اخيرا التقينا

بارت الخامس

خلصو عشا ورجعت كل وحده فيهم لبيتها
ام جوري:جوري؟؟
جوري:هلا
ام جوري:غيري ملابسك والحقيني للغرفه
جوري استغربت:ان شاءالله
جوري دخلت غرفتها غيرت ملابسها وراحت عند امها
ام جوري:تعالي اجلسي عندي
جوري:عسا ماشر يمه
ام جوري:ماشر ياعمري بس فيه موضوع باخذ شورك فيه
جوري:ايش؟
ام جوري:انتي كبرتي وصرتي حرمه مشاءالله عليك وكلن يتمناك
جوري استغربت من كلام امها:ايوه؟
ام جوري:فيه واحد اليوم العصر خطبك من ابوك
جوري بصدمه:مين؟
ام جوري:واحد عنده خير ونعمه..
جوري:طيب مين هو؟
ام جوري:خالد المنصور
جوري بصدمه:كككييييييفففف؟
ام جوري:شفيك؟
جوري:يمه ذا ابو فاتن كيف اتزوجه؟صاحين انتم؟
ام جوري بشده:يابنت لاتنسين اني امك
جوري والعبره خنقتها:اسفه يمه بس..
ام جوري:يابنيتي انتي كبرتي وماتضمنين اذا احد جاء بعده وطق الباب عليك.
جوري:جعلي ماتزوجت-وقفت-يمه قولي لاابوي مب موافقه.
ابو جوري:بتوافقين غصب
جوري لفت منصدمه:يبه
ابو جوري:طاوعتك بكل شي الا هنا دام الرجال طق الباب فبنوافق وهو مو..
قاطعته جوري بصراخ:يبههه مااا.
صارخ ابوها:لاترفعين صوتك علي شوري بيمشي غصب تفهمين؟
جوري نزلت راسها ودموعها بعيونها:اللي تشوفه-راحت لغرفتها-
ابو جوري جلس وهو حاط يده على راسه
ام جوري:كأنك قسيت عليها
ابو جوري:شسوي من خوفي عليها انا خلاص معاد اقدر على مصاريفها يالله مصاريفك انتي وعيالك مابي اقصر معها بشي.
ام جوري:الله يسهل الأمور جوري فاهمه وعاقلة وبتتفهم الأمور
قاطع كلامهم رن جوال ابو جوري:الووو
ابو فاتن:السلام عليكم
ابو جوري عدل جلسته:هلاهلا طال عمرك
ابو فاتن:كلمت بنتك؟
ابو جوري بضيقه:اي والبنت موافقه
ابو فاتن:خلاص بكرا بجيكم واجيب المملك معي.
ابو جوري:بس مو كأنك مستعجل
ابو فاتن بشزيه عصبيه:انا وراي اشغال ووراي سفر باخذ بنتكم وبنسافر
ابو جوري:اللي تشوفه
ابو فاتن:يلا سلام
ام جوري:وشو؟
ابو جوري:بكرا بيجي يملك عليها
ام جوري:وشو وراه مستعجل؟
ابوجوري:يقول عنده اشغال وسفر
ام جوري:خل يسافر وش مستعجله
ابوجوري تنهد:روحي قولي لجوري تتجهز وحاولي تقنعينها.
ام جوري:ان شاءالله
--------------------------------
فاتن:مستحيييييللل اخليك تتزوجها
ابو فاتن:مين انتي عشان تمنعيني اعرفي تكلمين مين يابنت.
فاتن: يبه تزوج اي وحده غير جوري مالقيت الا هي؟
ابو فاتن:البنت وافقت وانا عطيتك علم وبس ماجيت اخذ رايك او استناك توافقين.
فاتن عصبت وراحت لغرفتها
-------------------------------------------
جوري وهي تبكي:ذا اكبر من ابوي كيف اتزوجه لهدرجه بايعيني انتم؟
ام جوري:يابنتي ياحبيبتي والله مو بايعينك نبغاك تعيشين احسن من هالعيشه.
جوري:...