ندا: يوووه بقا اقفلى الشباك يا مروه عايزه انام حرام عليكى
مروه: قومى يابت وبطلى كسل يلا عشان تصلى وتروحی المدرسه
ندا: ليه هى الساعه كام ؟ o.O
مروه : دلوقتى بالظبط 7ونص
ندا: نعم انتى بتهزرى اكيد يالهوى هتهزق يالهوى يالهوى فين اللبس انا اخر مره كنت رمياه ع الانتريه فينو ؟؟!
مروه : طبعا ماانتى مش منظمه این علیا هقول لماما عليكى .. استنى استنى اوعى تكركبي الدنيا اللبس اهوه امسكى بقولك يا ندا ..
ندا : ايه عايزه يا مروه انجزى عشان اتأخرت
مروه : يا حبيبتى دلوقتى لسه الساعه 6ونص بس قولت ارزل عليكى شويه هههه
ندا: كام يا حبيبتي قولى 6ونص اه طب وربنا مسيباكى .. خدى يابت هنا
مروه : ماما .. ماما اللحقينى بتك هتضربنى ههههه مش هتقدرى تمسكينى يا ندا
الام : ههههه يا بنات اهدو بقا عشان ابوكم ميصحاش ويزعق وانتو عارفين ابوكم
ندا : حاضر يا ماما ... بقولك يا ماما عاملانا ايه النهارده ع الغدا يا حبيبت قلبي اكيد عملالى مكرونه بالباشميل اكيد عرفاكى انا امواااه
الام : ههههه يا بت انتى امته هتبطلى شقاوه حاضر يا حبيبتى هعمل ال انتى عايزاه بس يلا عشان تفطرو الاول روحى اغسلى وشك وصحى ابوكى ؟؟
ندا : حاضر يا ماما ...
_ بعد نص سـااعــه
الام : ايه يا ندا صحيتى ابوكى
ندا : اوبا انا نسيت.. ااا اا اه يا ماما ادينى هروح اصحيه
ندا : بابا .. يا بابا .. بااااااابا قوم يلا الوقت اتأخر الساعه 9 الصبح وامى تعبانه برا ومش قادره تتنفس يلا قوم وديها المستشفى
الاب: وهو مخضوض ازاى يعنى مالها امك وازاى الساعه 9 ... ويقوم جرى يشوف ام ندا يلاقيها ف المطبخ بتعمل الفطار
نـدا: ايه دا امى قامت ازاى دى كانت تعبانه تؤتؤ لا وكمان الساعه 7 ازاى دا كلو لالا اكيد حاجه حصلت معلش يا بابا تعيش وتاخد غيرها يا حبيبي هههههههه
الاب: يالهوى يا بتى حرام عليكى خوفتينى والله ماشي يا ندا حااااضر
ندا: خلاص يا بابا متزعلش منى حبيبي انت مليش غيرك يااحلا اب ف الدنيا دى كلها
الاب : طيب يا حبيبتى يلا روحى اللبسي عشان نفطر مع بعض
نـدا : حاضر يا احلا اب ف الدنيا
مروه : صباح الخير يا بابا ...
الاب : صباح النور يا بنتى .. عامله ايه يا حبيبتي النهارده
مروه : الحمدلله يا بابا بقيت كويسه
الاب: طيب يا حبيبتى خدى بالك من نفسك يا بنتى وخدى العلاج ف معادو
مروه : حاضر يا بابا ... يلا يا بابا عشان تفطر
الاب : اهو خلصت يا بنتى ادينى جاي
________________________________ بعد الفطار
ندا: طيب يلا انا همشي بقا عشان اتأخرت وهاجر اكيد هتموتنى سلام
الاب والام ومروه : سلام يا حبيبيتى وخدى بالك من نفسك
الاب: طب انا همشي بقا هروح الشغل ومش هتأخر ان شاء الله
الام : ماشي يا حبيبي اعملك ايه ع الغدا
مروه : احم احم انا قاعده
الام: بطلى يابت دا جوزى
مروه : هههه ماشي يا عم
الاب: اى حاجه من ايدك حلوه .. يلا بقا عشان مااتأخرش
الام : طيب .. ابقا خود بالك من نفسك
مروه : خلاص خلاص مشى وربنا انتى فضلك شويه وتروحى جري وراه
الام : بس يابت عيب كدا وبعدين انتى ايه مدايقك دا جوزى يااختى
مروه : ههههه الله يسهلو يا عم
الام : ايه يابنتى مش ناويه ترجعيلو
مروه : يوووه ماما متفتحيش الموضوع دا تانى انا مش عايزه اتخنق
الام: ...... طيب يا بنتى براحتك
مروه : انا اسفه يا ماما بس انتى عارفه ان الموضوع دا مستحيل يحصل
الام : ليه يابنتى .. دا حتى الواد كويس وابن ناس
مروه : اه هو كويس وابن ناس بس انا مش مرتحالو .. انا خلاص يا ماما هطلع هروح الجامعه باین علی اسراء مش رايحه ولا باین علیها هتتأخر كالعاده يلا يا ماما متخافيش مش هتأخر سلام يا حبيبتى
الام: ربنا معاكى يا بنتى سلام
___ تفتح مروه الباب تلاقي قدامها اسراء بتنهت
اسراء : مررارتى ايه اخبارك النهارده ؟
مروه : يابت بطلى كلمه مرارتى دى .. يااختى الحمدلله كويسه وانتى عامله ايه مالك بتنهتى ليه ؟
اسراء : اصلى اتأخرت وكنت عارفه ان ف واحده اسمها مروه هتموتنى
مروه : هههه هموتك لالا عيب عليكى يا شيخه انا هقتلك بس ههههه
اسراء: ههههههه طيب خلاص يلا عشان اتأخرنا جامد وعشان عايزاكى ف موضوع مهم قوى
مروه : خيررر ..
اسراء: يلا بينا هبقا احكيلك لما نوصل
مروه : طيب
اسراء : ازيك يا تنت عامله ايه
الام : الحمدلله يا بنتى وانتى ايه اخبارك
اسراء : الحمدلله طب يلا يلا احنا هنمشي متقلقيش بنتك ف امان معايا هههه يلا سلام
الام : ههه طيب يا حبيبتي سلام
_____________________ ف الجامعه
مروه : ها يا بنتى ايه فيه . ايه ال كنتى عايزه تقولهولى
اسراء : بوصي يا ستى .. الواد حازم لسه بيحبك وعايزك و.....
مروه : يوووه يااسراء قولت متفتحيش الموضوع دا تانى.. ليه بتفتحيه دلوقتى
اسراء: يابنتى استنى الواد بيحبك بجد وعايزك ف الحلال
مروه : وانا مش بفكر ف الارتباط يااسراء خلاص بقا متخنقنيش
اسراء : طيب خلاص خلاص براحه متتعصبيش كدا يلا بينا عشان ندخل
مروه : طيب
_______________ الثانويه المشتركه مدرسه ندا
ندا: ايه يا هاجر مالك مدايقه ليه كدا
هاجر: كنت لسه عامله خناقه ف البيت
ندا: ليه يا بنتى كدا
هاجر: بسبب اخويا البارد دا
ندا : احم احم اخوكى مش بارد ومااسمحلكيش تشتميه
هاجر : ايوة بقااا بتحبى اخويا يابت
ندا : هههه مين دى اا اا اااانا لا ع فكرا
هاجر : هههههه باينه قوى يا ندا بطلى ماتقلقيش وهو كمان بيحبك وبيكلمنى كل يوم عليكى
ندا : بجد ... بيقولك ايه
هاجر : اممم عن اخبارك وانتى مرتبطه ولا لا والكلام دا
ندا : بس ....
عمر: ازيك يا ندا عامله ايه ؟
ندا : ع ع عع عمر اه اه انا الحمدلله وانت ؟
عمر : الحمدلله كنت عايز احكى معاكى ف موضوع كدا ممكن
هاجر: طب وبالنسبه ان اختك واقفه هنا مسلمتش عليا يعنى ولا ندا بس ال يتسلم عليها
عمر: ندا انتى ايه مخليكى مصاحبه البت دى .. مستحملاها ازاى
ندا : ههههه مش عارفه صدقنى
هاجر : بقا كدا ماااشي يا ندا .. بقولك يا عمر ندا قالتلى من شويه انا مااسمحلكيش تشتمى عمر واخد لبالك
ندا:هاااااا ... اااا اااا ااا ااا انا لا انا مقولتش كدا بطلى يا هاجر
عمر وهو ينظر الى ندا بحب : ههههه طيب خلاص ممكن خلاص عايز ندا لحظه يا هاجر
هاجر: طيب يا عم ال روميو
عمر: اممم مش عارف اقولك ايه يا ندا بصراحه
ندا وبكسوف : قول كنت عايزنى ف ايه
عمر :بصراحه كنت عايز اقولك....... يتبــع
