#رحيلك_موتي
بقلمي ام البنات بارت1
اني اليوم احجي قصتي واحجيلكم منين بدت معاناتي
اسمي سرى مرحله اول علوم سياسيه احب واحد وهو يحبني بس حبنه من الطفوله ابن جاورينه اكبر مني بسنتي بس هو راسب ومن صرنه مرحله سادس درس زين علمود ننجح ونروح سوه بدت علاقتنه من صف رابع اعدادي بس من الصغر هو يحميني من اي شي يصير حتى من جنه بالابتدائيه بالمدرسه محد يوصل يمي ونروح ونرجع سوه اهلي مامنين عليه لان هو من الصغر شخصيته قويه كبرنه وبق اهتمامه يزيد ...واوصفلكم شكلي طويله موضعيفه ولاسمينه جسمي مرتب بيضه عيوني سوده وشعري اسود كصير اكثر شي مراي فرنسي طويل من كدام عدي بس اخ واحد اسمه مهند وهو هم صديق عمار حبيبي لان نفس العمر وياهم ايهاب هم صديقهم رتح تتعرفون عليهم من خلال القصه والاحداث اصلي بغداديه
هسه خلي هو يعرفكم على نفسه
سلااااام اني عمار اسمر اصلي من العماره طويل وضخم عيوني سود وكبار شكل عادي البنات يسموني المملوح لان اسمر وضخم شعري اسود ابويه تاجر اقمشه ابن عن جد اشتغل وياه لان ماعده غيري
احب سرى من الصغرحتى جانت امي تكول لا امها هاي جنتي من الصغر هذوله حبهم مستحيل احد يكدر يبعدهم جنت احسها هي الي حبيبتي وبس مستحيل اخلي احد ياخذها سادس شديت حيلي بدراسه علمود اروح وياها للكليه والحمد الله نجحنه وقدمنه نفس الكليله بس غير قسم من نخلص محاضرات نلتقي مهند وايهاب كل واحد بجامعه بس همه مرحله ثالثه احنه اول واول سنه وصارت الحرب2003 ودخلو الامريكان وتركنا الكليه فتره ورجعنه نداوم وصرنه مرحله ثاني كليه الوضع يخوف واهلي كالو نسافر كتلهم اريد اخطب سرى اهلي يدرون بيه احبها وماعدهم مشكله واني الولد الواحد الي اريده يصير ...
راحت امي على امها وخطبتها كلتلها هم من الصغر رابين سوه وماعدي مانع بس اشور ابوها واخوها ونرجعلكم خبر ....
سرى....عمار دز اهله يخطبوني واني فرحانه حيل الدنيا مسايعتني حب عمري هذا .. اهلي وافقو رجعولهم خبر
عمار...سروشه معقوله راح نزوج وج تعبت واني انتضر يوم الي يجمعنه سوه
سرى...حبيبي مصدك شكد فرحانه
عمار...باعي حبي ابويه اتفق وي ابوج الجمعه قراية الفاتحه واحنه طبيعه عدنه نعقد سيد بيوم الخطوبه
سرى..عادي حبيبي ماكو فرق
(صار لازم تعرفون سرى سنيه وعمار شيعي )
سرى..احنه طول عمرنه عايشين اهل ماكو فرق سنه وشيعه حتى من كلت لااهلي كالو عادي وصارت الخطوبه
عمار...الدنيا مسايعه فرحتي حبيبتي صديقة عمري صارت الي الحمد الله بيومها سويت عزيمه لا اهلنها وبليل جبنه ديجي وسوينه حفله بلحديقه وعبرت جبت سرى يمنه هوسه وركص فرحانين
سرى..اخذني عمار لبيتهم مسوين حفله وديجي ....كاعدين نسولف وعمار شاورني انتي مرتي جان يعصر ايدي حيل...سراوي حبي منصعد اشوفج الغرفه
سرى.😳ها لا عيب كلها كاعده ميصير شيكولون علينه
عمار...شيكولون مرتي قابل بايك
سرى...لو تموتني ما اصعد
عمار...لج شبيج بس شويه وننزل
سرى..ابد مستحيل لاتحرجني
عمار..زين بسيطه بس ال اطلع الفرق اني الج
سرى هههههههههههه ضحكتني والله
عمار😠بسيطه صبري وشوفي
سرى...دكوم وديني ابويه هسه يحجي
عمار..كومي باجر اجيبلج تلفون نالز موديل جديد
سرى...حباب اريد الي كتلك عليه
عمار...قصدج الدمعه؟
سرى..اي
عمار اوكي حبي ادللي....وديتها ورجعت التهيت وي اهلي وكرايبي فرحاني ونركص وراها الي راح والي بات ثاني يوم....
سرى..شو صارت ساعه2الضهر وعمار ممخابرني دكيت عليه ...
عمار..ها حبي شلونج
سرى...شو ماكو اليوم
عمار...ضهري مشنج ونايم بالفراش جنت اركص وعركت رجعت ضربني هوى حتى جوه يم اهلي منازل
سرى..يمه سوده عليه حبيبي....
عمار..مشتاقلج مرتي
سرى..العصر اذا قبلو اهلي اجي اشوفك
عمار..هله بيج حبيبي
سرى..كلت لاهلي قبلو ورحت طلعتلي خاله كالت صعدي عمار فوك...اني صعدت بس كلبي يرجف نص الدرج وردت انزل بس بعدين كلت لا ميصير خطيه مريض...صعدت
عمار ...من الشباك مال غرفه شفتها اجت ركضت خليت عطر وكفت يم الباب
سرى..اول مدخلت جرني ودفعني على الباب وتقرب عليه كولش.....اني كلبي يدك خوف مدري فزه ما ادري شبيه خايفه حييل ...
عمار....موكتلج ال اخذ حقي واطلع الفرق
سرى...جذاب انت مو مريض ..ودفعته داريد انزل رجع جرني وحضني حييل
عمار...حباب بس حضنه اوووووف ربي شكد احبج
سرى...حباب وخر كافي لايجي احد
عمار...وخرت منها كتلها شبيج شكو ...محد يجي
سرى..لا تجي خاله او اي احد خلي ننزل جوه يم خاله مشتيفتها صار هواي اني احجي وادفع بي ....
عمار....هوووووف شكد تلغين اني اعرف اسكتج...لزمت وجها وبستها حييل من شفايفها دفعتني اني رجعت شبكتها حييل وره شويه سكتت بقيت ابوس براحتي اخذتها للجربايه لان ذبت ثكلها كله عليه ذابت واني كمت ارجف بعد ما اكدر كعدتها وبقيت حضنها حيل سرى ممصدك انتي بحضني انتي مرتي هسه
سرى..اممممم مابيه حيل احجي كتله خلي ننزل تاخرنه فوك عيب
عمار ...ننزل بس اريد بعد بوسه ....وجريت شفايفها بستها برومنسيه ورقه هيه بعد لو اموتها بعد متحس على نفسها كتلها نرتاح وننزل لان وجهج احمر فد مره
يتبع
أنت تقرأ
رحيلك موتي
Romanceقصه تتكلم عن واقع حال قصة حب تواجه الطائفه والضروف الصعبه وتتكلم عن مأساة مره بها الشعب العراقي ..... *تعتبر هذه واحده من الاف المصائب التي مره بها العراق (في وطني يموت من لايستحق الموت على يد من لا يستحق الحياة)
