نسرييين واا نسريين وانتي فيقي فيقي
انا : اش كاين مالك مصظعانا عل الصباح
مريم: نوضي تشوفي شي وحدين كيتحولو للدار لي حدانا و راه بان لياا واحد البوغوس معاهم راني دخت
انا: سيري لله امسخك هادشي علاش مفيقانا
مريم :سيري دبري على رسك فحال الناس و نتي بقا ليك شوية و تولي بيرا
انا:صبحنا على الله عوتاني نتي و ماما قهرتوني بهاد CD.
(اه سمحوليا بعدا نعرفكوم براسي انا نسرين عندي 23 عام و عاطلة عن العمل ، عندي مشكل مع الرجال متنحملهومش حيت انا بابا كان قبيح معانا و كان ديما كيدرب ماما (بابا ميت) لمهم معلينا مريم هي ختي صغر مني بعام . لمهم نوصف ليكم راسي انا طويلة شعري كحل و مسبسب اما واحد ملاتي لعينين كبار و لونهنم مخلوظ)
هبطت باش نفطر و نخرج نقلب على خدمة كيف لعدا حتى كنسمع دقان فلباب مشيت نحل
هاجر(صحبتي):فين البقرة
انا : مكيناش البقرة قدك صبحنا على هاد الكمارة ديالك باينا عوتاني غنبقى غير ندور ليوم و نرجع بلا خدمة
هاجر: لا لا مكين علاش تخرجي تقلبي على خدمة راه لقيتها ليك
انا: داوية بصح
هاجر : و لله العضيم دابا صاحب ولد خالتي باه عندو شركة و جاو عندنا للدار و سمعتهم كيقلبو على شي وحدة تخدم سوكريتيرا و انا نعطيهم cv ديالك و غالو ليا غولي ليها غدة تجي
انا: سيري كيف ما فرحتيني لله اجوجك بداك بوركابي ديالك
هاجر: اميين يا ربي
لمهم ليل كامل منعستش بغيت غير امتى ايجي لغد ليه و نمشي نخدم حيت انا والديا غير على قد الحال بابا نجار و ماما ربت بيت و لكين الحمد لله معندناش و مخصناش
اصبحنا و اصبح الملك لله
فقت صباح بكري توضيت و صليت لبست سروال كلاس مع شوميز بالبيض و الزرق و صبيبيط طالون فالزرق غامق حيت انا وخا طويلة كنحماق على الطالون
هبطت عند ماما مسكينة لقيتها موجدة ليا الفطور فطرت و خديت الرضا ديالها و بست ختي مريم لي كنحماق عليها و خرجت
مشيت للشركة من بعد ما نعتات ليا هاجر فين كاينا
دخلت واو على شاريكا كيف دايرا هاداكشي شحال كلاس
جات عندي واحد البنت معرفتهاش فاس خداما لمهم و سولاتني على سبب تواجدب تماك لمهم غدغلتليها راه بغيت نشوف المدير دخلاتني عاندو
كان غالس و عاط بضهرو كان كيشوف في السرجم......
لي بغا لكمالة ادير vote كتشجيع
