#مـــــــن_الحـــــب_ماقتـــــــل💔
#الحلـــــــقة19🍒🍃
#كتـــــــــاباتي✏.....
#فى_الطريق🚗
اول حاجة دارها محمد طووول كلم امه وهوا في طريقه للجامعة بيش يوصل سييارة رشا🚗😍
محمد : الو يااحلى ام فى الدنيا اليووم فرحان هلبببببة هلبببة اكتر ماتتصورى😍😍
ام محمد : نجك ليا وليدى قولي شن تبي من لاخيير هههه😅✋
محمد : هههههه فااهمة الموضوع نبع الحنان😂😍
ام محمد : ماله شنى😂😂
محمد : نبيك ضرورى ضرورى ضرورى باالله عليك اجلى زيارتك لحوش خالتى اليوم💔😥
ام محمد : خلاص تماام نمشيلها مرة تانية بس قولي خييرك شن فييه😕
محمد : توا نجيي ونحكيلك كل شيء☺😍
ام محمد : خلاص نستنى فييك ان شاء الله دووم فرحان ياوليدى☺
محمد : هههه ان شاء هيا توا بنسكر كيف وصلت للجامعة🚗
ام محمد : سلام وليدى ربي يحفظك ويرعاك☺
.
.
.
وصل محمد للجامعة درس سيارة رشا ودرس وراه يوسف ونزلو☺
يوسف : ها بشر شن قالت خالتى ضاوية😥
محمد : مزال ماقولتلها شيء 💔
يوسف : شن تستنى معش فيه وقت💔
محمد : والله انى قلت نحكيلها ع الموضوع وجه لوجه خيير ☺
يوسف : اييه ع راحتك لاكن مدا بيك تستعجل
محمد : ان شاء الله☺
.
.
.
لن تخش عليهم وفاء😒
وفاء : هاي شباب😍
محمد : اهلا😒
يوسف : اهلييين☺
وفاء : متقولوليش خييركم كل يووم تزيدو حلاء اكتر😍
محمد : 😒😒
يوسف : ههههههه تي كيف عاد مفيش جمال من بعدك😏
محمد ليوسف : هههههه راهي تصدق روحها وهيا معبية ستوك تقول شبح😒😂
وفاء : اه شن قلت سمعتكش☺
محمد😒 : هيا يوسف نستأدن بنعطى المفتاح لرشا واليوم انى فرحان نبيش نعكر جوى بي هااللصقة😒
وفاء : شن قلت😨
يوسف : ءءءءءءءءءءءءء لا ماقال شيء😥
محمد : اييه قلت انتي ل....😡
وسكرله يوسف فمه😂
وفاء : لالا خليه يتكلم ويقول اللى فى خاطره😏
يوسف بهمس : تي خييرك انت هكى بتفسد الخطة اللى فى راسي😂
محمد : خطة شنى😒
أنت تقرأ
من الحب ماقتل💔
Romanceكتاباتي ......✏ قصة ممزوجة جزء منها من وحي خيالي والجزء الاخر يعبر ع الواقع قصة تحكى عن حب لدرجة الجنون ❤💔 ( بااللهجة الليبية )
