عمر: محمد مين
هاجر: حبيبي مراد وحشتنى
مراد : حبيبت قلبي اخبارك
هاجر: الحمدلله وانت؟
مراد : انا الحمدلله يا قمر .. ايه ياعم دا انا كنت سايبك تمام يلا يا حبيبتى قومى اومال فين ال قالتلى اول ماتيجى هموتك ضرب فين دا كلو هااا
هاجر: معلش الظروف بقا ... بس برضو هموتك ضرب
مراد: حتى وانتى تعبانه يالهوى عليكى
هاجر: الله اكبر من عينك دى
مراد:ههههه طيب يااختى
محمد: ازيك يا هاجر
هاجر: انا الحمدلله وانت
محمد: الحمدلله
ندا: ايه يا حبيبتى انتى كويسه دلوقتى
هاجر: اه الحمدلله
(موبايل ندا يرن)
ندا: دقيقه هرد ع حازم.... الو
حازم: ايوة يا ندا عامله ايه
ندا: الحمدلله وانت ؟
حازم: الحمدلله.. هى مروه عندك..؟
ندا: لا هى مشت وقالت انها هتجيلك
حازم: اه ودا من امته
ندا: تقريبا من ساعه او ساعتين .. ليه هى مش عندك ولا ايه
حازم: لا مجاتش حاولى تشوفيها فين يا ندا
ندا: نعم ازاى يعنى
حازم: والله ماجات وانا من الصبح فاكرها معاكم
ندا: اه طب استنا انا هروح لمحمد وهخليه يتصرف
حازم: تمام بس ادينى عمر
عمر: الو
حازم: الو ايوة ازيك يا عمر
عمر: الحمدلله وانت عامل ايه دلوقتى
حازم: انا الحمدلله ... انا اسف مش هقدر اجى والله انت عارف الظروف
عمر: لا ياعم انا عارف ال انت فيه دلوقتى وانت كمان لسه تعبان
حازم: البقيه ف حياتك
عمر: حياتك الباقيه ... ايه مالها ندا قلقانه ليه كدا
حازم: اصل مش عارفين مروه فين
عمر: ازاى دا هى قالت انها هتجيلك
حازم: اه ماهى مجاتش وخايف يكون حصلها حاجه
عمر: لا ان شاء الله خير خلاص انا هروح مع محمد نشوفها فين
حازم: ماشي وابقا طمنى
......
هاجر: خالتو انا عايزه اطلع شويه معلش
خالت هاجر: تروحى فين يابنتى انتى لسه تعبانه
مراد: خلاص يا خالتى انا هاخدها معايا
هاجر: معلش يا خالتى مش هتأخر بس عايزه اشم شويه هوا
خالت هاجر: ماشي يا بنتى بس متتأخريش وانت يا مراد خود بالك منها
مرد: حاضر .. يلا بينا يا هاجر
هاجر: شكرا يا مراد
مراد: ع ايه يابنتى .. انتى ماتعرفيش معزتك عندى
هاجر: ليه بعدت عنى دا كلو يا مراد .. انت عارف كان نفسي اكلمك بس كنت بقول اكيد مشغول
مراد: والله حاجات كتير كانت حاصله معايا .. بقولك محمد دا ايه نظامو
هاجر: هههه محمد انا كنت بحبو
مراد: كنتى !!!
هاجر: اه انا عرفت حقيقتو كويس طلع انسان حقير انا دلوقتى مش طايقه اشوفو بقيت اكرهو
مراد: طيب ليه هو عمل ايه ؟
هاجر: لا سيبك من الحسبه دى لما يجى يومها هبقا اتكلم
مراد: اه طب خلاص عايزانى اخدك فين
هاجر: اممم ع البحر شويه
مراد: طيب يلا بينا
...........
عمر: يا ندا انتى تعرفى مكان بتروحلو
ندا: يمكن راحت لاسراء
عمر: طيب رنى عليها وشوفى
ندا: طيب ... الو ايوة يا اسراء
اسراء: ايوة يا ندا ازيك
ندا: الحمدلله وانتى.؟
اسراء : الحمدلله ... ايه عامله ايه مروه
ندا: مروه!! اه الحمدلله
اسراء: طيب هى جنبك .؟
ندا: لا هى راحت تجيب حاجات كدا .. انا قولت اسئل عليكى
اسراء: ربنا يخليكى يا ندا
ندا: طيب انا هقفل ... سلام
اسراء :سلام
عمر: هااا ايه عندها
ندا: لا عشان اسراء كانت بتسئل ع مروه . معنى كلامها انها ماتعرفش حاجه عنها
عمر: طيب وبعدين ...
ندا: دقيقه انا هسئل بابا عن حاجه
عمر: طيب بسرعه
ندا: الو ايوة يا بابا
الاب: ايوة يا بنتى ايه فيه حاجه ولا ايه
ندا: اه بقولك يا بابا مفتاح البيت القديم معاك ولا مع مروه
الاب: لا مع مروه ليه .؟
ندا: لا مفيش كنت بسئل .. طيب انا هقفل دلوقتى سلام
عمر: هاا ايه
ندا: عرفت فينها تعالو بسرعه نركب تاكسي اكيد راحت البيت القديم
عمر: طيب يلا بينا
.........
هاجر: ايه يا مراد انت ساكت ليه
مراد: مش عارف اقول ايه بصراحه
هاجر: هههه محسسنى انك اول مره تمشي مع بنت ع البحر
مراد: اه اول مره
هاجر: هاا!!
مراد: اه والله اول مره
هاجر: مش مصدقه
مراد: وهكدب عليكى ليه ..
هاجر: ياعم انا كنت فكراك بتكلم بنات الدنيا وروش
مراد: هههه كلو فاكر كدا.. بعدين كل واحد فينا جواه حاجه بتوجعو وانا اتجرحت كتير بس يلا الحمدلله
هاجر: لا دا انت بيلك شايل كتير
مراد: قدرى بقا
هاجر: صح عندك حق كل واحد جواه ال مكفيه بس مخبيه بضحكه
مراد: ماعلينا انتى بقا اخبارك ف الدراسه
هاجر: الحمدلله
مراد: يعنى انتى ع كدا كنتى بتحبى محمد
هاجر: انت لسه بتفكر ف الموضوع ... بوص مش عارفه اذا كان حب ولا لا بس يعتبر اعجاب اصلى لو بحبو مكنتش كرهتو دلوقتى ال يحب عمرو مايكره
مراد: اعجاب ... اممم
هاجر: انا كنت عايزه اقولك حاجه ... بس الوقت مش مناسب
مراد: حاجه ايه دى
هاجر: انا خايفه قوى ع ندا .. محمد دا مش كويس والله
مراد: ماانتى مش عايزه تقوليلى مالو
هاجر: ما انا خايفه اقول انت يحصلك حاجه
مراد: يحصلى حاجه!!
هاجر: انت متعرفش محمد ممكن يعمل ايه .. ما علينا غير الموضوع
مراد: طيب .. كفايه كدا عشان خالتك متزعلش
هاجر: طيب يلا بينا
____
ندا: ايوة هنا ..
عمر: ايه متأكده
ندا: ايوة ما هو داا البيت القديم .... (تخبط ندا ع الباب) مروه ... افتحى الباب
مروه: !! انتى ازاى عرفتى انى هنا
ندا: يا شيخه حرام عليكى مدوخانا من الصبح
مروه: ايه فيه ايه
ندا: حازم قلقان عليكى .. انتى ليه قافله الموبايل
مروه: لا باین علیه فصل شحن
ندا: طيب يلا عشان تروحى لحازم تلاقيه هيموت الدكتور عشان ينزل يدور عليكى
مروه: طيب دقيقه .... يلا بينا
__
خالت هاجر: كويس انكم مااتأخرتوش
هاجر: متقلقيش يا خالتى طالما مراد معايا
مراد: اومال فين عمر ومحمد
خالت هاجر: راحو يدورو ع مروه
هاجر:مروه!!
خالت هاجر: اه اصلها مختفيه من الصبح
عمر: ايه يا هاجر انتى كويس
هاجر: اانا كويسه ايه لقيتو مروه
عمر: اه لقيناها وكويسه متقلقيش
هاجر: طيب فينها
عمر: راحت هى وندا ومحمد عند حازم
هاجر: اه طيب
خالت هاجر: طيب يلا يا حبيبتى عشان تاكلى
هاجر: لا انا مش قادره اكل
عمر: هاجر مينفعش كدا انتى لازم تاكلى.. معلش عشان خاطرى
هاجر: طيب يا عمر وانت تعالا عشان تاكل معايا
عمر: حاضر .. يلا يا مراد ناكل مع بعض كلنا
مراد: لا انا هروح لاخويا اقعد معاه شويه اكيد زعل منى
عمر: طيب ابقا سلملى عليه
مراد : حاضر يوصل ..سلام
_____
(طول الطريق ومراد بيفكر ف الكلام ال قالتو هاجر)
مراد: معلش يا حازم اتأخرت
حازم: لا عادى... ايه مش كنت عايز تتعرف ع مروه
مراد: طبعا اكيد القمر دى صح
حازم: ايوة هى يا عم
مراد: ازيك يا مروه .. انا مراد اخو حازم
مروه: ههه انا الحمدلله وانت؟
مراد: الحمدلله يا قمر
حازم: ايه يا عم انا مش عشان تعبان وربنا اقوملك
مراد: هههه اقعد ع حيلك ياض خلينى اشوف القمر دى
حازم: ياض وربنا هقوملك
مراد: ماتسيبك من الواد .. انا حلو اهو وكل يوم هخرجك وهفسحك واعملك كل ال عايزاه
مروه: وانا موافقه
حازم: الله الله وانا كيس جوافه قاعد
مراد: عيب عليك يا عم ماتقولش ع نفسك كدا ... انت مش كيس جوافه انت كيس مانجا
مروه: ههههه كيس مانجا ايه يا عم ... لا كدا كتير هو اخرو كيس مانجا بايظه
مراد: عندك حق يا مروه هههههه
حازم: اه وبعدين بقا
مروه: خلاص يا حبيبى احنا بنهزر
حازم: اه بس اقوم انا هعرفكم انا ايه بالظبط
مراد: ههه لا انا ههرب بقا
حازم: هجيبك برضو
الدكتور: طيب يلا بقا عشان تاخد العلاج وتنام
حازم: هو دا وقتك
مروه: بس يا حازم ... ماشي يا دكتور اتفضل
مراد: يلا يا عم تصبح ع خير
مروه: تصبح ع خير
حازم: وانتو من اهل الخير
_____
عمر: هاجر انتى ليه كنتى بتسئلى ع محمد
هاجر: ااا.... عادى .. اصل اكيد ندا هتكون معاه
عمر: هاجر ماتكدبيش قولى ايه فيه
هاجر: بصراحه يا عمر انا عرفت حاجه عن محمد
عمر: حاجه ايه دى
هاجر: اوعدنى مش هتقول لحد
عمر: اوعدك ها قولى
هاجر: عرفت انو... ... يتبع
