယ့်အိမ်ပြန်ချိန်တွေဟာဘယ်လောက်တောင် ခမ်းနားလိုက်သလဲလေ.....
