#رحيلك_موتي
بارت12 بقلمي ام البنات
حددنه موعد العرس وركض بركض رحنه اختارينه الغرفه ومن المانيا جبت سيتات نوم لسرى وفرشات عجبتني حلوه ومرتبه وهيه هم مجهزه لنفسها وره الغرفه البردات ونواعم الغرفه نصبناها وكملنه كولشي وبقه 4ايام ومهند اجته فرصه على ابو ميصير اشوف العروس سوه عليه حرب🤦🏻♂️
مهند...اليوم سرى مسوي شعرها يجنن😜
عمار..لابربك خلي اروح اشوفها🤤
مهند..ولي ولي يالله ممنوع للعرس
عمار..موبكيفك😑
مهند...هي متقبل ميصير اشوفها
عمار...ميخالف قابل شكد بقه هي كلها اربع ايام والعب لعب 😎
مهند...👊🏻ولاتستحي انت
عمار...والله العب طوبه واذلك اطلع حيف السنين اصبرلي
...اجت الحنه والتهينه كل واحد سوه حنه بس بالبيت اني بالحديقه وسرى بالبيت مالتهم لان عرس بالقاعه وصارت تكاليف علينه هواي وصارت مال ايهاب وسفر مو مال اسوي حنه بالقاعه حتى شهر العسل لغيناه بس هدية من ابويه عشر ايام للشمال نروح
يوم العرس💏💍👰🏻🤵🏻
اخذت سرى الي طالع تجنن تموت تكطع يبووووووو تكتل ...شاورتها سراوي شنو رأيج لو نطلع للفندق ونعوف العرس😁
سرى...اصيحلك مهند😂
عمار....😂😂😂اي عود خلي مهند يفيدج اليوم😂.....اخذتها وطلعنه للقاعه حفله اجنن بين اهلنه وناسنه بسيطه وحلوه باهلنه الطيبين سنه وشيعه رغم اكو وجوه حاقده بس نبقه ايد وحده حتى لو اكو اختلاف بطائفه .....كمنه نركص على اغنية طلبتها اني(صغيره جنت وانت صغيرون حبنه عرف بنضرت العيون كالو تره ذوله يحبون من الصغر لمى يكبرون...مثل نجمه والكمر كبر حبنا وازدهر بعيونك حبيبي نبدتي دروب السهر..على الجرف كعدنه ليالي مر النهر والنخل عالي تغيرنه وكبرنه ياغالي وضل النهر والنخل عالي) هاي جانت اغنيتنه اني وسرى
ولزمت السماعه صحت مهند مهند وينك حبيبي اريد تنتبهلي زين😂😂
مهند...شكد ناقص فضحنه كدام الناس🤦🏻♂️
ايهاب....هذا راح يطلع كل الي سويته اليوم😂
عمار...مخلي ايدي على خصر سرى واركص عيني على مهند شفته باوعلي غمزتله وحضنت سرى 😂
مهند...انذل منك ماكو😡بس عليمن اني الك😈 ...لزمت السماعه وصحت من رخصتكم العريس يتفضل احب اركص وي اختي 😁
عمار....اني اعلمك🙌🏻امداك بومه
مهند..اركص وي سرى وميت ضحك عمار صاير عصبي😂😂
سرى...عمار ومهند ميبطلون دهره فتهمت جاي يتعاركون بينهم 😅
عمار...مهند اليوم اخليك لليلك متنامه 😂😂😂نسيت اليوم هيه يمي ال اطلع الكتل الاكلته منك😂...خلصت الحفله وطلعنه ديزفونه للفندق طبينه بصاله كلهم ويانه سرى بقت تبجي هي وامها ومهند دمعت عينها وضايجها وابوها كام يبجي .....باركو النه وطلعو
مهند...عمار سرى امانه عدك هاي العزيزه هيه الشالتني وشالت ابني من بعد المرحومه ديربالك عليها😞
عمار😟معقوله انت مهند
مهند..نجب واسمعني زين اذا فديوم اذيتها والله متخلص مني
عمار....يصير بس اليوم اذيها😈😁
مهند...لك مصيرلك جاره😡 اني رايح سراوي واذا احتاجيتي شي خابريني
عمار...شتحتاج يعني اني يمها😁تريدكم ترحون يالله روح فضنه اخرتنه عدنه شغل مهم😋
مهند...والله اقفل عليك واخذها ويايه 😠
عمار...هذاك اول حبيبي وزمن اول تحول يالله بابا اشطح😜
اخذت سراوي ورحنه للغرفه طبعاً مخليت احد يصعد ويانه😁
دخلتها للغرفه وركضت حضنتها اوووووف واخيراً الله جمعني بيج
سرى...هذا اختبار من رب العالمين الصبرنه
عمار...اختبار صعب ومتعب حيل تعبت بفراكج
سرى....الحمد الله مضاع التعب والصبر
عمار....سرى كعدي احجي وياج.....باعي احنه صح ربينه سوه وكل واحد من طائف الي هسه طلعت جديده قبل مجنه نعرف شنو سني وشنو شيعي بس احنه هسه بدينه بدايه صحيحه وكونه عائله ويصير عدنه اطفال من هسه اريد نتفق شما نختلف بلفكر نبقي هذا الشي النفسنه ماريد ياثر على بيتنه او اطفالنه
سرى....حبيبي اني ردت احجي وياك بهذا الموضوع رأيي نفس رأيك....دك تلفون عمار
عمار...الو اي حبيبي اني نازل جابو العشه....سراوي بدلي بين ما اجيبه جوعان حيل وكرشي كام يدك طبل
سرى...اوكي حبيبي
يتبع
أنت تقرأ
رحيلك موتي
Romanceقصه تتكلم عن واقع حال قصة حب تواجه الطائفه والضروف الصعبه وتتكلم عن مأساة مره بها الشعب العراقي ..... *تعتبر هذه واحده من الاف المصائب التي مره بها العراق (في وطني يموت من لايستحق الموت على يد من لا يستحق الحياة)
