من الحب ماقتل💔

الجزء 18

#مــــــن_الحــــــب_ماقتـــــل💔
                               
                               #الحلقــــة18🌹🍃
#كـــــتاباتي✏🍓

#الحلـــقة_بعنــوان_كشـــف_الحـــقائق🙈
.
.
#قبــــــل_ساعـــــات 🙈:

يوسف : هيا يامحمد رد رد 😥
محمد : ءءءءءالوو😠😰
يوسف : واخيييرا ردييت😩
محمد :  بسرعة تكلم شن تقصد باالرسالة😠
يوسف : ميجيش نحكو ع التليفون تعال ونفهمك كل شيء😰
محمد : ويين انت😠
يوسف : تلقانى فى مكانّة المعروف جنب لبحر😥
محمد : استناني جايك😠
.
.
.
#فــــــي_البحـــــر💙 :

يوسف مقعمز يستنى فى محمد ويجهز فى الكلام ومش عارفة كييف بيخش معاه في الموضوع😥
ليين يدرس محمد سيارتة وينزل وهوا معصب😠
يوسف : يااربي كون معاي😥
محمد : تكلم بسرعة وقولي شن تعرف😠
يوسف : خييرك ضاايج قعمز وانى نحكيلك كل شيء😥
محمد : اهوا قعمزنا تكلم😠
يوسف : بس توعدنى انك تقعد هادي وماتتصرفش بعصبية😥
محمد : يوسف باالله عليك خش فى الموضوع طوول معش متحمل ويعلم الله كيف وصلت لى هنى😠
يوسف : اليوم وانى مقعمز مع الشلة فى كفيتيريت الجامعة😰😰
محمد : ايخير😡😡
ف : المهم سمعت احمد صاحب حمزة يكلم فى واحد😥
محمد : الييييح توا جايبنى من غادى وتقولى احمد يكلم فى واحد شن دخلى فيه يكلم واحد ولا عشرة😠
يوسف : اييه مه هنى القصة😥
محمد : به كمل اعصابي واصلة لى هنى😠
يوسف : بس توعدنى تقعد هادى وماالديرش شيء تندم عليه😥
محمد : اليييييييييييح قلنا خلاص😠
يوسف : ماعنديش تقة فييك عطينى مفتاح السيارة بيش نطمن عليك اكتر😥
محمد : خلااااااااص ره معادش عندى صبر خود امه المفتاح معش نبيه😠
يوسف : هدا مفتاح سيارتة رشا وله😥
محمد : ايييه😒
يوسف : بنقلك لقيت رسالة فى السيارة والمفروض يكون فيها كلام حب وله😥
محمد : اييه شن عرفك انت😠
يوسف : مااهو😥
محمد : ناض وقف وشد يوسف من رقبته😠
يوسف : 😰😰😰😰
محمد : لتكون انت اللى كاتبها والله لما نشرب من دمك ودمها هكى تخون صاحبك ياحقير وكيف بيضربه😠
يوسف : استنى استنى مش انى اللى كتبها هدا حمزة😰
محمد : محمد طلق يوسف وفى صدمة ...حمزة!!!!😳
يوسف : اييه💔
محمد : وشن مصلحته بيش يدير هكى😳
يوسف : اسمعنى للاخيير توا تفهم ويين مصلحتة فى الموضوع😨
محمد : به تكلم خلاص رانى بنجن والافكار ترفعنى وتحيبني😳💔
يوسف : مش قتلك اليوم سمعت احمد وهوا يتكلم باالتلفون😥
محمد : ايه😰
يوسف المهم فى النهاية طلع يكلم في حمزة وطبعا كان صوت النقال قوى وسمعت كل الحديت اللى دار بيناتهم🔥
محمد بصدمة : شن سمعت تكلم😳
يوسف : طلعو يخططو والمية تجري من تحتنا والحمد الله سمعت كل شيء ولحقت عليك قبل ماالدير حاجة و تجرح لبنية البريئة وخصوصا نعرفك قداش تحبها😥
محمد : اليييييح تتكلم شن سمعت😰😨😒
يوسف : سمعت حمزة يقوله تعرف البنت اللى قلتلك عليها المهم طلع عندها حبيب واليوم جتنى الفرصة ليعندى وقفت سيارتها وانى توا فى السيارة نبي نستغل فرصة وجودى بسيارتها وندير حاجة تفرقها هيا وحبيبها عن بعض وتقعد ليا انى وبس وطبعا احمد هوا اللى عطاه فكرة الرسالة وحمزة هوا اللى كتب وعبر ع اللى فى خاطره❤💙
محمد : به شن مصلحته يدير هكى😒😥😰
يوسف : خييرك تستهبل انت واااضح انه يحبها ويموت فيها ومش متحمل يشوفها معاك💔😰
محمد : تى امس قالى نحب وفاء ونبيها😥
يوسف : مش قتلك لاعبها صح استغل وفاء بيش ينحي الشبهة وميشك فيه حد😏💔
محمد وبعصبية : ولد الكلب وقسم باالله نهايتك ع يدي ياحمزة انى تخونى ياحمزة انى😡😡😡
وطلع يجري بعصبية نهااايته ع يدى وركب فى السيارة وتفكر ان المفتاح عطاه لى يوسف وينزل بكل عصبية ويجري بااتجاه يوسف😡😡
محمد : يوسف جيب المفتاح واله مش ح يصير خير😡😡
يوسف : مستحيل نعطيه ماتحاولش نعرفك واحد مهبول ونتوقع منك اي حاجة😰
محمد : جاي باتجاه يوسف وهوا ضايج😠
محمد : يوسف قتلك جيب المفتاح😡
ويوسف : طلع يجري وركب فى سيارته وسكر ع روحه لان يعرف محمد كان جاته الحالة الهستيرية معش يشوف قدامه واحتمال يقتله لو مخداش المفتاح😰😥
محمد : افتح الباب يايوسف😠
يوسف : مستحيل نفتحه ليين تهداء😰
طبعا المكان كان مستخطى وبعيييد ع الطريق الرئيسة وقلييل النادر مايمر حد من هدا المكان وكان الحل الوحييد للمرواح هوا اليسارة🚗
محمد بصوت عالى : افتح الباب وعطينى ******المفتاح ولا نكسر علييك ***** السيارة وبدى محمد يخرط ويضرب فى السيارة بيده واي حاجة يلقاها يحدفها ويعيط باعلي صوته😡😤
يوسف : اييواه خله هكى يفش غله ليين يهدى😏😈
.
.
.
#بعـــــد_ساعـــــة🍃:

محمد هدئي وقعمز ع الشط يفكر😔
يوسف : احم احم☺
محمد : تفضل شن جاي تبي😔
يوسف : شن هديت💔
محمد : 😒😔
يوسف : سامحنى محمد بس هدا كله لمصلحتك مانبيكش تتطورت فى حاجة تندم عليها😔💔
محمد : اخطانى😒😔
يوسف : لاكن انى استفدت من حااجة وحدة فى قعدتى بااللسيارة رغم انى نخنقت وانى نستنى فيك تهدى ههه😅💔
محمد : خلاص تقدر تروح نبي نقعد بروحى 😔
يوسف : ع راحتك بس توعدنى ماالديرش حاجة خطاء💔
محمد : بس قبل ماتمشي نبي نسالك سؤال💔
يوسف : تفضل☺
محمد : لو انت فى مكانى شن كنت ح الدير💔
يوسف : اووووو هادى تبيلها تقعميزاء😅
محمد : هيا جاوبنى😔
يوسف : اهوا نفهمك😏 انت تحب رشا صح وله مجرد نزوة عابرة😏💔
محمد : اكيييييد نحبها وبجنون وانت اكتر واحد تعرف مشاعري تجاهها قداش صادقة😔
يوسف : ايووووه معناها نوض هيا😏
محمد : ويييين😥😒
يوسف : مش انت تحب رشا ورايدها باالحلال😍
محمد : اكيييد❤
يوسف : تمااام اهواا نقلك شن استفدت من تقعميزت السيارة😍
محمد : شنى😒
يوسف : بعد التفكيير عرفت الحل الوحييد هوا انك تمشي التمم عليها وتطلبها من عيلتها😍❤
محمد : هههههه شن تحسابه الجواز ساهل يبي دهب ومهر وزيادة حوشي يبي اتات وبيان وزيادة تكاليف العرس و انت تشوف في وضعى كييف اقل حاجة مفروض يكون عندى 20 الف💰
يوسف : خلاص معناها اقعد تفرج لييين يجى حمزة وياخدها منك😏💔
محمد : شن تقول انت مستحيل رشا تاخد غييري لانى واتق انها تحبنى😥😍❤
يوسف : اييه ماننكرس انها تحبك وتبيك بس ماتنساش انه اماليها مايعرفو شن عن علاقتكم واكيييد كان تقدملها حد وبدات كان ضروفه مليحة وراجل كويس اكييد ح يوافقو طوول وهييا مستحييل تحكيلهم ع علاقتكم فى النهاية هما امها وبوها😏
محمد : شن تقول انت لالا مستحييل وقعد يفكر😥
يوسف : لا مستحييل لا شيء هيا نوض اقل حااجة تقعدو فترة خطوبة وتتاكد انها مش ح الضيع منك😍❤
محمد : والله فكرة ماخطرتش عليا بكل😍😍
يوسف :  وفى نفس الوقت تحرق حمزة وخلها يموت باالعرق ليين ينساها😏😏
محمد : هيا بسرررعة نوووض مزال بنقول لى امى وبتكلمها والهدية وااااك هيا والفرحة بش لاقى ويين يحطها😍😍
محمد : بس شرط اليوم علاش مش غدوة😥
يوسف : تى خليها اليوم حاار نار وهيا ماتقوللها شيء خليها مفاجئة🔥😍
محمد : لاكن هدا حمزة لما نفضحه ونكرها فى حياته معقول يدير فيا هكى ويطعنى فى ظهري💔
يوسف : توا هدا حمزة خليه عليا لازم نطبخوه ع نار هادية😏🔥
محمد : لا اطلع منه الموضوع خليه عليا انى نعرف كيف نتصرف معاه😡😈
يوسف : خلاص هيا معادش فييه وقت كان بتلحق اليوم❤😍
محمد : هيا هيا😍😍

〰〰〰〰〰〰〰〰〰〰〰〰〰〰#يتبع🙈

اكيييد توا الصورة وضحت وعرفتو تفاصيل الرواية اللى كانت مخفية🙈
وفى الحلقة الجاية نحكو ع التفاصيل اكتر ونكملو ردة فعل رشا لما شافت محمد قدامها😱😂

#قراءة_ممتعة😙😙😙

#malika☺