جائو بالجحيم الي منزلي

2- اعرفكم بيهم

هبدأ بالدور الأول

2014-10-7

كنت متحمسه جدا للبلد الجديده اللي هعيش فيها

وخصوصاً البيت اخيراً هبعد عن الشقه المرعبه اللي كنت فيها

كانت من اكتر حماساتي انى مش هعيش في خوف منهم

افتكرت ان مجرد الشقه هيا اللي ملبوسه

قبل ماعرف انى بجذبهم بطريقهً ما

المهم دخلت البيت الجديد وعلي اوضتي عالطول

حبيتها خالص لأنها كانت صغيره ومكفيه مقتنياتي بطريقه مرتبه

ودخلت في اول ليله ليا معاهم

-----

فتحت عيني لقيت نفسي في مكان غريب كأنى في بطن حد, جدران كلها دم ولون اسود

مقدرتش الاقي النور

عرفت انى مش في عالمي انا اللي روحت عندهم

اول مابصيت جمبي لقيت حاجه سوده صغيره ايدها مش بصوابع زينا كدا عباره عن مخلب كبير قاعد يخربش فيا بيه

ابتديت ازعق فـ انتبهت لصراخي واحده اعتقد انها امه

رجلها عامله زي غصون الشجره, كانها اتفتت بعديها التصقت في بعضها مجدداً

طولها كان لا يطاق, مرعب, ظهرها منحني وراسها واصله لبطنها من كتر الانحناء

شعرها كان عباره عن خصلات معدوده واصله لكتفها ايدها كانت تشبه طفلها

ابتدت تهرول لعندي وانا واقفه منغير ما اتفاعل من صدمتني انا مش عارفه انا فين ومين دول

نفسي طار لما لقيتها بتغرز ايدها في ابنها وتطلعها تاني 

ابتدا الطفل ياكلها كأنهم حيوانات ودي تغرز فيه مخلبها لغايه ما اتنهي الوضع بأنو اتعمي

اه ماهي غرزت في عينو

سكت الطفل وكانت اندهاشتي

ابتدت الام تبصلي وصوت تنفسها ughhhh مفيش اصعب من كدا

وفجأه منغير اي مقدمات مسكتني من سعري ورمتني في اوضه... موجود فيها ناس كتير زيي بس شكلهم غايبين عن الوعي

مهما حاولت انى احركهم, اضربهم هما مش بيتفاعلو معايا

فضلت قاعده هنالك وعدا الوقت كأنو شهر لغايه مـ صحيت ولقيت نفسي في اوضتي العاديه

مخدتش الموضوع جدي, دا مجرد كابوس مش هييجي تاني

بس كانت غلطه, انا نمت اليوم اللي بعديه بس لما صحيت لقيت انى في نفس الأوضه اللي كنت فيها امبارح..مع الناس اللي فاقده الوعي

فضلت قاعده لغايه ما صحيت وحمدالله مقابلتش اي حد هناك

كنت فرحانه عشان كنت مرتاحه في احلامي 

لغايه مازهقت في مره نمت فيها بس قررت اغير الحلم الممل بتاع كل يوم

حاولت اطلع من الباب اللي كان عباره عن ماده تشبه اللحم

ابتديت اغرز ضوافري وصوابعي فيها لغايه ماقدرت اقطعها وافتح مساحه كافيه انى اخرج 

بعد م طلعت سمعت صوت زي التآكل بصيت ورايا علي الباب لقيتو بيلتحم تانى

كدا انا مش هقدر ارجع تانى, فرصتي الوحيده اني استخبا منهم

ابتديت امشي في الطرقه لغايه ماوصلت للساحه الواسعه اللي نزلت فيها اول مره ولقيت هناك الطفل الاعمي قاعد يائس علي الارض

اتسللت وراه وبكل عزم مسكت دراعه وغرزتو في راسو, زحت الكائن القذر دا برجلي علي الارض وابديت اضغط علي راسو لغايه ما انفجرت

حسيت براحه بعديها

مش هيصعب عليا الموضوع 

رجعت عالطول وفضلت واقفه قدام الباب اللي اتقفل عليا

لأنى مش لاقيه مكان استخبا فيه

ولحسن الحظ صحيت

بعديها لما نمت محلمتش بحاجه!

اتحررت منها

عقبال باقي المحبوسين هناك

اللي بينزلو عندها غصب عنهم وينتهي بيهم الأمر بالحبس طول عمرهم

ودي هيا الوحيده اللي بتعرضلها وانا في الدور الأول

احب اسميها بـ صاحبه المخلب

الجزء الجاي هيكون عن الدور التالت واللي انا شايفه انو ارعب شقه في بيتي