© posted on twitter - 05. 12. 17
III
Aking Mashna
Nawa'y batid mo aking kasiyahan
Ikubli man o ipagsigawan
Puso ko'y nagdiwang sa sulyapan
Kahit maraming bungguan at baguhan
Di ka nawaglit sa'king pusong taguan
Sa gitna ng maraming kaguluhan
Naiibang kataga'y naging paraan
Mga saloobin na din masabi
Umalpas at naibahagi
Damdamin na pilit itinabi
Naging batian natin lagi
Aking Mashna
Sa mga nakaw na sandali,
Isip ko'y sumisigaw
Sa mga pigil na hawak,
Puso ko'y sumasayaw
Sa mga labanan isinali
Sigaw ng puso't isip ibinahagi
Pilit pinigil ngunit di nagwagi
Aking Mashna, noon din nagpasya
I love you ka talaga!
Aking Mashna
Sa iyong tingin nais kong sumagot
Sa iyong bisig nais kong magpasakop
Sa iyong hininga nais kong yumabong
Sa iyong pag-ibig nais kong sumibol
Aking Mashna, mahal kong Aquil,
Pag-ibig sa iyo'y ayoko nang isikil
Puso't pagkatao'y sa iyo, di papapigil