#احببتك_ولكن
الجزء الثاني
سنان ،،،وصلنة ونزلوني وبلشو يضربوني بوحشية بحيث بعد مااحس بشي وجسمي خدر وبعد مااوعى شي كان ريحة المكان مو طيبة وعيت ورة فترة بس مجنت اعرف شكد فقدت الوعي لان عيوني معصبة وماكمت اميز اني بليل ولا نهار سمعت اصواتهم ديتناقشون بصوت عالي ويتصارخون بينهم بس مجنت افهم شي منهم جنت اون من الوجع ومجبوب على الكاع واحس وجهي ببركة دم مااعرف منوين انزف لان كلشي جان يوجعني
من حسو بية وعيت طشو علية مي بارد من بعد مانزعوني ساعتي ومحفظتي وباجي وسلاحي واجهزت الاتصال
كعدوني واجى واحد الظاهر جان جبيرهم
وصاح بأستهزاء ليش هيج ياشباب مع النقيب سنان مو جنكم زودوتها ويا؟؟؟ وجرني من شعري مية هلا بالنقيب سنان مبروك عليك 3 نجمات هاي احتفالية بسيطة كون تنال اعجابك
سنان،،،شنو رايدين مني ومنو انتو ؟؟
ابوحمزة ،،،رايدين سلامتك حبيبنا بس اشتقنالك وحبينا نستضيفك يومين لو متحب تضيف يمنا
سنان،،،حسيت بي جان احد سجنائي وان شاء الله يكون احساسي مو بمكانة
ابو حمزة،،عشيتو النقيب
كالو لا بعد
ردلهم لا ليش هيج مااريدكم تقصرون ويا جيبولة احسن عشا هذا هم حبيبنا وماقصر ويانة
جابولي كعك يابس وواحد بيهم وكلني اكلت شوي ومكدرت اكمل عافوني وراحوا صار المكان هدوء حسيت ماكو الا اني بهذا المكان
نمت وكمت اشوف والدتي بالمنام تبجي وتريد تشوفني فزيت وجانوا موجودين وديتكلمون عن محامي ترافع ضد صديق الهم وانحكم بالاعدام وشلون يكدرون يوصلولة واحد منهم كال عندي معلومات كاملة عنة ابو سلام وين يروح ووين يجي ومكان سكنة وعملة
ابو حمزة،،،سلام ابنة شكد عمرة
لا ابوحمزة سلام بنتة الجبيرة محامية هم
ابو حمزة ،،،هاا سلام بنية لعد مو ولد جيد البنية هو عز الطلب تراقبوها وتشوفون وين تفوت ووين تطلع والطرق الاسهل للوصول الها وهاي مهمة قحطان وكريم
حاضر ابو الحمزة عين عيونك اليوم تصلك كل اخبارها وطلعوا
ابو حمزة ،،،همس العينتين شلونة ماكعد
طب علية ودفرني خوما ضجت من عدنا نقيب وعجبتك ضيافتنة لو لا وضحك
سنان،،،كعدوني وجلسوني
ابو حمزة،، نجي هسة للمفيد
سنان،،،يكون احسن جيبولي من الاخر
ابو حمزة،،، محمود الامين وين موجود بأي سجن
سنان،،،مااعرف هيج اسم
ابو حمزة،،،له له يانقيب ليش تخلينا نتخارب من بدايتها خلينة حبايب احسن
سنان،،،اني مااعرف هيج اسم تعدي علية اسماء كومة
ابو حمزة ،،،اخليك منا للظهر تذكر من كيفك لو احنا نذكرك بطريقتنة فكر والظهر اخذ منك جواب ومعلومات دقيقة
سنان ،،،لتعب نفسك ماانذكر هيج اسم احتمال حتى مو بمركزي اصلا وانتو غلطانين
وللقصة بقية ،،،،،
#احببتك_ولكن
الجزء الثالث
سنان،،،حسيت نهايتي ع ايدهم واني ميت لا محالة فليش اخون نفسي ومهنتي وانطي معلومات ممكن تساعدهم قررت مااحجي اي شي واظل ثابت ع كلمتي اني مااعرف احد بهذا الاسم
اجوني وحاولوا وياية بكل الوسائل وعذبوني بس محجيت وكتلهم مااعرف شي بعدين فجأة تركوني مااعرف شنو السبب يومين
سلام،،،جنت رايحة للجامعة بسيارتي وفجأة سيارتين مظللة بدأت تلاحقني غيرت طريقي حتى اهرب منهم لكن ضيعت وبعد مااعرف وين اروح كسروا علية ووصلت لطريق مكطوع ترابي صرخت حاولت اتصل بماما لكن فتحوا باب السيارة وطلعوني جنت مستسلمة وبس اصرخ من كد ماجنت خايفة واتوسلهم يتركوني عصبو عيوني وربطو ايدي ليورة واخذوا كلشي جنت لابستة من ذهب وجنطتي وموبايلي ظليت الطريق كلة بس ابجي وارجف جانو يخوفون وريحتهم مو طيبة وملثمين سواد بسواد جنت ادعي من ربي يخلصني منهم
فجأة وكفت السيارة وفتحوا البوب ونزلوني دخلوني وكعدوني واني مااعرف اني وين وليش ظليت ابجي بهدوء وارجف
سنان،،،فجأة دخلو وحسيت جابو احد وخلو ومشو شكيت تكون نفسها البنت الي تكلموا قبل ايام عن ابوها المحامي جانت تبجي بهدوء كسرت كلبي بس محجيت ولا كلمة ولا حسستها بوجودي اصلا
ظلوا يتصلون على اهلها والظاهر جانت زوجة ابوها تنطيهم رفض اجوي معصبين عليها ليش ابوج ميرد علينة جانت مرتبكة وخايفة وكالتلهم بابا مو هنا مسافر
بدون حتى ميضربوها جانت كلش خايفة وكلشي الي يسألوها تجاوبهم
طلعوا وظلوا يتناقشون برة ومجنت افهم ع حجيهم شي وجانت البنية تبجي الليل كلة ومكدرت اركز وياهم
ابو حمزة،،،يلا كل واحد لبيتة وباجر من الصبح تعالوا من وكت ورانة شغل كومة
قحطان،،،اظل ابات هنا احرسهم ؟؟
ابو حمزة،،،هههههه ايا ملعون تحرسهم لو تحرسها هية يرادلها من يحرسها منكم
قحطان،،،مو هذا النقيب الحيوان وياها شلون نعوفهم سوة ابو حمزة
ابو حمزة ،،،هذا صح تدريب عسكري ومو هين بس فتحوا رباط ايديه وكلبشوها بالبواري بس البنية خلوها بمكانها مراح تكدر تتحرك تخاف
سنان،،،اجوي فتحوا ايدي وكلبشو ايدي اليمنة بالبواري الي موجودة بالغرفة وطلعوا كلهم ركبوا سياراتهم ومشوا
تعبت اعصابي وماجانت تبطل بجي سلام جان راسي راح ينفجر منها
سلام،،،ايدي مربطة وعيوني هم جنت خايفة اول مرة بحياتي ابات بعيد عن امي جنت بالاسبوع الي اكضي عند بابا حتى نوم مكدر انام ياربي شراح يسوون بية وشنو يريدون اكيد فدية واصلا احتمال يذبحوني وابجي
سنان،،،،همست كافي تبجين اكلتي راسي يمعودة
سلام ،،،،خفت من الصوت الي سمعتة جنت متصورة وحدي موجودة
صرخت انت منو!!! اوي انت من شوكت موجود هنا وشنو تريد
سنان ،،،اني موجود قبلج ب5 ايام وحالي من حالج فالله يخليج كافي تبجين البجي ميجيب نتيجة
سلام ،،،عفية شنو يريدون من عدنة وشنو راح يسوون بينة
سنان ،،،احنة وحضنة بقت يم رب العالمين
سلام،،،رجعت ابجي احتمال يكتلونة مو؟؟
سنان،،،كولي يالله ،،،،ردت اهديها واطمنها سألتها عصبولج عيونج
سلام اي من اول ماجابوني معصبة عيوني
سنان،،،يعني ماشفتي المكان ولا تعرفتي على احد بيهم
سلام ،،،لا ابد
سنان ،،،اطمني لعد ماطول مخلوج تشوفيهم ولا تشوفين المكان لعد ان شاء الله مسألة ايام وتطلعين
سلام،،،ان شاء الله
سنان،،،انتي محامية مو
سلام ،،،اي شعرفك بية
سنان،،،سمعت صوت سيارة اجتي كتلها اشششش يمكن رجعو وجنت مستغرب لرجعتهم بهيج وكت
وللقصة بقية ......
أنت تقرأ
احببتك ولكن
Mystery / Thrillerقصة اكشن رومانسية تحمل في طياتها الكثير من المعاني والعبر وتحاكي واقع حال الوضع العراقي قصة حب شاب وانثى حب ولد من رحم المعاناة والظلم
