جائو بالجحيم الي منزلي

3- اعرفكم بيهم

دا هيكون اخر جزء تعريف بالموجودين معايا بس عشان تكونو عارفين انا بتكلم عن مين

او تحاولو تعرفو مين الاقرب لتلبسي او السيطره عليا

حذروني

نسيت احكيلكو علي اخر واحده في الدور التاني:

هيا موجوده في نفس الأوضه بتاعه الشئ اللي في الدولاب

ودي لما انام منغير ماقفل باب الأوضه بتجيلي في الحلم تخنقني

بشوفها وهيا طالعه من الاوضه عشان الباب مفتوح وتجري بسرعه عليا وتخنق فيا لغايه ما نفسي يتقطع واضطر اصحا من النوم

هيا عباره عن بنت بس كلها اسود وشكلها زي ماتكون ميته

اعتقد انها روح حد مش جن

لأن شكلها انسانه الي حد ما

متنسوهاش

--

الدور التالت:

----

واهم واحد فيهم هو جن اتبعني من شقتي القديمه ودا اللي اثبتلي انو عايزنى انا مش ساكن الشقه

في فجر ليله 2013 - الشقه القديمه

كنت لوحدي في الشقه كلهم مسافرين

ف قومت من الكمبيوتر عشان اعمل اكل 

روحت المطبخ وابتديت اسمع صوت ضغطات علي الكيبورد!! معقوله حد بيكتب عليه ازاى انا لوحدي؟!

طلعت واتجهت للأوضه اللي فيها الكمبيوتر عشان اتأكدوابتدا الصوت يوضه دا فعلا حد يدوس علي الكيبورد مش خيالي

فضلت اقرب ببطء شديد لأنها كانت اول مره يحصلي موقف زي دا

لغايه مـ كنت قدام الباب بخطوه واحده

واول مادخلت الصوت اختفا وملقتش شيطان احمر باصصلي لاء

لطالاما دي كانت الصوره اللي بلاقيها في خيالي كل مره يحصل الموقف دا

ايوه دا هيتكرر

انا كـ ميراندا بكون صاحيه بالليل علطول

ف كل ماكنت اقوم عشان اعمل اي حاجه ابتدي اسمع صورت الكيبورد  دا

بطلت اخاف عشان لما بدخل مش بلاقي حاجه

لغايه المره اللي دخلت فيها ولقيت الكيبورد مليان دم

وعلي المكتب مكتوب YOU 

اترعبت وزعقت بطريقه هستيريهوحظني انو مستنهزش الفرصه ان جسمي الاثيري ضعيف وتلبسني

اتسآئل اذا كان غرضو التسليه

ومن ساعتها مش برجع للأوضه لما بسمع الصوت دا غير لما يسكت بعديها بـربع ساعه او حاجه

-------

في البيت الجديده الدور التالت 2017-2

قبل الكيان الأسود بـشهر

كنت في الليل بردو رايحه اعمل اكل 

لما اتصدمت انى ابتديت اسمع الصوت دا تانى

روحت بسرعه لغايه الاوضه الاقيهاHURT مكتوبه بسائل ازرق\اخضر مقزز علي مكتب الكمبيوتر 

عرفت ساعتها انو متبعني 

انو مش هيسيبني

نزلت الرقيه الشرعيه عالطول لطرد الجن

في خلال اسبوع كان اختفي اثره تماما 

اتمني ميرجعش تاني بعد فتره

ودا بناديه بالجن التابع

انا مشوفتهوش

بس اكيد لما اشوفه هوصفهولكو

----

واحد تاني في الدور التالت 

عباره عن حاجه بتراقبني

موجوده في الغرفه اللي حرفيا محدش بيلمسها

يعني حاطين فيها اي حاجه مش هنستخدمها كتب قديمه, غساله قديمه, كنب زياده

مهما قفلت الباب بعديها بـ ساعه ارجع الاقيه مفتوح... لاء مش عيب من الباب هو بيقفل كويس جدا 

اللي جوه هو اللي بيفتحو

في فجر من الايام كنت نازل عشان انام وفجأه لمحت عيون حمرا بتنور من جوا ساعتها عرفت وجوده

طبعا نزلت ومقدرتش ادخل واشوف ايه دا

لأنو ممكن يكون طفل مش فاهم انو المفروض يبعد عني

المهم من بعديها كل ما احاول اعمل حاجه في الصاله اللي قدام الاوضه اللي هو فيها

يبتدي الباب يتفتح

عرفت انى ممنوع اتواجد في المربع دا بالذات اللي في زاويه الباب ومن ساعتها انا مقدرش اقرب من المنطقه دي لأنى مش عايزه احتك معاه انا معرفش هو ممكن يعملي ايه

ودا بسميه بـ جن العيون الحمرا

اه وفي كمان واحد تانى بس دا مش بيعمل حاجه

دا بيظهر رجلو مثلا ويختفي بسرعه

يخبي حاجه بأيده السوده وافهم بعديها انو مكانش دخان

مفيش خوف منو بس لازم تعرفو  وجوده

مين عارف مش يمكن يعمل حاجه وحشه في المستقبل 

وبـكدا اكون عرفتكو علي كل الموجودين في البيت حاولو تتوقعو مين صاحب المواقف اللي هتحصل ^_^ 

كل الشخصيات اللي فوق دي حقيقيه 100%