اخيرا التقينا

بارت الاول

الصبح الساعه ٦:٢٨ بمنزل متواضع جدا.
الأم:يلااا قومي لايروح الباص وتبلشينا مافيه احد يوديك للمدرسه.
تتمغط:يمه بغيب والله مافيني حيل اروح
الأم:قومي اخلصي لاادق على ابوك.
تغير وضع سدحتها:اووووف طيب طيب-طلعت الجوال دخلت عالبرامج كلهم-
الأم دخلت الغرفه:جوري يمال الصلاح ماقمتي؟؟
جوري فزت من مكانها: يلا يلا قمت
الأم:بسرعه مابقى شي
جوري سكرت الباب وغيرت ملابسها بسرعه-هي من النوع اللي مايطول باللبس -
راحت جوري للمطبخ واخذت توست بتاكلها الا تسمع صوت الباص.
الأم تصارخ:يابنننتتت الحقي الباص جاااااء
جوري تتأفف:يلا يلا طلعت
اخذت الخبزه والحليب وقامت تمشي ببطيء تبغا الباص يمشي ويخليها.
جوري فتحت باب الشارع:عمى لو اني مستعجله وماابيه يروح كان راح.
ركبت الباص ووصلت للمدرسه
جوري ترمي شنطتها:اوووف وش علينا اول حصه؟
ريم: وجع ان شاءالله ماتعرفين تجين بسلام وهدوء انتي؟
جوري تضحك وجلست:طيب سوري ماما ريم؛ماجاوبتوا وش علينا؟
فاتن:اتوقع انه علينا رياضيات
جوري تتأفف:يالله صباح خير
مشاعل ترمي الكتاب على الطاوله: هاا لو طارين مليون احسن
البنات كلهم التفتو:وعععع
ساره:ماتغيب ذي؟
اشواق تضحك:تغيب هي تجيك امل -استاذه الانقلش-
جوري:خلاص لاتسدوا نفسي زياده على هالصبح
رن الجرس
الاستاذه:اللي اظافرها طويله تطلع من الطابور قبل افتش
جوري:ياللليللل
جت الاستاذه عند جوري:لاازم سبحان الله كل اسبوع نصبح على هالوجهه قومي اطلعي من الطابور
جوري بدلع متصنع:استاااذه مو طويله
الاستاذه:اقول يلااا
جوري تتأفف وتتحلطم
قصت اظافيرها وراحت فصلها ومر يومها عادي.
فالفرصه ودعوا البنات بعض.
الحارس:يلا يافاتن خالد المنصور.
طلعت جوري وطلعت فاتن
فاتن ركبت السياره: بابا غريبه جاي تاخذني اليوم؟
ابو فاتن: شفيها اذا جيت اخذت بنتي الغاليه
فاتن تضحك
مشت الباصات والسيارات
فاتن تطالع ابوها وهو واضح عليه انه يفكر بشي:بابا شفيك؟
ابوفاتن ماسمعها
فاتن تأشر باايدها:بااااابااا
ابوفاتن:هلا بابا؟
فاتن:وش فيك باايش تفكر؟
ابو فاتن:ولاشي يابابا فيه مشروع انعرض علي اليوم وجلست افكر فيه.
فاتن:اهاا
ابو فاتن: الا بابا بسألك؟ البنت اللي طلعت معك قبل شوي مين؟
فاتن:اي وحده؟
ابوفاتن:اللي طلعت معك وكانت ماسكه يدك؟
فاتن:اييييه ذي صاحبتي جوري؛ليه تسأل؟
ابو فاتن:انتي دايم تسولفين عن صحباتك وتقولين لهم سواقين واستغربت مين ذي اللي راحت ركبت الباص.
فاتن:يب ذي صاحبتي جوري.
ابوفاتن:وايش اسم ابوها؟
فاتن:اتوقع عبدالله.
ابوفاتن هز راسه وبعدها سكت كل الطرفين لين وصلوا بيتهم
فاتن نزلت وعلطول مسكت الجوال وفتحت القروب..