#بزره-عشك
الجزء٩
بارت٩
ياسه- انه مو بس احبنك انه ميته عليك
احمد- كافي كافي تره حموت روحي ياسه خاف احد يشوفج
ياسه- مودع بالله
احمد- اوكفي اوكفي بس هاي بستها من ايدها قوي باوعت بعيونها ذابت وصارت احلى ناعسه والزراك والكحل مزينها اويلي يالله راحت ركض وفاتت للبيت وسدت الباب
ياسه- اخ ياكلبيرجعت دكيت وهالمره اختيارك صح للموت اضل اهواك
يابعد كل المدينه وناسها
من كثر حبه الي عاف الولايه وساسها
ذاب بكحل عيني وعتبه كليبي لمن داسها
راحت رويحتي وهام كلبي وماضنه يرد اليه
احمد- واكف وره الباب واسمعها تهمس بالشعر ضحكت وصحت اللله
ياسه- روح منا لا تفضحنا ههه فتت للبيت ونمت باحلام حلوه مانفترك يتربي دخيلك كون يصير صدك الي
رشدان- يكولك هذا التطور هواي خل ازمات انه مااستفاديت شي من المدينه قير هالنقال عرفوني عليه لجن بديرتي مانعرف فد اليكول الو مو ابو التصوير انه شفتهم يتساسرون ويتمعشكون وصورتهم وهاي الحض رجع يضحكلي تعشكين علي ياسه موو بسيطه راح اهددها بيه واخليها ترد الي بالغصب بالقبول ماعرف المهم ارجع ابات معزز مكرم مو مثل الحراميه اتختل بين الكصب والبردي
احمد- كضه ثاني يوم وابويه وصل ب٩مكدرتً اروح اطلبها
حجيت لعمتي كلشي بيننا صار فرحتلي وضلت تصنف نمت مرتاح ١٠
رجعت نمت مرتاح كلش واتذكر كل تفصيل بصغره وبكبره لمسه اديها وعيونها ومن وكفت وكالتلي ماخبه لرشدان اخ كلبي ثاني يوم الصبح حاجيت عمتي وكلتلها ورحت للمعمل لاكيت علوان جنت طاير واشتغل بحماس واحسن انواع الورق طلعنا رجعت الضهر ولكيت عمتي حاجيه لابويه كلشي والوالد للمغرب هو يمنا ضل صافن عليه ----تعال بابا احمد تره هاي غير ملتنا
احمد- بابا احبها وماعوفها تره رضيت ولا مارضيت
امي مكانت معترضه كلش حبتها من شافتها ضل والدي متخوف اخر شي قنعنا وقررنا الصبح نروح لبيتهم نطلبها طلعت للساكيه بلكن اشوفها
سهام- شفته طلع للساكيه لحكته اخاف عليه يسوي شي وياها وعمامها يلمحوها ويكلبون عليه شو على غفله اختفى بين القصب وينه هذا اخاف اصيح وعدهم عيب المره يطلع حسها بقيت افر براسي عثرت والقصب ملخ رجلي
علوان- ها يالعمه ركضت عليها شجايبج بتالي الليل لهنايا ماتخافين صديتلها مبتسم
سهام- مدلي ايده اكوم لزمتها وسحبني ادور على احمد اختفى
علوان-هو من يختنك يشكي للساجيه هدي بحاله
سهام - عفته تنهدت تمشيت وياه ومحاسين بروحنا كلسا اباوعله يباوعني من جوه ليجوه يبتسم كعدنا وره الكصب ضلينا نسولف
علوان انت شعجب ممتزوج
- مطلعين علي صيط الخبل ياهو الينطي لخبل
- حشاك انت كلش عاقل ورزن
- صديتلها ابتسمت وانتو الاحسن وانتي ليش ماتزوجتي
- التهيت بدراستي واللي يتقدمولي شخصيتهم متعجبني
- ممم
- بعمرك محبيت
- حبيت وتزوجت غيري عمن انه هبل جريت حسره التفتت عالساجيه
- هي الخسرتك الف من تتمناك
-مشكوره صديتلها بعيني وطولت الصده ماودي ابعد ناضري عنها ساكتين لحد ما
اجتني الحاله رجعت عالكصب صافن
- علوان علوان درت وجهه عليه باوع بعيني لتباوع ليفوك ميرد بس صافن كعدت على ركبي خليت عيني بعينه لازمه وجهه بين ايدي --انت دتسمعني مابيك شي اصحى حرك عيونك سيطر عليها سيطر على اعصابك باوع بعيني علووان تلمست خده شوي وفك كام يتنفس سريع وقوي وكام يعرك بقيت وجهه بين ايدي
علوان- خجلت حيل منها من صحيت وشفت روحي بهالحاله دنجت --- مو داكلج انه خبل دمعت عيني
سهام- قربت راسه حضنته بين ايدي والله كلشي مبيك والله انت ٣دقايق بس باليوم تصير هيج والله انت مابيك شي
علوان- راح كل تعبي متفاجا بشبكته شبكتني بين ايدها وجهي صار بركبتها شميت عطرها النوب هي تحرم علي دفعتها مسحت دموعي وكفت بحزم هاي شجاي تسوي بيه انه الملتزم اشبك بنسوان تحرم علي لا وبعد عمه احمد اللي ماهدني من عرفني لسه
سهام- علوان اااني اسفه متحملت الموقف هزني لتزعل مني بعمري ممتقربه من رجال قبلك تره لتاخذ عليه صوره موحلوه
علوان- لالا هاي هيه صديت بعينها ست سهام شعرج فتنه ليش ماتتحجبين
سهام- باوعت بعينه نصيت اني اصلي واصوم وبس برمضان البس الحجاب ميعجبن---
علوان- قاطعتها لان حجيه مو منطغي نزعت يشماغي الاسود اللي لافه براسي خليته على راسها ولفيته وضميت شعرها ومعالم ركبتها صديتلها اشوفنها غمضت عينها
سهام- مااعرف الاحساس الحسيته شنو كلش حلو من اكون تحت رحمته
علوان- كلش واكعلج لا تفرطين بسترج هالشخص اللي عدج والثغافه ماينغصها غير الشيله عيون العالم تاكل بيج جريت حسره وبيه بعد
سهام- هزيت راسي من دون ماانطق اي حرف سيطر على كياني
علوان- امشينا اوديج لاهلج وارد لاهلي
سهام- هزيت راسي مشيت وياها الكع معروجه امشي واتعثر
علوان- شمالج ماتعرفين تمشين لو الشيله ماثره على مشيتج
سهام- دباوع كاعكم اخ وكعت على ركبي
علوان- الله الله دكومي انتي مو مال تمشين انتي مال سياره لزمت زندي وتمشي ويايه كمت اتلفت خاف يلمحها احد
سهام- ضوجتك اليوم
علوان - توجعج رجليج
سهام- شويه
علوان- ابغي مسنوده علي لا تطيحين ---
يبوي على لزمه ايدها ردت بكلبي النبض اخافن اصدلها والزمها اشبكها وصلنا وياريت ماوصلت راحت لحوشهم ولزمت ايدها تركت حراره بجسمي يبويه انه حبيتها ووكعت هي الكضتني لهالدرب هي رديت للحوش لاكيت ياسه تركب لباجر لفيت راسي ونمت وكل لحضه بيها افكر همت بيها وبخصالها نمت
ياسه- طلعت افرغ الزبل حشة السامع شفته بباب الكابينه القديمه تبسمت
احمد- تقدمت منها تلفتت خاف اكو احد ها الله يساعدج
- هله
- اليوم ماكو
- موجوده بس خالي مارد ماكدرت اطلع دنجت
- باجر جايب ابويه وجاي اخطبج
- هله بيكم ضليت مدنجه
- رفعت راسي ليفوك احبنج يعربيه همست
- طبيت للحوش اضحك نمت منتضره باجر بفارغ ا
ثاني يوم الضهر اخذت اهلي ورحت لبيتهم
دكيت الباب وي اهلي طلع علوان
علوان- هله هله بابو احمد
احمد- بالمهلي ابتسمت خويه خابر عمام ياسه
علوان- شكوش ابوشهاب خوماكو شي خيرك
احمد- ماكو الا كل خير اني جيت اطلب ياسه واتمنى متردني
علوان- ضحكت ملعونه اشوفنها كاعده من صباحيات الله كالبه البيت عالكفه ابتسمت وليش المثلك همات ينرد سعيده اذا صارت الك اتصلت بعمامي شري وكصدولنا وصل غزوان ومحمد ابو عمار وعمار للحوش ضل ابو احمد يحجي وياهم
ياسه- يمه رويحتي ترجف مثل ورك الشجر بليله شتويه معصفه انه بكبتي وي نسوان عمي وولد عمي التزمو الضيافه وانه الوبن مرت عمي كالتلي لازم تطلكين ياله ينطوج بهالجلمتين ومااسمع اله صوت الفشك بباب بيتنا وصياح هذا ياهو هاي ببابنا ياهو الوصل الكاعناياهو هاذ اليرمي
احمد-فزينا كمزنا كلنا ابويه جرني
ابو احمد-تعال انت وين رايح انجب هنا
احمد- طلعو كل عمامها ولدهم وعلوان وياهم وصار مصايح اني صافن مستغرب منو هاي متحملت جريت ايدي من ابويه وطلعت للباب شفت واخد يصيح والناس ملتمه
رشدان- هاي وانتو الشيوخ تردون تطون زوجتي وهي على ذمتي الا اسويها دمايه
عزوان- تخسه كظ لسانك لااكضه من عروكه ياغذار لجن خضيت حلالها وشردت ياغليل الناموس والشرف
رشدان- هي زوجتي ووكلتني انتم شلكم غرض انه وياها والله لكعدكم فصول حسبالكم انه مالي ضهر بسيطه تردون تنطوها موووو
غزوان- انت الهديتها ومشيت وهي باشد عازتها الك تدريها مالها قيرك عكب جده
رشدان- مامشيت ردت اطور الشقل واردلها باحسنه جنت زعلان وياهاوهي ادري شمسويها لج يااااااااسه
غزوان- ولك كظ لسانك احرك بدمي واحجي ناصي فضحتنااا
رشدان- مااسكت الاافضحكم ياسسسه اطلعيلي اليوم اموتج بيدي
ياسه- سمعت صوته وجن ملك الموت اجاني مو برشدان كما اصيح ماريدنه اخضو عني ماريدنه اتوسل بيهم دخيلكم خله يروح يربي شوون مااخلص منه
احمد- يابه دهدني شبييييكشنو السالفه
عمار- احمد لا تكرب صوب الباب اطلع منها خليك مو بالصوره لحد مانحلها هالابن الحرام غدار خاف ياذيك
احمد- وخر عمار دفعته وصحت بيه ولللك رشدان اباوعله مبحلس اسود وعيونه بيها نوع من الحول وشعره مفتل هو هذا الحبيتي خرب ذوقج ياسه --- شرايد بعد مو اخذت كيعانها وفلوسها شرايد بعد ابن الحرررام
رشدان- شو هذا منين شو منين هالصوت هاااا هذا العاشك الولهان تعال بعد ابوك تعال انت شلك دخل بويه مريتي وظتني حلالها انت شلك خص حسابك بعدين خل اخلص من عمامها بسيطه
غزوان- رشدان اطلع بره مالك مجان بيننا بعد السويته
رشدان- ماشي عمي ماشي عدلت زياكي لجن جرروها بس خلوني احاجي مريتي وارمي اليمين براها اطلع وماتشوفوتي بعد
احمد- استغربت وخفت من هدوءه معقوله بكل بساطه يتخلى عنها مااتصور هذا ضام ضمه
غزوان- رشدان راح اخششك بس قبلها افتشك انت تغدر مالنا ثغه بيك بعد
رشدان- هههاي ياحيف عالزلم تفضل فتش
غزوان- شوي يولد باوعت لاحمد خويه لا تواخذنا موضوع عايلي جاي نحله كظ اهلك وروح هسه رد الباجر --- سووووونا درب ياالله
علوان- وين جاي تفوته وين مايفوت لياسه تخبلت من سمعت بي راد شجاي تسوي
عمار- وين مفوته على بت عمنا عكب السواه
غزوان- سمعوني سمعوني بس يرمي اليمين ويولي انه ويافايت لاتخاف
احمد- ماكو ماكو ميفوتلهاعمار لتخلي ابويه لازمني من صفحه وعمه محمد من صفحه اللخ كمت اكمز ادفع بيهم احس حيكتلها اذا فات
غزوان- احمد بعد عمك فد يرمي اليمين يطلع كافي حسك صرنا فرجه للعالم
احمد- سكتت وداخلي يحترك ايويه حرني وكلي امشي نروح ذوله وراهم طلايب
عوفني يابه عوفني رحمه لاالله عوفني
ابو احمد- لك تمشي لا بالعزيز القدير ادعمك بالسياره
احمد- دكولك ماااااروووح اخذ اهلي وروحر
عمار- طب الثعلب للغرفه واسمه صياح ياسه اطلع ماريدنك اطلع
رشدان- هاااا ياسه هيج تسوين عوفونا بلحدنا دغيغه بس واردلكم
عمار- مااطلع مو تريد ترمي اليمين فضهاااا
رشدان- داكللاك دغيغه وحده بس واطلع اصيحك واطلكها احسبلي دغيغه
ياسه- سكتت ارد اشوف شخيسوي بهالدغيغه لو يكلي اردلج كل مالج هم ماردله روح عمار دغيغه وفوت ارد اشوفن شيريد طلع عمار احجي شتريد خلصني
رشدان- ها يالخاينه بعدج على ذمتي طلعت التلفون جاي تتمعشكين علي شوفي شوفتها التصوير وحق الله اذا مارديتيلي اشوف الديره كلها هالتضوير واكلهم بت الشيخ تتمعشك وهي على ذمه غير زلمه
ياسه-ضليت خانسه مشدوهه ودموعي تكت بسكًوت
لطمت على وجهي اويلي على حضي المصخم
رشدان- ها اخلي المايشتري يتفرج
ياسه- بكيت ساكته وراسي طببل خليت ايدي على راسي
عمار- ياسه شمالج عمي غزوان عميييي علوان الحكو علي ياسه معرف شمالها
احمد- من صاح الحكو لياسه طبيت ركض دفعني عمار ورشدان جرني
رشدان- ياويلك وسواد ليلك اذا كربت صوب الحوش وصوب زوجتي
احمد- وخر مو زوجتك وهسه تطلكها
رشدان- ماراح اطلك الا اذا هي طلبت مني
عمار- اهووو كولي ياسه فضيها
ياسه-ساعه صافنه. رفعت راسي صديت لاحمد ودنجت
احمد- ياسه شبيج شسوالج كوليله يطلكج
ياسه- ماريدن اتطلك منه
لحمد-شنوو شنو متردين باوعت لعمار هاي بت عمك شبيها هههه
ياسه- شمالكم ماتفهمون ماريدن اتطلك منه طلعو بره عوفو عني صيحت
احمد- خزرتها واحس نار بكلبي تضحكين عليه ياسه اشرت على صدري انتي وحده بله كرامه طلعت بكل هدوء رجلي كوه شايلتني طلعت شفت ابويه بعده ينتضر صعدت السياره ساكت كلشي محجيت رجعنا للبيت
ياسه- وججع كلبي غدرته وانه الاعرف باخساس الغدر شكثر ياذي
احمد- وصلنا طبيت للبيت قفلت الباب عليه صافن اكو شي خلاها ترجعله مستخيل شصار بهالدقيقه شصار ليش ياسه هيج سهل عدج الغدر اخ ربي
غزوان-رشدان هسه انت ردتلك ياسه يله روح بات بمضيف شيخ عامر فتحه ونام بي
رشدان- صار اباتن ليش مابات التفتت لياسه باوعتها باستحقار سويلي عشا مشتاك لاكلج
ياسه- مرديت شي بس صافنه عمار صافن علي بشك يريد استفسار للي صار بهالدقيقه شلي قير راييوانه مثل بلاع الموس سامحني يضي عيني حميد انه اذيته اوف وكعتك بناري وهديتك ببحدك تحترك
علوان- طبيت لرشدان ضربته كل قوتي جروني عمامي وعمار حضني دخيلك لا يلبسك تهمه هذا ناقص دون
رشدان- تهاي بهاي بعد علينا المخابيل
علوان- خليني اخلص عليه مو انه خبل محد يحاجيني
عمار- ولك يشمرونك بالمستشفى هدي روحكبنت اختك هي الرادته
علوان- كعدت صافن لحالتهابس صافنه طلعو الكل بغينا ببحيدنا ياسه خالي ليش هيج ساويتي
ياسه- رفعت عيني بعينه احسن خالي لا تسالني فتت جددت وصليت ونمت تمنيت بعد مااصحى
