#بزره -عشك
الجزء٨
بارت٨
توني الزم المكاين انضفهن ----
احمد- صحت ياسسسسه بعصبيه دخلت المعمل وهي متدري جانت ملتهيه تنضف بس بالها مشغول وهم لزمت المكاين وهي مبلله ومطافيه الكهرباء
ياسه- يمع بسم الله الرحمن الرحيم شعلامك طركتني
احمد- نترت بعصبيه اني شكايلج عالكهرباء
ياسه- ها سجيت نصيت جسمي يرتعش واحشني صوته وطلته وخوفه علي
احمد- طفيت الكهرباء باوعتلها حتموتين روحج هيج نترت بيها
ياسه- لا اول نوبه هجي اسجى
احمد- جريت حسره باوعتلها مشتاق لعيونها شونج همست
ياسه- الحمد لله
احمد- تقربت منها طيني الماسحه روحي عالمكاين
ياسه- ماريدن تتعب احاول مااصدن بعينه من احاجي لان ادريها لروحي وكعت بغرامه
احمد- لا مااتعب طيني داكولج لتعاندين
ياسه- براحتك رحت للمكاين امسح بيهن
احمد- مفتقدتيني صار اسبوع ليش البارحه مطلعتي للساكيه
ياسه- ماودي
احمد- ليش بله حتى متشوفيني موو عفت الماسحه تقربت منها جاوبي
ياسه- رحت عالجداري شلت واحد جبير ثكيل علي
احمد- ركضت شلته وياها صارت ايدي على ايدها من دنشيله باوعت بعينها مجرد تلامس ايدي باديها ضيعني حسيت الكهرباء اللي بالجنج كلها بين ايدنا صارت ضلت تباوع بعيني واني اباوع بعينها نضرات تحجي اشتياق اسبوع واحد بس وجهه صار احمر خلينا بمكانه رادت تبتعد تنهزم مني
---
اوكفي خل احاجيج ياسه مترد عليه جريت ايدها بقوه
ياسه- اخ همست اديه هدهن نصيت راسي تكرب مني
احمد- ليش تنهزمين مني باعيني ياسه ليش متباعيني
ياسه- ماريدن ماريدن عوف عني
احمد- ماعوفج طكيت سن بسن من العصبيه رفعت راسها بيدي كمشت حنكها بيدي بقوه صارت عيني بعينها واخيرا ليش مدمعه عينج ياسه شبيج
ياسه- الله يحفضك لشبابك عوف عني انه البيني مكفيني
احمد- ياسه اني صار اسبوع منايم تنهدت روحي تلوب عليج كرهت بغداد كلها البارحه من شفت علىان ضليت ابوس بي لان بي ريحتج اشمه بيه كمت اتقصد اساله عالمعمل كل يوم من اخابره حتى يجيب سيرتج وترد روحي من يكول اسمج روحي تذوب بين حروفه ياسه دااشتاقلج كلش حموت كوه خلص الاسبوع وجيت لهنا وبعد ماارجع لبغدادلو يذبحوني كمت احجي بحركان دم وهي منصيه لزمت ايدهاعصرتها بايدي قوي محاس على روحي
ياسه- غمضت عيني متالمه بعصرته ضليت مدنجه
احمد- جريت حسره انتي بعالم واني بعالم ثاني موهيج
ياسه- تميت خانسه مااعرف شرد اكله
احمد- حاوبيني شتحسين مو روحي احتركت اشرت على صدري
ياسه- درت وجهي اطلع جريت ايدي من ايده
احمد- ياسسه
ياسه- بلي
احمد- اليوم اذا جيتي للساكيه يعني انتي مشاركتني بمشاعري واذا ماجيتي تنهدت من باجر ارجع لبغداد مالي غرض بالجبايش بعد تعبت كلش اسبوع محملته شون ححمل العيشه هنا وانتي مرايدتني فابتعد افضل
ياسه- مارديت عليه كلش طلعت والطريق كله ابجي ماعرف عليش فتت لحوشنا ونمت بكبتي مثل المخدريها وماكعدت الا توالي الليل جانت ساعه ب٩وانه لسه مامصليه ركض صليت وضليت صافنه بحالتي اخافن ماروح ويرد لديرته يمكن اموتن براه لازم اروحن لبست شفت خالي نايم وصلت للباب رديت فتت شون بيه شون بيه باوعت لروحي بالمرايه خليت كحل شوي رسمت عيني طلعت وهاهيدبعد ماارد الا اكلنله انه هم احبنك
وصلت للساجيه مالكيت احد يا معغوله رد لديرته جا شون وانه وين انطي وجهي كعدت بالكاع نزلت دموعي وروحي ترجف توده -- ياسه
فزيت التفتت براي احمد انه انه دنجت حسبالي رجعت لديرتك مسحت دموعي ضحكت فرحانه
احمد- باوعت بعينها المليانه دمع تقربت منها حتى لو مجايه هم مجان رحت مااكدر روحي تعلكت بيج عزه بعيني اشوو
- شكوش
- لا سلامتج بس اذا وكعت جوه رجلج شيليني شنو هالغيون منين جايبتهن
- ههه مااعرف امي مو زرك عيونها يجوز ابوي
- يجوز اوف يابه ياسه عيون لو شهد جريت حسره عرفت ردج يبت الحلال الخميس اليجي ماشي على عمامج
ياسه- تبسمت دنجت راسي كض اديه وخلاها على كلبه يمه اروح فدوات لدكاته
احمد- شو باعيني خل اشوفهن زين مو والله راح اموت جريت حسره شوفي كلبي شصار بي موتتيني بعشكج يبنت الشيخ
ياسه- رفعت راسي اصدله روحي ذابت بلمسه اديه
احمد- سمعيني صوتج ميلت راسي متوسل وذايب بعينها
ياسه- هزيت راسي اي من دون كلام احم راح انتضرك تنورون حوشنا باي وقت
احمد- اويلي على الله الخلقج تنتضريني اوف حبيتج يبنت الناس باسلوبج العربي باصالتج ببساطتج لكيت راحتي دتفتهمين
ياسه- بلي
احمد- تحبيني ياسه تقربت اكثر لزمت ايدها ثنيناتهن لو تردين تنهزمين من تعب رشدان تره اني بالحالتين ماعوفج واذا محابتني كولي واني اخليج تحبيني
ياسه- صديتله بثقه رشدان انه ماجنت احبه بعمره ماسوه ربع يلي سويته لاجلي انه شفت بيك كل الرجولهماعفتني لابل حتى خالي ماتركته زرعت حبك بكلبي لحد ماخضر
دنجت
احمد- راح اشتريلج الكمر وازرعلج شجره من اول يوم نتزوج تكون شاهده على عشكنا الاخضر
