زواج من أجل الورث

20

زواج من اجل الورث
الفصل العشرون:
غادرت ثريا المنزل دون الاستماع الى حديث زوجها وتوجهت الى النادى اما مصطفى وادم توجهوا الى الشركة وندى الى امتحانها الاخير اما فاتن ظلت بالمنزل قامت بترتيب ملابسها وبعده نزلت الى المطبخ لكى تساعد الخدم فى تحضير الطعام
صفية: اي خدمة يا ست هانم
فاتن: هى مين اه قصدك انا لا بصى بقه يا ست يا طيبة انا اسمى فاتن وبس وبلاش هانم دى عشان بتعملى حساسية
صفية: مينفعش يا هانم ثريا هانم ما بتسمحش بكده
فاتن: مالكيش دعوة بحد انا هقولها انى اللى طلبت منك كده خلاص بقة متكبريش الموضوع
صفية: ماشى يا بنتى اللى يريحك عايزة حاجة بقة اعملهالك
فاتن: لا انا جايه عشان نحضر الاكل
صفية: عايزة نوع معين
فاتن: لا انا عايزة اطبخ معاكم
صفية: ازاى يا بنتى بس وليه تتعبى نفسك بس دى وظيفتنا احنا
فاتن: اولا مفيش اى تعب انا متعودة على كده من انا وصغيرة بدخل المطبخ واساعد امى عشان جدى وابوى مش بيقربوا من الاكل من غير ما امى تكون عامله بنفسها وانا اتعلمت منها
صفية: ربنا يخيلها يا بنتى
فاتن: امين يلا بقة نبتدى عشان منتاخرش
ظلت فاتن تطبخ وهى تستمتع للغاية كانت تطبخ وصفية والخدم يساعدونها كانت مثل شيف محترف احبوها كثيرا الخدم بالرغم من انهم يعرفونها من بعض ساعات
اما فى الشركة دخل حازم على ادم
حازم: وانا قول الشركة نورت ليه العريس بنفسه عندنا والله ما مصدق
ادم: لا صدق يا غلس واحشتنى والله
حازم: يا كداب بردة واحشتك لو كنت بصحيح واحشتك كنت افتكرنى برنة بدل ما انت هايص مع العروسة
ادم: هايص جدا هو مش واضح عليا ولا اية
حازم: والنبى شكلك ما يطمن شكلك مش شكل عريس ابدا ملهوش غير اسبوعين متجوز
ادم: نصيحة من اخ لاخوه بلاش تتجوز يا حازم
حازم: لية يا عم ده انا هموت على الجواز
ادم: خلاص روح اتهبب سوف تندم ندم عمرك انك ما سمعتش كلامى
حازم: وانت مالك انا عايز اندم سبونى اندم نفسى اتجوز يا ناس هموت قبل ما اتجوز
ادم: هتموت على الجواز قوى يا اخوى والله مها من نوعية المصيبة مراتى
حازم: والله انت ظالم البت دى ياراجل انا شفتها فى الفرح شكلها كيوت خالص
ادم: مين مراتى كيوت انت اهبل يا حازم صح مش كده اه كنت تعال اتفرج على الكيوت دى وهى بتضرب سوزى بشلوت ولا بتعضها ولا وهى الصبح بتغرقنى بالمياه الساقعة على الصبح
حازم:ههههههههههههههههههههههههه يا نهار مش فايت هى عملت كل ده مع انها ميبنش عليها خالص
ادم: شوفت المصيبة اللى انا ادبست فيها
حازم: يا عم مصيبة ايه انت اعمى ياض دى مراتك عسل وقشطة يا بنى
ادم: حازم لم نفسك واتعدل مرات مين دى اللى عسل انت اتجننت مش كفاية عليا السمج اللى اسمه اجمد
حازم: استنى عندك انت قولت مين امجد اللى هو امجد علام
ادم: ايوة سى زفت
حازم: وهو ماله ومال مراتك
ادم: شافها فى حفلة اللى كانت فى الفندق وقاللى ايه اضمها لموسوعة حريمى
حازم: اخرب بيته وانت عملت اية سكتله هو ما يعرفش انها مراتك
ادم: لا يا معرفش
حازم: يا نهار اسود اصل اصل اصل اصل
ادم: مالك ياض فى ايه
حازم: اصل اللى سمعته عنها فى موضوع الحريم ده انه مش بيسب اى واحدة دخلت مزاجه
ادم: عشان يبقى اخر يوم فى عمره ده انا ادفنه حى
حازم: خلاص ياعم روق دمك هو يعنى هيشوفها فين تانى
واثناء الحديث دخلت مها لكى تجعل ادم يوقع بعض الاوراق
مها: حمد على السلامه يا ادم ومبروك فاتن عاملة اية
ادم: كويسة يا مها
مها: طيب اتفضل وقع الاوراق دى
ادم: ماشى انت يا بنى ادم انت مش وارك شغل ما تهوينا شوية
حازم: لا انا واقف هنا
ادم: ليه يا خفيف
حازم: طراوة و هواءها يرد الروح
ادم: ده من امتى ان شاء الله
حازم: من زمان ادم هو انت احلويت كده ليه
ادم: واد انت فى واعيك
حازم: يا حبيبى يا ادم واحشنى قوى قوى قوى اخرب يبت جمالك يا ادم ما تضحك عشان خاطرى
ادم: على اخر الزمن بقيت كوبرى خدى يا مها الورق وامشى من هنا عشان وجودك هنا خطر
حازم: الله يخرب بيتك يا شيخ ما تسيبها شويه يا قاطع الازارق انت
ادم: بس ياض اخرس خالص
حازم: خرست بس خليها تجبلنا حاجة تشربها طيب
ادم: ما انا عارف الغتاته لما بتحل عليك معلش يا مها اطلبى من الساعى انه يا بجيب لنا اتين قهوة
حازم: لا انا مش عايز قهوة
مها: حضرتك عاوز اية
حازم: عايز نسكافيه
مها: حاضر
حازم: استنى
مها: نعم
حازم: خليها عصير
مها: حاضر
حازم: استنى
مها: نعم
حازم: خالص خليه قهوة
مها: قوم اطلب لنفسك ياحازم انا غلطانه دى حاجة تنقط
حازم: يالهوى خلاص مش عايز
ادم: تتستاهل اللى يحصل فيك عشان انت مهزق
حازم: مابلاش بدل ما اسيحلك
ادم: قوم ياض فز من هنا قوم
حازم: اه يا ندل يا جبان اخدت غرضك منى ورماتنى والله لشتكيك فى محاكمة الاسرة
فى المساء رجع الجميع الى المنزل صعد ادم الى غرفته وهو يقول فى نفسها " ده انا هنتقم منك اشد انتقام يا اوزعة ليلتك سودة يا مراتى يا حيبتى " وجلس الجميع على سفرة الطعام
ثريا: ايه ده يا صفية ما امتى الاكل ده بيتعمل فى بيتى
صفية: دى اوامر الست هانم الصغيرة
ثريا: ندى انتى اللى عملت كده
ندى: لا يا ماما مش انا
صفية: لا انا اقصد ست فاتن هانم
ثريا : مين انتى بتاخدى اوامرك من مين
مصطفى: خلاص يا ثريا اهدى الاكل رايحته تجنن تسلم ايدك ياصفية
صفية: تسلم ايد اللى طبخت يا بيه
ندى: مين اللى طبخ
صفية: فاتن هانم
ادم: لا والنبى ربنا يستر ما نبتش الليلة فى المستشفى
فاتن: خاف على نفسك وما تاكولش
ادم: لا هاكل بالعند فيكى
ثريا: ما حدش يمد ايده على الاكل انتوا فاهمين
مصطفى: ثريا لمى الدور وخلى العشاء يعدى على خير
بدا الجميع فى تناول الطعام والجميع اعجب بها حتى ثريا ولكنه لم تفصح عن الامر اما ادم فى نفسها " الاكل جنان بت الايه نفسه حلو خالص فى الاكل جميل والله المفروض الواحد يستتمتع بالاكل ده قبل ما يتجوز سوزى اللى مش بتعرف حتى تسلق بيض جامده قوى دى لو فتحت مطعم الناس هتبقى عليه بالطابور "
بعد انتهاء العشاء صعد ادم وفاتن الى غرفتهم وايضا ندى ومصطفى اما ثريا توجهت الى المطبخ
صفية: فى حاجة يا هانم
ثريا : حسبنا بعدين على انتى عملتى النهاردة ومخالفة اوامرى
صفية: والله ياهانم
ثريا: خلاص هو انتى بتعملى ايه
صفية: بعمل نسكافية لادم بيه
ثريا: ومراته مش عايزة
صفية: لا يا هانم
ثريا : طيب اعمليلها عصير وخديه مع النسكافية ونبهى عليه تشربه قوليله انه اوامر مصطفى بيه
صفية: حاضر يا هانم
ثريا: يالا اتحركى مستنية ايه
تحركت صفية واعدت كوب العصير وبعدها طلبت منها ثريا ان تتاكد من مصطفى انها لا يحتاج شى وعندما غادرت صفية قامت ثريا باخارج شريط برشام مانع للحمل ووضعتها بكوب العصير الخاص بفاتن وهى تقول فى نفسها " ابقى وارينى بقة يا بنت الخدامه انتى ازاى ممكن تخلفى من ابنى ده نجوم السماء اقرب ليكى كل يوم كده لحد ماناخد الورث وارميكى رميت الكلاب"
غادرت ثريا المطبخ وتوجهت صفية الى غرفة ادم واعطتهم المشروبات واخبرت فاتن بما قالتها ثريا وشربت فاتن العصير عندما علمت انه من عمهاوبعدها صعدت على السرير
ادم: ودلوقتى بدا العرض المجانى
بعد قليل احست فاتن ان جسمها كله يالمها وانه لديها رغبة فى الحكة فى جسمها افاقت فاتن من النوم اما ادم كان يتابع فاتن وهو يصطنع النوم
فاتن: ايه ده في ايه ايه انا جربت ولا ايه ما انا لسه واخد شاور
ادم: ياواه بقة اطفى النور يا بت انتى عايزة انام
فاتن: اسكت ان شاء اللى فيا ياجى فيك
ادم: اخرب بيت طولة اللسان
فاتن: اه اه اه ياربى واد يا ادم
ادم: عايزة اية
فاتن: اكسب ثواب وخد اهرشلى فى ضهرى مش طايلها
ادم وهو يحاول كتم ضحكته : اهرشلك انتى الجرب  جالك ولا اية ابقه استحمى يا معفنة
فاتن: مفيش معفن غيرك ما انا قدامك يا اعمى من شوية طالعة من الحمام
ادم: طيب شوفى مين هيهرشلك بقة
فاتن: لا والنبى يا ادم اللهى ما يوقعك فى مصيبة
ادم: الدعوة متاخرة انتى اكبر مصيبة فى حياتى
فاتن: اخلص بقة هموت اخرب بيت الغباء
ادم: وانا مالى
فاتن: لا الحكاية كده مش طبيعية خالص بس ايه الابيض ده
ادم: ابيض اية
فاتن: دى دى دى
ادم: دى ايه
فاتن: نهار امك اسود انت حاطللى بودرة عفريت على السرير
ادم: انا وانا مالى يا بت هى تلاقيح جتت وخلاص
فاتن: والله ما فى غيرك انت اللى عملتها
ادم: اه انا عشان تتعلمى تلعبى معاى كويس يا شاطرة
فاتن: انا هوريك استنى عليا بس على ما اخرج من الحمام
ادم: تخرجى مش ده لو عرفتى تدخليه الاول
فاتن: تقصد ايه
ادم: اقصد المفتاح معاى يا حلوة
فاتن: هات المفتاح يا ادم خلى ليلتك تعدى
ادم: تؤه تؤه وانا مش خدتيها هيحصل اية
فاتن: انا هوريك
ظلت فاتن تجرى وراء ادم فى الغرفة وهو يهرب منه وفى اثناء الجرى انفك حجاب فاتن وظهر شعرها البنى الطويل وانسدل على ظهره وقف ادم وهو غير مصدق لجمال شعرها اما فاتن استغربت منها وهو ينظر اليه
فاتن: مالك متنح ليه
ادم:.................
فاتن: اية اول مرة تشوف شعر بنت ولا ايه
ادم: لا بس اول مرة اشوف شعر طبيعى وحرير كده من غير اى حاجة ده غير لونه وطوله هو ده طبيعى ولا بروكة
فاتن: بروكة مين ده شعرى وعمرى ما روحت كوافير ولا حاجة عشان اعملها هو كده طبيعى
ادم: يا لهوى بقة انا كنت بقول عينيك فتنه اتارى الفتنة الاكبر شعرك اتارى الكينج كان بيغنى ليكى وانا مش عارف
فاتن: مين يغنى اية
ادم: اه لما بيقول" لما النسيم بيعدى بين شعرك حبيبتى انا بسمعه بيقول اهات "
فاتن: لا والنبى واد انت ايه السهتنة دى اخلص هات المفتاح
ادم: موافق بس شرط
فاتن: قول يا عم القمور
ادم: شعرك ده يفضل متغطى قدام كل الناس حتى الستات حتى ابوى وابوكى والواد يايسين وجدى كمان اقوالك حتى قدام ندى وامك محدش يشوفه غيرى انا بس
فاتن: بس هبل ياض وهات المفتاح
ادم: لالالا خليكى شوية
قامت فاتن بازاحة ادم على اليرير وسحب المفتاح من يداه وهربت من امامه
فاتن: انا النهاردة هبات هنا سلام ياخفيف
كان ادم وقع على السرير وبدا يشعر بالحكة هو الاخر
ادم: بت اخلصى عايز ادخل الحمام منك لله
فاتن:لالالالالالالالا
فى صباح اليوم التالى غادر الجميع ماعدا فاتن التى ظلت طول النهار مع صفية والخدم فى المطبخ ولكن خرجت للجنينة ولم تعجبها
فاتن: هو ليه الورد كده شكله
صفية: محدش بيعتنى بيها الجنينى عندها عزاء وسافر بلدها
فاتن: طيب خلاص انا حهتم بيا
صفية: انتى يا بنتى
فاتن: انا كنت مهتمه بجنينه بيتنا هناك وكنت بزرع الورد واهتم بيه وكمان الشجر البرتقال والمانجة جدى هو اللى علمنى كل ده وانا ههتم بها الجنينه هنا اهو اتسلى
ظلت فاتن تعمل بالجنينه وتتعتنى بالورد حتى المساء وواسخت ثيابها وعندما تعبت قالت انها سوف تكمل غدا وهى تدخل الى المنزل راءتها ثريا
ثريا: اية المنظر المقرف ده انتى داخلة زريبة طبعا امك ما علمتكيش ازاى تعيشى فى بيت ناس محترمين
فاتن: مال امى بس امى علمتنى كل حاجة فى الدنيا
ثريا:هههههههههههههههههه بقة فاطمه الفلاحة اللى شبه الخدامة دى بتعرف تعلم دى واحدة جاهلة ومتخلفة