جائو بالجحيم الي منزلي

1- اعرفكم بيهم

اولا انا اعيش بـ بيت 3 ادوار 

في يومي العادي اكون في الدور التالت

بس في الليل بنزل انام في الدور التاني واللي فيه اوضتي

-----

اول مره شوفتو كانت 2017-1 

اول واحد هو الكيان الأسود بداخل غرفتي... قدام سريري علي اساس ان نظرتو تكون عليا طول الوقت

بشوفه في الحقيقه او احلامي مفيش فرق كبير طول منا عارفه ان هو اللي موجود معايا

اتعودت عليه وكنت بدور علي طريقه اتخلص منو هو مكانش لطيف كان خطر عليا اظن كان يحاول يتلبسني

لغايه ما ظهر الكائن التاني, كان تبعي مكانش عايز يأذيني

امرني ب انى امسح طاقتهم من المكان عشان ميقدرش يتحرك وابتدينا نغير المكان انا وهو ومن ساعتها مأذانيش

ابتديت اشوفو هو كمان

الدايره الحمره هي الطاقه بتاعتهم اللي بينشروها

لما ظهرلي كانت الشقه كلها كدا بس ساعدني في مسحها خالص

بس الكيان الأسود كان دخل بالفعل

بعديها بأسبوع اختفي الكيان الأسود, فرحت خالص ان الروح تبعي قدرت تتخلص منو 

بس يوم ورا يوم لقيتها اختفت هيا كمان

ومبقاش ليهم اثر في غرفتي

*بعديها بشهر تاني

ابتدا يظهر شيطانين احب اسميهم بالشيطانين التوأم بسبب انهم مع بعض وغالبا يكونو في نفس التجسيد

اذا كان واحد منهم علي شكل طفل كان التاني زييو

ودول اتنين من الموجودين معايا

في واحد تاني في دولابي وبيخربش او تخربش بضوافرها كل ماكون في الأوضه... بس هيا مش مشكله بالنسبالي لأني مش بدخل الغرفه دي كتير

علي حسب النظره السريعه من خرم في الدولاب لقيت انها "طفله" صغيره بشكل مرعب 

في واحد تاني في الصاله تحديدا تخصص ابواب

افتكر مره من سنه كنت بقرا قصص في اوضتي وفجأه لقيت الباب اتخبط في الحيطه 3 مرات جامد ورا بعض

مرضتش امشي من الأوضه كنت اتعودت علي الكلام دا من فتره

بعديها لقيت باب الشقه(اللي جمب اوضتي علطول) اتفتح بالمفتاح فـ قولت انها اكيد اختى لأن اخويا وابويا برا... هيا الوحيده اللي في البيت معايا 

فـ ناديت عليها عشان تجبلي كوبايه مايه بس هيا مردتش عليا ابتديت اشك انو واحد منهم مش اختي

افتكرت اننا مش لوحدنا

لاحظت انى مسمعتش صوت خطواتها الباب اتفتح بعديها سمعت صوت هوا بس!

ف طلعت ليها في الدور التالت عشان اسألها مردتش عليا ليه

لقيتها بتاكل, مشغله فيلم والاضواء مغلقه.. مستحيل تكون قامت في نص الفيلم عشان تفتح الباب وتمشي

فـ سألتها "انتى نزلتي الدور التاني من شويه؟"

ردت"انا متحركتش من مكانى بقالي ساعه!"

ساعتها اتأكدت انو هو مش هيا

نفس الشخص اللي بيلعب في الباب وانا قاعده

حتي الآن معرفش شكلو فـ مش هقدر اوصفو ليكم

وبكدا اكون خلصت اول جزء من القصه

100% حقيقي كل الحجات دي حصلت وموجوده معايا

هعمل بكره جزء تاني اعرفكو بيه علي اللي ساكنين في الدور الأول

واللي بعديه هيكون تعريف بردو لـ بتوع الدور التالت