مع الدخلة و هو ابدا اغوت
امين : تبارك الله عليك واش كيصحاب ليك اناا لي وليت خدام عندك هنا دخلي لوقت لي غلها ليك راسك
انا : ولاكين راه وقت الغدا
امين : اشكون بعدا هاداك لي طلعت معاه و اش هاد اللبس جايا به الخدمة عجبينك فخادك
انا : هادا لباس رسمي و كلشي كيجي لابس هاكدا في الخدمة
امين : ولكن انا دويت معاك نتي اخر مرة نشوفك لابسة هاكا و هاداك طلوع مع هاداك ف طونوبيل غنتحاسبو عليه من بعد
تفو شكون هادا لي اتحكم فيا يخ على حگار (غلتها بشوية)
امين :اش غالسا كتبرغمي تما
انا:والو
امين :ياله سيري ديري خدمتك
*****************************************
نمشيو شوية عند البطل ديالنا نتعرفو عليه
انا امين العمراني الوريث الوحيد لشركات العمراني كان الاهتمام الديالي هو الطب و كنت هو اللي بغي نتخصص فيه و بحكم ان الوليد الديالي كبر في السن الشئ اللي جبرني على انني نتخلى على الحلم ديالي باش نولي طبيب
نهار اللول لي جيت فيه للشركة تساطحت مع واحد البنت لي الصرحة عجباتني من اول نظرة عرفت من بعد بلي هي خداما عندنا في الشركة ووليت مهتم بها لدرجة اني وليت كنعرف عليها الصغيرة و الكبيرة كنت ديما كنعطيها بزاف ديال الملفات تخدم عليهم غير باش تلهى في الخدمة و ما تهدر مع حتى شي واحد بالخصوص الدراري ليوم مع جيت للشركة تلاقيت معها في الباب معجبنيش لبسها مع هيا شوية فورمتها عاطيا للعين و كلشي كان كيشوف داكشي علاش طلعت باش نهدر معاها وصلت وقيت لغدا عيطت لحسناء النائبة ديالي باش تكلمها ليا و لاكين مع الطلة لي غنطل من السرجم كتبان ليا طلعت مع واحد في الطونوبيل تما انا جعرت و معرفتش كيفاش مني جات قدرت نغوت عليها هاكاك واقيلة بصح ولييت كنبغيها......
