جائو بالجحيم الي منزلي

ظهور تجسدهم

اليوم اللي بعديه مسمعتش اي اصوات في الصبح 

وجه الليل

حوالي الساعه 8 كدا 

سمعت صوت الباب اللي فوق بيخبط جامد في الحيطه ومع ان فوق مفيش غير نور المطبخ اللي شغال ومفيش اي انواع من النور علي السلالم بس انا طلعت اجري فوق اشوف ايه اللي بيحصل

اول موصلت لنص السلالم الصوت وقف 

كملت لفوق طلعت الشقه وبصيت في كل الاوض مفيش حرامي او حاجه, الشقه فاضيه وعاديه

وانا نازله سمعت صوت تنفس... بس عالي شويه

بصيت ورايا لقيت في حد قاعد علي حافه السلالم وحاجه بتنقط منو علي الدور الاول تقريبا دم

مقدرتش اشوفو كويس لأن مكانش في اضاءه بس انا متأكده ان عيني جت في عينو

بصيت بعيد وكملت نزول بهدوء وانا بقرا قرءان لغايه موصلت للدور التاني دخلت وقفلت الباب وحمدالله محاولش انو يدخل

وفي الفجر اللي بعديه سمعت حاجه وقعت علي الارض وصوت قزاز بيتكسر

طبعا قولت اخليني في امان واطلع لما الصبح يطلع ويكون في نور

المهم فوق بما ان محدش عايش في كل حاجه غرقانه تراب

لما انا طلعت اشوف ايه اتكسر

لقيت باب دولاب مخلوع ومرمي علي اول الباب ومكسوره المرايه اللي فيه

ومفيش علامه ايد علي التراب اللي فوق الباب

التراب كلو موجود كأن محدش لمسو

لسا هميل علي الارض عشان الم القزاز المكسور لقيت باب الأوضه اللي فيها الدولاب اتقفل جامد

خوفت ونزلت تحت

كدا حاجه بسم الله ماشاء الله 

احتلو الشقه مش قادره اقعد دقيقه واحده فوق 

سبتها خالص وبطلت اطلع لما اسمع اصوات علي راحتهم خالص

------------------------------------------------

نييجي لـ امبارح

كنت بحاول انام زي اي حد

سمعت صوت حركه في الاوضه روحت فتحت عيني بصيت قدامي! مفيش حاجه

بصيت تحتي لقيت قزم لونه ترابي ودانه طويله ومقطعه برجل ماعز بصلي بعدين طلع يجري علي البلاكونه قومت من علي الكنيه بعديها علطول لقيت باب الأوضه عليه ايد زرقا بضوافر كبيره مقرفه بتشد الباب ببطء وفجاءه قفلتو جامد قعدت ازعق واخبط لغايه م اختي صحيت وفتحت الباب اللي مكانش مقفول بترباس او اى حاجه

واهو انا النهاردا ملحقتش انام خمس دقايق ومش عارفه هنام في انهي اوضه بكره

*******

اسفه لو بتأخر في الابديت بس انا مش بكتب اي حاجه غير لما تحصل 

انا نفسي اخلي الشابتر اكبر من كدا بس هاخد ضعف المده

استمر بأحداث صغيره ولا اجمع الاحداث في شابتر كبير كل شهر؟