#رحيلك_موتي
بارت5بقلمي ام البنات
عمار...طلعت للعصابه بطريق دكو عليها امشي هيج فوت هنا اطلع منانه دخلوني بمكان يم مزارع تقريب يم سلمان باك بس مكان مابيه ناس ونزلو ملثمين اني منزلت من السياره بتلفون كتلهم اشوف الولد يالله اطيكم الفلوس
العصابه....نزلو الولد
عمار...اباوع نزلو ايهاب ومهند بس مشبعيهم ضرب مشيت السياره واني احجي وياهم بتلفون صعدوهم بسيارت واطيكم الفلوس اول تالي انتو محاصرينه
وصلو يم الباب صعدو الولدبسياره ونزلت اني اطيهم الفلوس
العاصبه،..نكدر نكتلك هسه او نخطفك بس اطناك حجاية رجال..بس الجايه الك
عمار....الله كريم لهذاك اليوم هاي فلوسكم تأكدو وخلونه نروح
العصابه تاكدو من الفلوس كالو هاي هيه
عمار..صعدت بسياره كالو لازم واحد ينكتل تره هذني مال واحد...انت رجال واطيت حجايه امشي بحجايتك
شخطت السياره ومشيت سريع بس الدنيا احتركت ورانه طلقات طلعت بلولد للبيت واحجي وياهم بيكم شي احجو مهند مابينه شي عمار امشي
عمار..احس نفسي كمت اعرك كلت من الخوف يمكن وصلت قريب على منطقتنه حسيت جسمي بده يبرد مشيت وصلنه لكينه الناس كلها ملتمه وتلكونه طبكت السياره كتلهم نزلو الولد
ابو عمار...ابني بيك شي وجهك اصفر انزل
عمار...مابيه نزلو الولد...نزلت اباوع على الناس عيوني كامت تغوش ما احس بنفسي جسمي بارد وخدر
سرى..كالو اجوي الولد طلعنه نركض مهند وايهاب...اباوع على عمار من بعيد شكله مدري شبيه تعبان اكثر منهم شو هذا وكع على وجه ونشوف ضهره كله دم كمت اعيط عماررر عمارر الولد اخذوه وركضو للمستشفى
عمار..حسيت على نفسي كلهم فوك راسي بس ما اكدر احجي سرى فوك راسي تبجي هي وامي ابويه يكلهم غده الشر ماكو شي..لليل صحيت سألتهم شصار
ابو عمار..ماكو ابني نضربت طلقه بجتفك
ام عمار...شلون تروح يمه مافكرت بيه لو صايرلك شي
عمار...يمه ميصير غير الي ربج كاتبه
سرى...عمار شيوجعك
عمار...خدي يجوعني لو تخليلي بوسه يصير زين
مهند...لك حتى وانت مريض متكعد راحه شلون وياك
عمار...خويي حمد الله على سلامتك
مهند..الله يسلمك والحمد الله على سلامتك
عمار...ايهاب شلونه
مهند...ايهاب هم نايم مستشفى ضربو هواي متاذي
عمار...لابشرفك
مهند...بعدين اسولفلك من نكعد وحدنه
الليل صارت ساعه1راحو بقه مهند يم عمار
عمار..مهند متكلي شنو السالفه شبي ايهاب
مهند...مسكين الله يعينه تاذه حيل ...عبالهم انت جانو قاصدينك انت يكلولي شلون تطي اختك لواحد شيعي محجينه خفنه لايجون يكتلونك انت واحنه وضعنه ممعروف اذا نطلع او لا...وضربو ايهاب حيل لان مكلهم منو هوه
عمار...شكد نسبت اذيت ايهاب....
مهند...عمار ايهاب نضرب على منطقه حساسه وذيته قويه حيل الدكاتره كالو اله يسافر بره مال علاج هنانه حتى ميكدر يزوج او يخلف صاير عده عجز
عمار...لا مهند شتحجي انت لك وساره انت تدري بي ينتضر يخلص كليه حتى يخطبها شلون
مهند...والله ياخويه ما اعرف شكولك كومو هسه بسلامه ونلمله فلوس ونسفره
عمار...فلوسه سفره عليه اني السبب اني المقصود
مهند...محد بينه مقصود السالفه يردون ينشرون بلبله بالبلد ناقصين الغيره والشرف يردون يهجمون بلدهم
عمار...مهند اهلي درو اني المقصود
مهند...اي درو
عمار...يا حبيبي بعد شراح يخلصني من امي🤦🏻♂️
سرى...فتره وطلع عمار وتعالج بس الكليه مرجع وكام يداوم وي ابوه بالمحل
عمار.. مره رحنه اني وابويه نفتح المحل لكين محطوط ضرف بي طلقه ومكتوب وحق الزهره طلقه براسك اذا ماتركت السنيه والثالثه ثابته
احتركو اهلهكم تبرت منكم الزهراء ورب الزهراء لعنكم الله يامجرمين
ابو عمار .. امشي للبيت بعدين نحلها
عمار...ام كلبت الدنيا عليه
ام عمار...اسمع ابني طول عمري احب سرى بس متصيرلك مره والله احرك روحي
عمار...يمه شتحجين انتي شلون تردين نطيهم مجال يتحكمون بينه وانتي مؤمنه ميصير غير الي الله كاتبه
سرى...من يوم الي طلع مهند واهلي عرفو عمار المقصود وامي ال نفصخ الخطوبه اخوج حيروح من وراج يموت اخوج نفصخ الخطوبه ونطلع من المنطقه لو احنه لو همه
سرى..يوم شتحجين شلون اعوفعمار اموت والله
ام مهند..بتي والله تخسرين عمار وتخسرين مهند هيج احسن للكل
عمار...اني رايح اشوف سرى ...
ام عمار...ركضت على النفط والله احرك روحي هسه اذا متفسخ الخطوبه وتسافر
عمار..يوم شبيج شجرالج ذبي النفط
الام...لا ماذبه والله احرك روحي عوفها كافي انت تموت وابنهم يموت اذا ازوجتو لاتفكر بس بنفسك
سرى...طلعت لبيت عمار نفسيتي تعبت سمعت صياح بيتهم امه تكله لاتفكر بس بنفسك انت تموت ومهند واحنه ندمر البيتين تنهجم دخلت عليهم .. عمار شكو شصاير
ام عمار.. سرى دازين تهدي لو يطلكج لو ينكتل حليها انتي....اسمعوني زين لاتفكرون بس بنفسكم فكرو بينه عمار اموت بلياك اني ابوك ينتهي ماعدنه غيرك من الدنيا سرى اخوج ينقتل وعمار يروح منج اهلج يتاذون لاتفكرون بس بنفسكم تخسرون الاول والتالي صدكوني مراح ترتاحون
سرى.. بعد متحملت كعدت كتله عمار طلكني
عمار..لا انتي هم تخبلتي
سرى..هذا الصح عمار ما اكدر اخسر كلشي
عمار...لعد اضحين بيه وتخسريني
سرى..صدكني اذا بقينه سوه راح اخسرك صدك بعيد واسمعك بخير ولا يصيربيك شي ...ولو بعد الف سنه ميصيرلي غيرك زوج
يتبع...
أنت تقرأ
رحيلك موتي
Romanceقصه تتكلم عن واقع حال قصة حب تواجه الطائفه والضروف الصعبه وتتكلم عن مأساة مره بها الشعب العراقي ..... *تعتبر هذه واحده من الاف المصائب التي مره بها العراق (في وطني يموت من لايستحق الموت على يد من لا يستحق الحياة)
