معتز: الحمدلله ... يلا بينا نروح نودى كل حاجه للنيابه
عمر: يلا
...
ندا: عااااا يااماما ايه دا
مروه: استنى يابت دى انا مروه
ندا: لالا انتى عفريت
مروه: يابت استنى والله انا مروه دا ماسك انا حطاه
ندا: ايه ال يثبتلى انك مروه ومش عفريت
مروه: اممم عمر
ندا: لا يبقا مروه .. بس مالك كدا قلبتى ليه
مروه: ماقولتلك مااااسك
ندا: اه يعنى بيعمل ايه البتاع دا
مروه: اه باین علیکی هتتعبينى تعالى احطلك وهتعرفي بنفسك بيعمل ايه
ندا: وابقا عفريته زيك كدا
مروه: اه وتبقي مجنونه كمان اقعدى يابت وانتى ساكته
ندا: اهوه ...
محمد: بسم الله الرحمن الرحيم ايه ال انا شايفو دااااا
مروه: اه مااهم اخوات اكيد هيكونو زى بعض
محمد: هااا مال شكلكم كدا وانتو هيبقا شكلكم كدا بكرا ف الخطوبه
مروه: لا يا خفيف دا ماسك
محمد: ماسك ؟؟! مش فاهم حضرتك ممكن تفهمينى
مروه: دا.. وانت مالك انت ايه حشرك ف الموضوع اطلع برا
محمد: طيب بيتاكل دا
مروه: اه بيتاكل هبقا اسبلك حته منو اطلع ياض
محمد: طيب دوقيه كدا
مروه: اه لا انت بتستظرف ... انا هوريك دلوقتى ايه طعمو
(تمسك مروه المخده وتضربو )
محمد: استسلم ياعم خلاص اهدى مش بيتاكل هو بيتشرب
(ويجري محمد): معلش لزوم الرخامه بس
مروه: اه انت هتقولى
ندا وهى بتضحك: قلبي هيوقف والله
مروه: بعد الشر يلا عشان نحط الخيار ع عنينا
ندا: وليه احطو انا هاكلو
مروه: ايه الناس دى كأنكم مش بتاكلو
ندا: اه ليا كتير مكلتش الخيار
مروه: حاضر انا هوكلك اخرسي يابت خلي اليوم يعدى دا ايه دا البت واخوها يالهوى اومال هتعملو ايه ف خطوبتى لا انا خايفه بوصو انتو مش معزومين
ندا: نعععععععم بعد ماخلتينى حطيت القرف دا .. طب كنتى قولتى من الاول مكنتش جبت فستان ولا حطيت البتاع دا ف وشي والخيار ال هتخلينى احطو ف عينى بدل مااكلو حرام يا مفتريه
مروه:هههههههههه بس يابت اقعدى ساكته
ندا: حاضر يا فندم
......
معتز: الحمدلله ع سلامتك يا هاجر
هاجر: الله يسلمك
مراد: انتى كويسه هااا حاسه بأيه
هاجر: اهدا يا مراد انا كويسه
مراد: ياريتنى كنت بدالك
هاجر: بعد الشر
مراد: مقولتليش ليه كنت عملت اى حاجه اساعدكم بيها
هاجر: كل مااجى اتكلم معاك كانت تدخل خالتى ومكنتش اقدر اقولك
مراد: حصل خير المهم انك كويسه دلوقتى
هاجر: الحمدلله ... فين عمر
مراد: مستنى برا بس مخنوق خالص
هاجر: طيب قولو كلم هاجر
مراد: حاضر ..... عمر كلم هاجر عايزاك
عمر: ايوة يا حبيبتى انتى كويسه
هاجر: الحمدلله .. ايه مالك
عمر: ماليش بس مدايق من ال حصل معانا دا
هاجر: دا قدر يا عمر
عمر: انتى متخيله يعنى ايه انى اخسر اختى ال فضلالى ف الدنيا من بعد امى وامى راحت مش فاضلى غيرك انا مش قادر اتخيل الدنيا دى من غير برودك واستفزازك
تقاطعه هاجر: انت بتشكر فيا ولا بتشمتنى حضرتك عايزه توضيح معلش
عمر: هههه اهو عشان تعرفى انك بارده .. ربنا يخليكى ليا يااختى
هاجر: ويخليك ليا يااحلا اخ ف الدنيا (تهمسلو) ويخليك لندا
عمر: اميييييييين يارب
هاجر: ههههه طيب يلا بقا عشان عايزه اجيب طقم جديد لخطوبه مروه
عمر: نعم يااختى!!
هاجر: زى مابقولك كدا
عمر: اومال الطقومه ال مع حضرتك
هاجر: نعععععم!! اللبس القديم دا وبعدين اشمعنا انت ال تجيب بدله جديده وانا مااجيبش
عمر: اه يعنى بتعندى
هاجر: اه حاجه زى كدا هتجيب ولا مش هتجيب
عمر: واذا قولت لا
هاجر: هصرخ والم عليك الناس كلها
عمر: انتى عبيطه انا اخوكى يابت تلمى الناس عليا ازاى
هاجر: يا عبيط ايه ال هيعرف اناس انك اخويا
الكل : يضحك
عمر: والله مجنونه خلاص يا ستى هنجيب طقم
هاجر: طيب اتفضلو برا
عمر: نعم
هاجر: اومال هغير هدومى قدامكم اطلع ياض منك ليه يلا
مراد: ماتخلينى قاعد
هاجر: لا يا حبيبى انت اولهم براااا
مراد: يخرب بيت الطرده السخنه دى خلاص ياعم ادينا هنطلع
هاجر: ايوة كدا شطار حبايبي
........
محمد: اللحقي يا ماما اخواتى بيتحولو لكائنات غريبه
ام ندا: ههههههه ياابنى دا حاجات بيحطوها لوشهم
محمد: طيب وانتى هتحطى
ام ندا: لا ياابنى انا مش هحط
محمد: ايوة انتى مزه البيت اصلا
ام ندا: بس ياض
محمد: ايه بتتكسفى
ام ندا: لا انت بقا عايز تضرب
محمد: اضرب .. اضرب ايه ياعم لا انا افلسع احسن اومال انتى ومروه عليا عن اذنك يا مزه البيت
ام ندا: ههههههه لا الولاد دول اتجنو والله
.....
هاجر: يلا بينا
مراد يصفر: ايه الجمال دا بس
هاجر: انت ايه مقعدك لحد دلوقتى
مراد: ايه دا كمان بتطردينى من البيت ... لا انا مش قاعد ف بيتك انا قاعد ف بيت عمر انتى مالك بقا
هاجر: وعمر اخويا ع فكرا
مراد: وعمر صاحبي ع فكرا
هاجر: امممم
مراد: يلا بقا يا عمر عشان تركب العربيه معايا واوصلك
هاجر: نععععم كمان هتوصلنا ايه الازقه دي
مراد: هوصل صاحبي هو انا قولتلك انى هوصلك انتى
هاجر: نعم يااخويا ايه مش عجباك ولا ايه
مراد: لا يا باشا عاجب
هاجر: اه افتكر يلا اطلع قدامى بقا
مراد: حاضر يا باشا يا مزه انتى
هاجر: شايف الواد
عمر: هههههه لا بجد مش قادر هموت من الضحك اومال لما تتجوزو هتعملو ايه فينا
هاجر: ولا حاجه هتتشلو بس
عمر: بس طيب الحمدلله اطلعى يااختى قدامى
هاجر: خلاص يا عم ماتزقش
........
محمد: الو ازيك يا هشام
هشام: الحمدلله يا زميلى وانت ايه اخبارك؟
محمد:الحمدلله معلش ياابنى اصلى مشغول الايام دى ف خطوبه اختى مروه
هشام: خطوبه مين حضرتك مسمعتش
محمد: هههه اه انا نسيت احكيلك طيب انت فين وانا اجيلك واحكيلك كل ال حصل
هشام: اه انا ف الشغل انت عارف مكان الشغل ولا اوصفلك الطريق
محمد: لا عارفه مش ف شارع ****
هشام : اه هو
محمد: تمام انا هاجى
هشام:تنور يا زميلى
محمد: نورك يلا سلام
...
هاجر: مليش دعوه انا عايزه دا عاجبنى
مراد: وانا قولت لا دا ديق
هاجر: لا مش ديق
مراد: بوصي يا هاجر انا لما بقول حاجه بحب تنتفذ من غير مناقشه وانا قولت دا لا عشان ديق يبقا خلاص
هاجر: اوووف بقا
مراد: انتى قولتى حاجه
هاجر: طيب اتفضل اختارلى بقا
مراد: بلاش اختارلك شوفى حاجه تانى تكون واسعه مش ديقه زى ال ف ايدك دا
هاجر: كان مالى انا ياربي ماكنت ف بيت ابويا مرتاحه
مراد: عيدى كدا عشان ماسمعتش
هاجر: كنت بكح
مراد: اه افتكر
هاجر: الله حلو دا .. بوص يا مراد
مراد: اه حلو روحى قيسيه
هاجر: حاضر
.....
هشام: ياااه كل دا حصل
محمد: اه والله يا صاحبي
هشام: كويس ان كل حاجه اتحلت
محمد: الحمدلله ع كل حال المهم انا عازمك ع خطوبه اختى بكرا ف نادى****
هشام: ربنا يتمملها ع خير
محمد: عقبالك يا عم
هشام: وعقبالك انت برضو
محمد: ان شاء الله قريب انا همشي بقا عشان تكمل شغلك وانا اروح البيت واشوف عايزين ايه
هشام: ماشي يا صاحبي
محمد: سلام
......
هاجر: والنبي يا مراد دا حلو امانه امانه
مراد: طيب يا هاجر
هاجر: هيييه حبيبي يا مراد
مراد: هاتى بقا عشان احاسب
عمر: تحاسب ع ايه
مراد: ع الطقم دا
عمر: لا انا ال هحاسب
مراد: ماتنساش هاجر تبقا خطيبتى يعنى انا من حقي اجبلها اى حاجه
عمر: بس
يقطاعه مراد: انا قولت وخلصت يا عمر اوعا كدا
هاجر: احسن بدل ماتيجى تذلنى
عمر: والله واطيه
هاجر: حسابنا ف البيت استنا عليا
مراد: يلا بينا
......
مروه: انا هنام بقا عشان هروح الكوافير ع الضهر كدا مش فاكره والله هي يا ع الضهر يا ع العصر
ندا: الله اكبر عليكى لا نامى يا حبيبتى نااامى
مروه: ههههه تصبحى ع خير
ندا: وانتى من اهل الخير
....
هاجر: اه حاسه جسمى مسكر هيموتنى
عمر: ماانتى لففتينا ع ام الطقم ال عايزاه
هاجر: طبعا طبعا اومال عايزنى اروح الفرح بطقم قديم لا طبعا ترضاها لاختك
عمر: لا برضو كدا .. يا بنتى انا لو فتحت دولابك مش هلاقي طقم واحد احنا مش بنجبلك هدوم .. بقولك ايه روحى نامى عشان ماتصدعينيش يلا روحى تصبحى ع خير
هاجر: ماخلاص ياعم الحج ماتزقش .. وانت من اهل الخير
....
ريم: الله حلوه حكايتكم يا ماما... طيب ايه حصل تانى
مروه: اممم بعدين جاه تانى يوم واتخطبنا انا وابوكى
ريم: اممم ال هى الصوره دى
مروه: اه هى دى
ريم : الله كنتى قمر
مروه: بس انتى احلا يا حبيبتى
اسراء: اممم وياستى انا وخالك اتجوزنا وادينى اهو حامل ف ابنو
ريم: انتى احلا مرات خال بحبك
اسراء: وانا بموت فيكى يا حبيبتى
ندا: وزى ماانتى شايفه انا دلوقتى مخطوبه لعمو عمر وهنتجوز كمان شهر
هاجر: وانا بقا هتجوز بعد ندا بشهر
ريم: طيب ماتعملوه مع بعض
ندا: فكره برضو
حازم: السلام عليكم
الكل :وعليكم السلام
حازم: ايه اخبار بنوتى الحلوه النهارده
ريم: بابا حبيبي انا الحمدلله يا بابا ... جبلتى اللعبه ال كنت عايزاها
حازم: اممم استنى كدا اشوف
ريم :بابا اوعا ماتكونش جبتها
حازم: لا ... استنى مش هى دى
ريم: هييييه اه هى
حازم: حبيبتى انا مااقدرش مااجبش لبنوتى ال عايزاه .. ايه اخبارك يا مروه ومع حبيبي بدر
مروه: الحمدلله بس تاعبنى حبتين كل شويه يعيط
حازم: طيب نوديه الدكتور
مروه: ماشي بس خليها بكرا الوقت اتأخر
حازم: ان شاء الله
مروه: طيب عن اذنكم بقا انا هروح البيت عشان انوم بدر واعمل اكل لحازم ولريم
ريم: اه يلا عشان جعانه قوى
الكل : تمام بكرا نبقا نتقابل
.....
حازم: ايه انبسطى النهارده
مروه: اه الحمدلله لمتنا فكرتنى بأيام زمان
حازم: يارب دايما تكونى فرحانه كدا يا اميرتى
مروه: وانت يارب يا حبيبي..يلا انا هروح اعملك الاكل
حازم: ماشي انا مستنى
(يلاقى حازم مذكرات مروه يقرا اخر صفحه )
(( لا اعرف كيفيه كتابه الشعر ولكنى اكتفي بأنى اقتبس هذا الشعر معبره عن حبي لزوجى وحياتى ....ما كنت ممّن يدخل العشق قلبه ولكن من يبصر جفونك يعشـق أغرّك مِنّي أن حبّك قاتلي وأنّك مهما تأمري القلب يفعل يهواك ما عشت القلب فإن أمت يتبع صداي صداك في الأقبر أنتَ النّعيم لقلبي والعذاب له فما أمرّك في قلبي وأحلاك وما عجبي موت المُحبّين في الهوى ولكن بقاء العاشقين عجـيب لقد دبّ الهوى لك في فؤادي دبيب دم الحياة إلى عروقي... احبك زوجى ))
يبتسم حازم ويفكر ف كتابه شيئا لها
حازم: امممم ويكتب(( يعجز لسانى عن وصف سعادتى بقراءه هذا الكلام الجميل .. فاانا لا امتلك غيرك يا اميرتى .. وايضا انا لا اعرف كيفيه كتابه الشعر ولكنى اكتفى بأن اقتبس هذا الشعر معبرا عن مدى حبي لكى ....لو تعلمين كم أحّبك وكم أغار عليكِ أغار عليك من أحلامي من لهفتي واشتياقي ومن خفقات قلبي أغار عليكِ من لحظة صمتٍ بيننا قد تبعدك بأفكارك عنّي أغار عليك من لفتة نداء قد تبعد عينيك عن عيوني أغار عليك من كل كلمة تقولينها إذا لم أكن أنا حروفها وأبجديتها أغار عليكي من أصابع النّاس إذا التقت بأصابعك في سلام عابر أغار عليكي من فكرة تخطر ببالك من حلم لا أكون أنا فيه أغار عليكِ لأنّي أحبّك
وانى لا احبك فقط بل اعشقك وانهى كلامى بقول جمله واحده تعبر عما بداخلى الى اميرتى
(( #اكتفيــت_بحبـــك_الــى_الابــد)).
تقراها مروه: وتبتسم بخجل
يأتى حازم من خلفها ويقول: #اكتفيت_بحبك اميرتى
