#بزره-عشك
الجزء٦
ضحكنا كلنا وراها ردينا كلمن لبيته بغيت افمر هذا جانا هبه من ربي لجن خالي يسترد عافيته لان هو ملتهي ويا مرت الايام رديت لشغل الالبان وصارت عدي نسبه من المعمل لان بعت ذهباتي والحمد لله بعد يومين يكمل
احمد- بدينا نتعود واحد عالثاني كم مره تعشينا عالساكيه تسوي لفات ونكعد ناكل احنا التلاثه كمت انعجب بيها كلش انعجنت بكلبي بس طولها كافي
ياسه- ارتاح كمت من اشوفنه وي خالي كلش واشوفن خالي حيل يستانس ويا شايله هم شكثر اذا كملدالمعامل ورد للولايه هالي شون حيكضيها النوب حتى انه تعلغت بي استغفر الله مامش مجان بكلبي للزلم بعد ماريدن اتعلغ باح
الصبح جانو مكملين معمل الورق وبعد ٣ايام يكملون السكر ورآها يومين يجيبون المكائن مال المعامل ويكمل حتى الألبان كمت احضر فهيمه واحمد جاب ١٦بهيمه وياها وجاب بعد حوليين حضرها وانه طايره اجهز نسوان عمي وبنات هم ويأي وأعلمهن بلشنا الشقل بالمعمل اجن البنات وانجمعنا بدينا بيوم ٢٣بالشهر العربي استبدينا بسم الله حلبنا الهوايش احمد جان يصدلي من بعيد يتبسم الباجر عدهم افتتاح المعامل يمكن يجون هله انه كلش فرحانه حسيت نفسي مسووله على رويحتي اللي طشرها رشدان بغدره وبغبائي حلبنا الهوايش خمرنا اللبن والجبن والزبد والكيمر وكمنا نعلب بفرحه نهايه اليوم راحن البنات ب٤وخالي علوان خضاه استاذ احمدوياهبالشغل بمعمل السكر------------
احمد- علوان احتاجك ويايه اني على اساس ماالزم المعامل بيدي بس بناء بس عسه حله بعيني معمل تكرير السكر والمنطقه والخضار والمي حسيت الي قيمه هنا وانتو هم حسيت روحي بيناتكم اقرب من وي اهلي واريدك ويايه وانت الك خبره بمنطقتك باجود انواع القصب وين تنزرع واسعارهن خاف وحدي يطبروني بالسعر اريدك بكل خطوه ويايه
علوان- والله ابو شهاب انه حاضر بس اخافن من حالتي اخزيك بموغف وتتورج عليك العالم بموغف موزين احطنك
احمد-مالك دخل انت علوان انت انسان طبيعي ويجي يوم واوديك لمختص اعرض حالتك اريدن اشوفن فلمك ههه على كولتكم
علوان- والله هههه شهر زمان وتصير تتحجه اضبط مننا بلقتنا
احمد- اه علوان حبيت ديرتكم الزرع والجو والمي وانتو حيل تعلقت اني هناك اطب بنص الليل سولفت وي ابويه دقيقه واروح انام البيت فندق
هنا ميهلي انام من وكت افتر اسولف وياكم اروح للمي لو المعمل مشغوله حياتي مالحك امل ًو اضوج
علوان- انت ماعدك اصدغاء هناك
احمد- لا عدي بس القريب منهم توفى بانفجار الله يرحمه جريت حسره
علوان-يعين الله كلب امه وكلبك ترحمله خويه وانه الك عون هنايا
احمد-باجر والدي ووالدتي وشريك ابويه وعمتي يجون اريد اعرفك عليهم واعرفهم عليك
علوان- ها جا خوش الباجر معزومين يمنا عالغده مااغبل اي اعتراض
احمد- لا علوان لتحرجني الله يخليك
علوان- ازعل عليك وروحه لابوي واخض بخاطري منك ترضاها علي
احمد- لا بالله هاهي يله وره الافتتاح جاييكم بس لتكلفون روحكم هواي احنا بسيطين واهلي اكلهم قليل عصافير معدتهم
علوان- مايهم مالك خص الا اخليهم يضربون صواني ههه على راسي كل هلك يله اترخص امر للبيت ارتاح فد سويعه من تنضيف المعامل من اثار المواد مال بناء انت هم نكضت كوم خويه ارتاح
احمد- اااي هسه اروح الله وياك -----
ضل بالي يم ياسه اريد اروح اشوف شسوت ماسوت بس اخاف من نسوان عمها يشوفوني وهي تخاف من الحجي كلش اخافت تنحرج رحت اشوف اذا موجودين اطفر
احمد- طبيت المعمل سنطه بس الباب مفتوح السيارات مال توزيع مسطره ومخلصين توزيع للمحلات كلداحد ماكو الاغنام والبهايم بالحضاير نضيفه ودياكلون زين ليش الباب مفتوح مديت راسي ريحه الديتول تسطر واسمع صوت مي مفتوح جوه طبيت وصحت منووو هنااا ياالله ماكو رد منًو هنانااااا عليت حسي
ياسه- انه انه هاذ ياهو اليصيح انه هنايا
احمد- ابتسمت من سمعت صوتها صحت وحدج لو اكو يمج احد احاجيها ومداشوفها بس اسمع صوتها
ياسه- استاذ احمدهله بيك انه ببحيدي تفضل تقدمت للباب تفضل استاذ وبيدي الماسحه وهدومي مطربسه بالماي
احمد- الله يساعدج اسطه ههه شون الشغل اليوم
ياسه- نصيت راسي متبسمه بست ايدي وجه وكفه الحمد لله خير وبركه الحمد لله جاي اغسل الارضيه والمكاين الطوس مالتهن
احمد- هاا ابتسمت هزيت راسي وجهج منور اليوم تقدمت نزعت حذائي لان مو ماسحته ملمعته تلمع مسويته مرايه
ياسه- عليش جاي تنزع غندرتك استاذ فوت بيهن
احمد- هههههاي مو غندرتي بيها طينطبيت بالجواريب جانت دتمسح داخل الجداري مال مكاين ليش تمسحيهن مو غسلتيهن طلابه عكدت حاجبي
ياسه- احسن حتى مايبغى ماي يصير بيها ملح لتالي يوم وعود الحليب يكطع اخافن يضيع وكتنا وتعبنا
احمد- ممممم خوش حجي كلشي مااعرف بامور الالبان اني
ياسه- كلمن على كاره بسيط استاذ
احمد- طيني الماسحه م الوصله المع وانت مسحي الطوس والجدوره
ياسه- لا ماريدن اتعبك-
- لا ماكو تعبدسكتي محضرلج مصيبه باجر جاي على مصلحه يله خلصي عديدسالفه وياج
ياسه- ها دلزم لعد مكضيه سالفتك انشاء الله فتت جوه امسح الجدر وهو يلمع الارضيه وراي رحت من جدامه
احمد- ياسه دتسمعيني
-بلي استاذ سولف وانه اسمعنك
-باجر افتتاح المعامل وعلوان راح يجي ويايه بالمعمل مال قصب السكر
ياسه- تكدمت منه ليش راح تبغى هنايا ماتروح للولايه -- فرحت وبينت الفرحه عليه
احمد- ليش ياسه همست ترديني ارجع باوعتها بحيره
ياسه- لا استاذ مانريدك تروح كلت لجن كمل المعمل جايز تريد ترد لاهلك
احمد- تنهدت لا اريد ابقى هنا وخميس وجمعه من كل اسبوع ارجع لبغداداشوف اهلي والسبت بليل اني بالجبايش
ياسه- على راسنه نخليك استاذ وراح تضل ساكن بهالصندوك
- لا ههه راح ااجر بيت ولو موقع الكابينه يخبل عالساكيه بس ميهم اشوفلي بيت صغير قريب من الساكيه والهور
- كل الهلا بيك فرحت حيل وعيوني بين عليهن
الفرح
- شفت الفرحه بعينها تاكدت هي هم معجبه مثلي عفتها كملت مسح وهي رجعت تلمع بالمكاين جنت اتوقع تعرف بسالفه اذا مبلله المكينه تكهرب مو هالحد غشيمه وكلشي متعرف ممعقوله انتبهت عليها تمسح بالمكينه بوصله مرطبه والعينتين منكعه بالمي رحت اركض عالجنج اوفر قبل لتلزم بالكهرباء قبل لا اوصل عاطت وراح صوتها صدك تكهربت ركضت عالجنج طفيتها وجريتها عليه وكعت بحضني كعدت بالكع راح نص حيلي خوف عليها بقيت صافن شوي وراها حجيت ياسه ياسه ردي رحمه لاالله ياااسه اباوع لوجهها زركت كهرباء المكاين حيل عالي ضليت اهز بيها ماكو ياسسسسه صحت فتحي عينج يمعوده لتخبليني فتحت عينها جريت نفس رد الدم بوجهي
ياسه- باوعتله غمض عينه وارتجه عالحايط مرتاح
احمد- كومي خرب ببليسج نص حيلي راح هو هاذه هم شغل مكيفه بروحج
ياسه- شمدريني حتكهرب
احمد- لا والله صحت بيها باعي اذا مو كد الشغل لتشتغلين ردتي تموتين لو مويمج جان رحتي بيها كهرباء مولعبه
ياسه- رفعت راسي بتعب جسمي كله يرجف وكفت تكدم ناحيتي
احمد- لتوكعين تنهدت ليش هيج ياعيني انتبهي ابد متلزمين المكاين اذا مومطفيه الجنج هذا اشرت عالجنج فهمتي
ياسه- بلي استاذ جسمي كله يون علي اسناني وعضامي احس حتى منبت شعري يون عليه
احمد- واعديتي متمدين ايدج عالكهرباء وتنضفين بالمي اذا ممطفيه الجنج
ياسه- هزيت راسي اي كعدت عالكراسي ارتاح
احمد- كعدت كدامها ها شبيج همست شدتحسين عيني بعينها
ياسه- اريدن مي
احمد- هلوو لا عيني ابد ماكو اذا انطيج قطره مي تموتين هسه
الكهرباء بجسمج هسه كومي اوديج للبيت ترتاحين
يياسه- روح استاذ لا يجي احد ويشوفنا وعباله جاي تتحارش
احمد- جريت نفس هزيت راسي اوك راح اطلع بس الله يخليج اطلعي ورايه
ياسه- اي جايه ببراك طلع واني قفلت المعمل
ونطيت الهوايش ماي ورديت لاهلي المعمل يبعد ٢٠متر عن الحوش التفتت عالصندوك العايش بي احمد لكيته يصدلي من شباكه مبتسم انه هم ابتسمت وفتت تلكاني خاليجان متسوك خير من الله لحم ومخضر
شكوش هاي خالي فهمني تره راسي مطبل
علوان- الباجر يجون اهل احمد هنايا عازمهم على قده
ياسه- ضحكت عرفت لويش كالي محضرلج طركاعه -- بسيطه خالي بس ارتاحلي سويعهواكوم اعزل الحوش مايكون خاطرك الا طيب واركب توالي الليل حتى مايبغالي شي لباجر واروحن للمعمل براحتي
علوان- كيفج انه طالع ازبر الحديغه وانضفها واغشل داير حبل الحوش الطرامي
ياسه- كواك الله هالي رايحه ارتاح صديتله اشوفنه نشط وحاب احمد حيل
خالي
- نضر عينه
- امتى اخر نوبه جتك
-الصبح وي استاذ احمد
- وللحين
-بلي
-خالي جاي تغل عدك النوبات ماملاحض
-انه هم منتبه الله المشافي بعد روحي
- نمت مرتاحه اول نوبه بعد وفاه جدي انام مرتاحهه هالكثرصحيت عكب ٤ساعات جانت المغرب صليت وكمت عالبيت
