... سعيد : قبل ما نمشي يا الامين خليني اطل علي مجبتي واطمئن عليهو 😊
.. غادر سعيد المستشفي بعد ما اطمئن علي مجتبي ووعدو يفضل يزورو كل يوم لحدي ما يبقي كويس ويرجع بيتو ..
.. في بيت سعيد أسماء مشغوله بتجهيز الفطور وحاجه امنه مختفيه من شربت شاي الصباح وصوتها ما طالع قالت اسماء في نفسها (يا ربي خالتي دي مشت وين من قبيل ما سمعت صوتها ) وفي الاثناء دي دق الباب
اسماء : شكلو دي خالتي كانت بره 😕
ونادت من جوه بصوت عااالي دقيقه جايه .. واتجهت نحو الباب بخطوات سريعه
الامين : السلام عليكم كيفكم يا ام العيال
اسماء : حمدلله علي السلامه .. نورتو بيتكم يا سعيد
سعيد : الله يسلمك يا اسماء منور بوجودكم
اسماء : اقعدو ارتاحو عن اذنكم دقايق بس والفطور يكون جاهز
الأمين : اي عليك الله سريع من امس ما ضوقنا طعم الاكل ده .. ووينها امي ؟
أسماء : والله ما عارفاها شكلها طلعت .. كدي اجيب الفطور واجي
اتجهت اسماء علي المطبخ وخلت الامين وسعيد قاعدين في الهول
الأمين : خير يا سعيد مالك سرحان بتفكر في شنو
سعيد : بفكر في اولادي ديل خايف عليهم وشايل همهم
الأمين : خليها علي ربنا وبتهون ان شاء الله
سعيد ... ان شاءالله
وفي اثناء ما بتكلمو دق الباب للمره التانيه 😕
الأمين : شكلها دي امي دقيقه افتح ليها
حاجه امنه : السلام عليكم الحمدلله بركه الجيتو يا ولدي
الامين : الله يسلمك يا أمي
دخلت حاجه امنه علي البيت ولقت ساره نايمه وقاعد جنبها سعيد
حاجه امنه : سعيد يا ولدي حمدلله علي السلامه وساره كيف هسي
سعيد : الحمدلله يا امي كويسه انتي كيف؟ وجايه من وين من الصباح كده
حاجه امنه : الحمدلله كويسه ؛ كنت في بيت مني خالتك مشيت فاتحتها في الموضوع القلتو ليك امس
سعيد : موضوع شنو يا امي
حاجه امنه : موضوع عرسك يا سعيد مش اتفقنا امس 😒
سعيد : يا امي انا ما اتفقت معاك علي حاجه بس ما ممكن نتكلم في حاجه زي دي في المستشفي ! ومني خالتي علاقتها شنو بموضوع زواجي ؟؟
حاجه امنه : يا ولد هووي انا امورك دي ما دايراها ولا بتنفع معاي وكلمتي واحده وقلتها ليك وما عندي غيرها ؛
