هاجر: انتى ال قتلتى امى .... هاا انتى صح .. طبعا ماا انت اخر دوا اخدتو ماما
خالت هاجر: الحمدلله
هاجر: ايه دا معلش يا خالتى لو ازعجتك
خالت هاجر: لا يا حبيبتى ... أنتى مسمعتيش حاجه صح
هاجر: حاجه زى ايه انا دلوقتى جيت
خالت هاجر: اه طيب انا هروح اعمل اكل
هاجر: تمام
(تخرج خالت هاجر.. .وتقعد هاجر ع الكرسي من كتر الصدمه .)
هاجر: ازاى يعنى خالتى تقتل امى هى مين عشان تعمل كدا وليه كدبت علينا وقالت انها انتحرت لالا اكيد في حاجه حصلت ومحدش عارفها غير خالتى انا لازم ادور ورا خالتى طيب انا هقول لعمر .. لا بس عمر مش هيصدق وممكن يزعق معايا .. هو قرب يكره ماما مع ان امى ملهاش ذنب ف حاجه انا اسفه يا ماما اسفه انى صدقت الست دى بس اعمل ايه انا مش لاقيه دليل واحد يخلينى اعرف الكل .. وعمر ال ضايع مش عارف يعمل ايه هساعدو ازاى .. وعد منى انى هخلى الكل يعرف ان خالتى هى ال قتلت امى وعقابها هيكون نفس عقاب امى واصعب ولو معملتش كدا يبقا انا ال اتعاقب نفس العقاب واصعب كمان ودا وعد وربنا يقدرنى عليه
عمر: هههه شايفه اهى البت اتجنت
ندا: ههه حرام عليك سيب البت تقعد وحدها
هاجر وعينها مدمعه: ايه دا انتو هنا من امته
عمر: لسه جاين لقيناكى بتتكلمى قولنا نرزل
هاجر: اممم
عمر: مالك
هاجر: ماليش .. انا هروح اصلى ركعتين وهاجى
ندا: طيب ماتتأخريش
هاجر: حاضر عن ازنكم
عمر: مالها البت دى وليه عينها مدمعه .. لالا اكيد ف حاجه وهى مش عايزه تقول انا عارفها كويس
ندا: تقصد ايه بالظبط
عمر: اقصد هى عرفت موضوع وتعبها وهى حابسه ومش عايزه تقول ودا هيخليها تتعب لالا انا لازم اكلمها واشوف ايه فيه
ندا: استنا انت هتكلمها بس لما تخلص صلاتها
عمر: طيب ...
خالت هاجر: يلا يا جماعه عشان تاكلو
عمر: حاضر .. يلا قومى يا ندا عشان تاكلى معانا
ندا: لا انا مش جايلى نفس
يقاطعها عمر: اظن انى قولت كلمه
ندا: اه طيب ادينى قايمه
عمر: ايوة كدا شطوره
هاجر بعد ماتخلص: يارب ارحم امى وساعدنى يارب عشان اخود حقها من اختها ال معندهاش رحمه دى يااارب
عمر: يلا يا هااااجر
هاجر: ايوة يا عمر ادينى جايه ... معلش اتأخرت
خالت هاجر: لا ولا يهمك يا حبيبتى يلا اقعدى
هاجر: ما انا هقعد .. صحيح يا خالتى انتى ليه لحد دلوقتى مروحتيش بيتك
خالت هاجر: أاااا.. عشانكم
هاجر: لا متقلقيش احنا تمام روحى انتى وشوفى ال عليكى
عمر: ايه يابت الكلام ال بتقوليه دا عييب
هاجر: لا متقلقش مفيش حاجه .. ومعلش يا خالتى بس انتى عرفانى
خالت هاجر: لا يا حبيبتى انا مزعلتش
هاجر: طيب مش ناويه تعترفي ولا ايه
خالت هاجر: ااااأ..أاااااا.ااا اعترف بأيه
هاجر: لالا انا هسيبك انتى ال تفكرى
خالت هاجر: هااا لا مفيش حاجه اعترف بيها
هاجر: هههه مالك اتخضيتى ليه كدا زى ماتكونى عامله جريمه لسمح الله
خالت هاجر: لا انا مااتخضيتش ولا حاجه
هاجر: طيب عايزاكى تقوليلى بتعملى الاكل دا ازاى
خالت هاجر: من عينيا
ابو هاجر: ازيكم يا جماعه
الكل: الحمدلله
هاجر: ايه ال اخرك يا بابا
ابو هاجر: الشغل يا بتى
هاجر: ربنا معاك يا بابا ... طيب تعالا عشان تاكل معانا
ابو هاجر: لا انا عايز انام
هاجر: بابا عشان خاطرى اقعد
ابو هاجر: يا بنتى...
يقاطعه عمر: يا بابا قالتلك عشان خاطرى
ابو هاجر: حاضر بس هروح اغير هدومى
خالت هاجر: عايز اي حاجه اعملهالك
ابو هاجر: لا شكرا.. عن اذنكم
هاجر: بابا تعبان خالص
عمر: معلش هو الايام دى بيحاول بيزود الشغل عشان مايقعدش ويفكر
هاجر: بس دا مخليه تعبان خالص
عمر: هنقول ايه غير ربنا معاه
ندا: طيب انا عن اذنكم
عمر: رايحه فين
ندا: لازم اروح
عمر: لا خليكى شويه
ندا: لالا انا اتأخرت
عمر: طيب استنى هوصلك
ندا: طيب
عمر بصوت عالى: بابا انا رايح اوصل ندا وراجع مش هتأخر .. يلا بينا يا ندا
.........
محمد: طيب يلا بينا يا مروه عشان الوقت وعشان البيت ميقلقوش علينا
مروه: حاضر .. يلا عايز حاجه يا حازم
حازم: عايز سلامتك وابقي رنى عليا لما توصلى
مروه: حاضر يا حبيبي.. يلا سلام
محمد: يااختى ع الرومانسيه
مروه: هههه ياض ع اساسا اسراء دی ايه يا عم الروميو
محمد: هههه اه يااختى ماسكين ع بعض احنا
مروه: ههه انت ال بدأت
محمد: طيب يااختى خلاص يلا احسن مايموتونا ال ف البيت
مروه: يلا يااخويا
......
مراد: الو .
هاجر: الو ايوة يا مراد
مراد: انا تحت بوصيلى
هاجر: تحت فين دا
مراد: تحت البيت يلا بقا بوصيلى اصلك وحشانى قوى
هاجر: طيب استنا.. بصيت انت فين
مراد: لا مش هخليكى تشوفينى :P بس انا شايفك
هاجر: اه باین علیک عايز تستعبط طيب انا هدخل
مراد: خلاص خلاص استنى اهو طلعت
هاجر: فينك
مراد: واقف جنب العربيه
هاجر: ايه ال ف ايدك دا
مراد: ورد لاحلا واحده ف حياتى كلها
هاجر بكسوف: بحبك
مراد: وانا بموت فيكى... ايه مش هتنزلى
هاجر: استنا اشوف البيت نام ولا لا
مراد: طيب بسرعه
(تمشي هاجر ع اطراف صوابعها )
هاجر: ادينى نازله
مراد: طيب يلا
.........
ندا: مروه انتى كويسه صح
مروه بتعجب: اه كويسه .. ايه فيه
ندا تبص لمحمد بااحتقار: لا مفيش بس قولت اطمن
محمد: طيب وانا محدش هيسئل عليا
ندا: وليه ااسئل عليك .. خليك ف تمثيلك يا شاطر
محمد:تمثيلى مالها البت دى
ندا: اه تمثيل يااخى دا انا قولت بتحب مروه صح وخلاص خلصت المشاكل طلعت بتمثل
محمد: انتى مين قالك.. مروه؟
مروه: والله ماقولت حاجه.. ندا قولى مين ال قالك
ندا: مش لازم اقولكم مين بس انا عايزه اعرف من محمد انت ليه بتعمل دا كلو ف مروه
مروه:ندا محمد اتغير بجد ودلوقتى عرف غلطو
ندا: ههه اكيد هتخبي عليه عشان ماازعلش منو ولا اكرهو
مروه: لا والله المره دی اتغير بجد
محمد: بوصي يا ندا انا هحكيلك كل حاجه بس الاول اهدى
ندا: اممم انجز
محمد: يا ستى انا كان ف شخص بيبعتلى كلام وحش عن مروه وانها مش بتحبنى وبتكرهنى ودا ال خلانى اعذبها طول الفتره ال فاتت بس الشخص دا جالى ف الاخر واعترفلى بالحقيقه وانا اول ماعرفت حليت كل حاجه واولهم انى اعتزرت لاختى
ندا: ومين الحقير ال عمل كدا
محمد: ماتشتميش ال حصل حصل وخلاص الموضوع اتحل
ندا: بس انا مش هسامح ال عمل كدا طول حياتى وهعذبو زى ماعذب اختى
مروه: لا مينفعش الكلام دا .. ولازم تهدى شويه ال قال قال مش مشكله المهم انو عرف غلطو واعترف ف الاخر
ندا: ليه هو انتى ماتعرفيش مين ال قال
مروه: لا محمد مش عايز يقول
ندا: ازاى يعنى ... لا انتى لازم تعرفي وتواجهى ال عمل كدا
مروه: لا انا اكتفى باانى اقول الحمدلله ع كل حال
محمد: انا مش هقول .. الشخص نفسو هيجى ويتكلم
مروه: قولو انى مسمحاه
محمد: لا لازم تسمعيه برضو
مروه: ماشي
ندا: تمام وانا هكون مع مروه
مروه: لا يا ندا انا هعرف اتصرف
ندا: وانا مش هسيبك كفايه ال حصلك بسبب الشخص دا
مروه: الحمدلله يلا عشان ننام
محمد: ماشي تصبحو ع خير
مروه وندا: وانت من اهل الخير
......
هاجر: ايه دا كلو
مراد: دا اقل حاجه يا حبيبتى
هاجر: ياااه للدرجادى بتحبنى
مراد: انا بموت فيكى
هاجر: طيب كفايه كدا احسن ماحد يصحا
مراد: يووه بقا لا خليكى شويه
هاجر: مش هينفع طيب خلاص هبصلك من فوق
مراد: بقولك
هاجر: ايه
مراد: لا خلاص نسيت ان الوقت مش مناسب
هاجر: لا قول
مراد: لالا بعدين يلا روحى انتى وانا هستناكى لحد ماتطلعى
هاجر: حاضر .. يلا سلام
....
مروه: الو
اسراء: صحى النوم يااختى
مروه: عايزه ايه ع الصبح
اسراء: اطلعى افتحيلى يااما تطلعيلى نقعد بكرا ع البحر
مروه: لا انا هطلع افتحلك
اسراء: يبقا نطلع ع البحر
مروه:بقولك نقعد ف البيت
اسراء: خلاص يا مروه هنروح البحر
مروه: امرى لله حاضر هفتحلك الباب اهوه
اسراء: طيب هنفضل باصين لبعض كتير والموبايل ع ودانا يعنى ولا ايه
مروه: اهو قفلت يا ستى هااا عايزانى اطلع معاكى ع البحر ليه
اسراء: طب حتى قوليلى اتفضلى اخص ع البخل
مروه: يابوى توى صاحيه .. ادخلى ع اوضتى مش اوضه محمد واخده لبالك
اسراء: ماخلاص يااختى .. اوعى كدا ..يلا روحى اللبسي عشان نروح نقعد عالبحر
مروه: طيب استنى اقول لامى عشان ماتقلقش
اسراء: طيب بسرعه
.......
مروه: ها يا ستى ادينا ع البحر عايزه ايه
اسراء: بوصي يا مروه انا مكسوفه منك اوى
مروه: ازاى يعنى ليه
اسراء: بوصي انتى اسمعينى للاخر
مروه: اممم اخلصي عشان جعانه
اسراء: يخرب بيت عقلك انتى مفيش غير الاكل ع لسانك
مروه: هاتيلى حاجه اهم منو
اسراء: حازم!
مروه: اه لا دا حسبه تانيه خالص..ماعلينا ها قولى بقا
اسراء: بصراحه يا مروه ...اااا..اااا.انا
مروه: اه عارفه انك بتحبينى غيرو
اسراء : يابت استنى
مروه: طيب ماانتى ال شغاله اااااا...اااا زى ماتكونى هتطلبي تتجوزينى ومكسوفه
اسراء: اصل ال هقولو ممكن يصدمك
مروه:يصدمنى!!
اسراء: ايوة بوصي انا ال كنت بقول لمحمد حاجات وحشه عنك وكنت بقولو انك مش بتحبيه
مروه: هههه بطلى هزار
اسراء: مش بهزر انا عارفه انك اتصدمتى
مروه: ههههه لا مش مصدقه
اسراء: بس انا والله قولت كدا عشان محمد بعد عنى وكنت فاكره ان انتى السبب وكنت سعتها مش عرفاكى كويس ولما اتعرفت عليكى قوى ندمت ع كل كلمه قولتها وكل ال حصل معاكى
مروه: انا عايزه امشي
اسراء: استنى بالله عليكى اسمعينى
مروه: عايزه تقولى ايه تانى
اسراء: انا اسفه والله العظيم انا ندمانه ع كل كلمه قولتها بس والله غصب عنى
مروه: ليه يا اسراء انا عملتلك ايه يا شيخه حرام عليكى
اسراء وهى بتبكى: والله غصب عنى وانا مستعده اعمل اى حاجه عشان تسامحينى
مروه: معادش ينفع
اسراء: وحيات حازم عندك
مروه: ملكيش دعوه بحازم يااسراء
اسراء: طيب لو مسامحتنيش دلوقتى انا هموت نفسي
مروه: بعد الشر
اسراء: شوفتى انك بتحبينى يبقا خلاص سامحينى بقا
مروه: طيب يااسراء بس دى اخر مره لو غلطى تانى مش هسامحك
اسراء: بتتكلمى بجد
مروه: اه بجد بس عشان انا قولت لمحمد انى مسامحه ال عمل كدا
اسراء تحضن مروه: ربنا يخليكى ليا يا مروه انتى بجد احسن انسانه ف الدنيا كلها
مروه: طيب جعانه
اسراء: اه انا امى بترن هروح اشوفها
مروه: خدى يا صايعه عقابك انك تعزمينى ع اكل دلوقتى حالا
اسراء: ومين ال فاتح دلوقتى
مروه: مليش فيه
اسراء: تعالى بيتنا ونعمل اكل انا وانتى
---------
......(بعد شهر)
حازم: خلاص بقا المعاد يوم الاتنين ال جاى عشان الخطوبه
ابو ندا: ايوة ياابنى حلو المعاد دا ويلا عشان نلحق نعزم الناس
حازم: ماشي ... (يهمس لمروه)الف مبروك
تبتسم مروه بكسوف: الله يبارك فيك
ندا واسراء : لولولولولولولولولولى
ابو حازم : خلاص يلا بينا احنا بقا نلحق نجهز كل حاجه
ابو ندا: ليه خليكم شويه
ابو حازم: عشان تبقا كل حاجه جاهزه .. وعشان اتأخرنا
ابو ندا: خلاص ماشي ..
ابو حازم: يلا السلام عليكم
الكل: وعليكم السلام
.......
عمر: ايه حصل
ندا: خلاص الخطوبه ان شاء الله يوم الاتنين
عمر: ربنا يتمم ع خير
هاجر: احلفى
ندا: ههه والله يوم الاتنين ال جاى
هاجر: اخيرررا بقا ..لولولولى
عمر: بس يا مجنونه
هاجر: معلش بس فرحانه قوى لمروه
عمر: طيب يا ندا هاجر جيالك النهارده
هاجر: انا امته قولت كدا
عمر: اسكتى انتى.. خلاص يا ندا وانا هوصلها هاا
ندا: هههه اه فهمت .. مستنيه هاجر
هاجر: اه يا صايعين طيب انا مش نازله
عمر: قولتى حاجه
هاجر: انا بقولك انا هروح اللبس عشان ريحالها
ندا:هههه طيب يلا هروح اساعد مروه لحد ماتيجى هاجر
عمر: ماشي يا حبيبتى يلا سلام
.......
مراد: الو ايوة يا حازم
حازم: ايه فينك
مراد: انا دلوقتى ف القطر ادينى جاى
حازم: اومال العربيه فين
مراد: اه سبتها وجيت قطر مش حابب اجى بيها
حازم: طيب يلا تعالا مستنيك
مراد: ايه الاخبار
حازم: الحمدلله كلو تمام وحددنا المعاد يوم الاتنين
مراد: ليليليليليلى
حازم: دا ايه دا لامؤخذه
مراد :هههه ماانا مش بعرف اعملها
حازم: يبقا متعملهاش احسن يلا مستنينك
مراد: لا ماانا اول مااوصل هروح مشوار كدا
حازم: اممم رايح لهاجر صح
مراد: احم امم اه بصراحه وحشتنى
حازم: طيب يا عم بس متتأخرش
مراد: ان شاء الله
حازم: يلا يا معلم عايزه حاجه
مراد: سلامتك
حازم: يلا سلام
.....
ام ندا: ايه يا مروه مالك
مروه: ماليش بس خايفه يحصل نفس ال حصل من شهر
ام ندا: اتفائلى خير يا بنتى
مروه: استر يارب
ندا: ايه ياعم ال انتى فيه دا المفرود دلوقتى تكونى طايره من الفرح
مروه: ماانا فرحانه بس خايفه برضو
ندا: لا ان شاء الله مش هيحصل حاجه
مروه: يارب
ام ندا: طيب يلا نروح ننام وبكرا تروحو تشوفو الفستان
ندا: اه وانا عايزه اجيب طقم ولا اجيب فستان سواريه
مروه: اممم لا هاتى سواريه هيبقا شكلك حلو خالص
ندا: ماشى واكيد هروح معاكى الكوافير
مروه: اه اكيد يلا بقا عشان ننام
ندا: ماشي تصبحى ع خير
مروه: وانتى من اهل الخير
..
ام ندا: محمد بكرا الصبح تجيب الحاجات دى
محمد: حاضر .. يلا تصبحى ع خير يا ست الحبايب
ام ندا: وانت من اهل الخير يا حبيبي
_____ تانى يوم
ندا: اصحى يا عروسه
مروه: صباح الخير
ندا: صباح النور.. يلا قومى خدى شاور عشان نفطر ونطلع
مروه: ماشي
محمد: صباح الخير بالقمرات
مروه وندا: صباح النور يا برنس
محمد: يلا يا حلوين عشان انا جعان
ندا: لا تستنا لما مروه تاخد الشاور وانا هروح اساعد امى واعمل الفطار
محمد: هستنا وامرى لله
ندا: طيب يلا يامروه بطلى كسل
مروه: سبحان الله مين ال بيقولى كدا
ندا: مش وقتو الكلام دا يلا قوووومى
مروه: حاااااضر اهوه
___
محمد: ايوة يااسراء ايه اخبارك
اسراء: الحمدلله وانت عامل ايه
محمد: عامل زعلان
اسراء: بطل برودك
محمد: ههه يعنى انا بارد
اسراء: لا انت حبيبي
محمد:بحبك
اسراء: اممم
محمد: ايه هو ال امممم مفيش وانا كمان
اسراء: تؤتؤ
محمد: يلا بقا
اسراء: وانا بموت فيك
محمد: ايوة كدا
ام ندا: ايه يامحمد امته هتروح تجيب الطلبات ال قولتلك عليها
محمد: شويه يا ست الحبايب افطر وهطلع
ام ندا: ماشي يا حبيبي وبالمره توصل مروه وندا معاك
محمد: حاضر يا ست الحبايب
اسراء: لا مطيع والله
محمد: اومال انتى فاكره ايه الا امى يا عم
اسراء: ربنا يخليهالك
محمد: يارب ويخليكى ليا ... طيب انا هقفل هروح افطر واجيب الطلبات واوصل اخواتى
اسراء: ماشي
محمد: يلا سلام يا روحى
........
ام ندا: استنو هنا .. انتو خلصتو اكل ع كدا
محمد وندا ومروه: ايوة يا ماما
ام ندا: لا كملو اكل مفيش طلوع غير لما تاكلو كويس
ندا: يا ماما لما نرجع هناكل والله بس عشان منتأخرش
محمد: متقلقيش ياست الكل هجبلهم اكل معايا
ام ندا: طيب
محمد وندا ومروه: يلا سلام
....
محمد: هتروحو فين بقا
مروه: هروح الاتيليه ال ف شارع *** وحازم مستنينا هناك
محمد: طيب يلا بينا
....
حازم: اهلا اهلا ياابو الصحاب
محمد: ازيك ياض
حازم: الحمدلله وانت ايه اخبارك.؟
محمد: الحمدلله .. طيب بوص انا هخليهم معاك وانا هروح اجيب الطلبات مش هتأخر
مروه: ماشي
محمد: سلام
ندا: يلا بينا بسرعه ندخل نشوف الفساتين
........
عمر: مش ناويه تقوليلى مالك ليكى شهر وحالتك زى الزفت وكمان بتكلمى خالتى بطريقه وحشه
هاجر: مفيش يا عمر
عمر: هاجر كفايه كدب انا اخوكى وهعرف احل اى مشكله قوليلى ايه فيه
هاجر: المشكله مش مشكلتى وحدى
عمر: اومال
هاجر: مشكله العيله دى
عمر: مش فاهم
هاجر: من الاخر يا عمر امى اتقتلت
عمر: نعم
هاجر: اه وخالتى هى ال قتلتها وانا سمعتها بنفسي وهى بتتكلم ف الموبايل وكل يوم براقبها واتاكدت انها هى والدوا بعد ما امى ماتت اتغير مش هو ال شوفناه انا وندا
عمر: انتى ازاى تقول كدا
هاجر: انا مش بكدب
ابو هاجر: اختك عندها حق يا عمر .... يتبع
