اخيرا التقينا

بارت الثالث

مشاعل تفتح الباب:هلاااا والله
جوري تدخل:هلابك
مشاعل تمسك يدها وتدخلها داخل
جوري شافت مرايه عند المدخل وقفت وفصخت نقابها وعبايتها وزبطت شكلها
مشاعل:مسرع جيتي؟
جوري تناظرها بطرف عين:نعم ياختي تطرديني؟
مشاعل تضحك: امشي امشي بس
دخلت جوري وهي ترفس الباب:اففف يختي ح..
مشاعل شهقت
(مشاعل راحت تجيب جوري ونست ان فيصل بالمجلس)
فيصل بكل لاموبالاه وغرور:نعم الاخت داخله بيت ابوها؟
جوري رجعت ورا وعلطول دخلت الحمام اللي مقابل المجلس
فيصل وهو يطلع ويعلي صوته: علمي صديقاتك الأدب مو يجون يرفسون بيبان الخلق،وخل تترك عنها سوالف العربجه جوا البيت بالله
جوري منحرجه وبنفس الوقت تنرفزت من كلامه بس سكتت
مشاعل حاطه يدها على راسها على تصرف جوري واخوها وفيها الضحكه
جوري طلعت شوي شوي ودخلت المجلس:شفيه اخوك نفسيه كذا؟
مشاعل:ماعلييش هو كذا اسلوبه
دق الجرس مره ثانيه
مشاعل:شكلها فاتن جت بقوم افتح لها
جوري وهي تحاول تصور سناب:طيب
طلعت مشاعل الا تشوف اخوها طالع وفاتح الباب بصوت خفيف:والله لاتتصفق يافيصل
فاتن جت لمشاعل وهي تتنفس بسرعه:مين ذا؟
مشاعل تضحك:اخوي
فاتن وواضح عليها خاقه:من وين طلع؟
مشاعل فقعت ضحك:وش هالسؤال الغبي من وين طلع يعني امشي امشي بس-تسحب فاتن-
دخلوا المجلس وهم يضحكون
جوري تضحك معهم: وش فيكم؟
فاتن وهي تفصخ عباتها: لقيت فارس احلامي.
جوري بطنازه؛بالله مين بقى ماصار فارس احلامك؟
-فاتن راعيه مكالمات وكذا وكل شوي متعرفه على واحد-
مشاعل:على طاري فارس الأحلام شرايكم ادق على حبيبي تسمعون صوته؟
جوري:خلييييه بعدين
فاتن:اي اي خليه بعدين خل نتقهوه وكذا -تناظر السفره بعدين تناظر جوري وتصرخ عليها-وجعععع امداك تبلعين؟
جوري كانت تطالع بجوالها رفعت راسها بفهاوه على فاتن: ايش؟
فاتن: بس تزط يختي استني لين تجي راعيه البيت وتصب لك!!
جوري استوعبت:هيييييييههه لاتصارخين وجع ذا مو فنجالي فنجال فارس احلامك-تخزها-
فاتن صار فيسها زي كذا😍:يالبييييه صبوا لي قهوه فيه ههههههههه
مشاعل وجوري يضحكون
جوري:وععععع
مشاعل ترفس جوري:عمى تراه اخوي لاتغلطين
جوري تضحك
تقهوو البنات واذن المغرب صلوا ورجعوا جلسوا
فاتن:يلا يلا دقي عليه
جوري تكرهه هالسوالف
مشاعل تدق:اصبروا خل يرد وياويل اللي تتكلم
..:هلااا والله
مشاعل بصوتها الناعم:هلانصوري
جوري تطالع مشاعل عشان الدلع
مشاعل كاتمه ضحكتها:اخبارك حبيبي
ناصر:الحمدلله؛وين صحباتك؟
جوري بصوت خفيف:شكله ناوي يغازلنا هههه
مشاعل تضرب جوري:اشش
ناصر:تخسين اغازل غير شعوله
فاتن تصارخ: يعععععع جوكم بيض نصوري وشعوله-تضحك هي وجوري-
مشاعل تهاوش: اوووص انتي وياها
احد يطق الباب....