بعد عودة غسان من العمل وبينما سرى ترتب المكتبة وتنظف ورفوفها القى عليها التحية ودخل مباسرة الى غرفته قالت له وسن
-تره غلط تخلس سرى تقترب من المكتبة بيها شغلك وبيها شغلات خطرة والثقة لها حدود
-اني ما طلبت منها تنظف المكتبة
-لازم تبلغها وتحذرها تقترب من المكتبة
كانت وسن هي التي طلبت من سرى ان تقوم بترتيب المكتبة
قال غسان
-سرى انتبهي زين وانتي تنظفين وترتبين المكتبة ويا ريت بعد ما تقتربين منها لان بيها شغلي
ارادت سرى ان تقول لغسان ان وسن هي من طلبت منها هذا ولكن سكتت تخوفا من حصول مشكلة بين وسن وغسان
-صار استاذ
بعد اتمام عمل المنزل دخلت سرى غرفتها واغلقت الباب عليها لكي ترتاح قليلا
كان من عادة غسان ان يكتب كل ما به في العمل في دفتر ملاحظات خاص ويراجع ملفاته
طاش عقله وهو لا يرى احد الملفات في مكانه كان متاكدا انه وضعه هنا مساء البارحة
اخذ يبحث عنه في اماكن اخرى
صاح
-وسن انتي هم ما فتحتي المكتبة اليوم
-انتي تدري اني ما اوصل يم شغلاتك الخاصة
-وسن واحد من الملفات ما موجود بمكانه
-سرى مو هي اللي نظفت المكتبة يجوز هي مغيره مكانه
-وهي منو سمح لها تفتح وتعيد ترتيب الكتب
ذهب ناحية غرفة سرى وطرق الباب
-سرى ...سرى ...سرى
كانت للتو قد اغمضت عيانها كانت صوت غسان ممزوجا بنبرة من الغضب
-ها استاذ
-افتحي الباب
-بس لحظة خل البس شي
-بسرعه يلا
فتحت سرى الباب
-خير استاذ صاير شي
-سرى من نظفتي المكتبة فتحتي شي
-لا استاذ ما فتحت اي شي
-سرى اكو ملف مهم مرتبط بشغلي ما موجود وانتي اخر من كان يم المكتبة
بدا الارتباك واضحا على سرى حاولت ان تظهر بموقف القوي ولكن ارتباكها قد فضحها
-استاد اني شنو اسوي افتح المجرات اني بس نظفت والله ما شلت اي ملف او كتاب
خرجت منها هذة الجملة بتلعثم
-سرى لا تخبليني ..اكو عدنا غريب بالبيت بس احنه الموجودين
ازداد ارتباك سرى
-صدكني استاذ ما وصلت يم اي ملف ....صدكني
كانت سرى ترتجف وهي تقول هذة الكلمات احست بالندم انها استمعت الى كلام وسن
غسان يتطاير من عينيه الشرر
-سرى تره انا محقق واعرف المقابل من طريقة كلامه
عيونج تگول الملف عندج
صارت سرى كالسعفة المرتجفة عند هبوب الرياح
-الله يخليك استاذ اخذ الملف شنو اسوي بيه
-سرى افتحي الغرفة
-انت تشك بيه
-كلامج وارتجافج هو اللي فضحج
بقيت سرى متسمرة في مكانها
-كلت لج خل ادخل الغرفة
-تفضل استاذ
وضعت سرى يدها على قلبها
لم تقوى ان تبقى في مكانها هربت من غرفتها بعد ان فتحتها وذهبت الى وسن
-دكتورة الحكي ...غسان يفتش بغرفتي واكيد راح يلكى الملف
-سرى ديري بالج تكولين انا اللي نطيتج الملف ...والله يطلكني هسه
-وانا ست شو راح يسوي بيه
-كولي ما اعرف منو دخل الملف لغرفتي
غسان يحترمج وما راح يضرج اكيد
واعتمدي عليه اني اطلعج منها
اعتمدي عليه
ما ان شرع غسان بفتح درج الملابس حتى لاح له الملف مخبا بينها
فقد عقله واخذ الغضب منه ماخذه
خرج من غرفتها والملف بيده وهو ينظر اليها كانت ترى فيه الان انسانا اخرا نعم هو غسان الضابط الشرس الذي لا يعرف الرحمة في مجال عمله
-تكدرين تكولين لي هذا الملف شنو كان يسوي بغرفتج
سرى بشفاه مرتجفة لا تعرف ما تقول
-يا ملف ...هذا لكيته بغرفتي ....والله ما ادري
بتعلثم وارتجاف
-اني اللي كنت احسب نفسي ما انغلب مع الاسف كنتم اذكى مني استغليتوا عاطفتي
-استاد شنو تحجي انت
-اكيد اكو جهة معينه هي اللي رتبت كل هاي التمثيلية وتدخلين لبيتي وتاخذين الملفات المهمة مال شغلي
جثت سرى على ركبتيها امامه
-الله يخليك استاذ ...يا جهة هاي ...بحياتي لا غرفت جهة ولا ارتبطت بجهة وانت تعرف كل شي عني
-شنو اعرف كلامج كله كان عبارة عن تمثيلية واني جنت احمق صدكتج
-ارحمني استاذ والله بيش تريد احلف لك لا اعرف جهة ولا عندي اي شي
حدق بها بغضب
-سرى انتي تعرفين شنو حكم التعامل مع المنظمات الارهابية
سامعة فقرة 4 ارهاب
انتي حكمتي على حياتج بالاعدام
والحمد لله وصلت للملف قبل لا تسلميه لان بيه معلومات خطيرة
سرى غسان اللي تشوفيه حبوب وطيب بمجال عمله وحش ما يعرف رحمه
اذا ابلغ عليج هسه ترحين وره الشمس
بلغي عن الجهة اللي ودتج
هذا راح يخفف عنج الحكم
جمد الدم في عروقها
اخذت تقبل الارض بين قدميه
-اروح لك فدوة استاذ ...يا ارهاب ...صدك تحجي انت استاذ
والله ما اعرف اي احد ولا لي علاقة باحد
-سرى لا تتوقعين الحلف يقدم لج شي ...
اعترفي وساعدينا
تره والله اتصرف غير تصرف
وحتى ابنج ايهاب يتاذى
جن جنونها
-اروح لك فدوة ابني شنو علاقته ...انت تدري ابني اعز من روحي شنو تريد سوي بيه وعوف ابني بس والله ما عندي اي علاقة بجهة
-هيج عندج عاطفة لابنج شلون ينطيج كلبج تتعاملين وي جهة يتمت وقتلت مئات الاطفال
انفجرت سرى باكية
-استاذ غسان انس اتعامل وي هيج ناس
انت مصدك
-لعد شنو يسوي كان الملف بغرفتج
بغضب شديد
-انتي راح تكونين مسحونة بهاي الغرفة لج بس يوم تفكرين بيه وراها تكونين تحت الاعتقال وانتي تعرفين شنو بنت شابة تمون مسجونة بشعبة مكافحة الارهاب
ادخلها بالغرفة واقفل عليها الباب وجعل المفتاح بجيبه وخرج بسيارته
كان قد احب سرى وتملكت قلبه
اخذ يتذكر كلماتها عندما قصت عليه قصتها كان الصدق واضح من دموعها المنسابة على خديها وتاثرها بما تتكلم حوله
هل تتقن التمثيل بهذة الصورة
كاد ان يعمل حادث سير اكثر من مرة كان متوتر رجع الى البيت
اراد ان يتكلم مع سرى قليلا
لكنه عدل عن هذا الراي
لم يستطع ان يذوق طعم النوم في وقتها
كانت وسن تنظر الى تاثره بالموقف
لم تكن تحب ان تتاذى سرى مثل هكذا وتذهب الى الاعدام او السجن
كل الذي تريده ان تخرج من البيت وتقطع علاقتها بغسان
-غسان الملف الحمد لله وحصلته قبل لا يوكع بيد احد
وهاي مسكينه خطية خليها تروح وي ابنها
ليش تاذيها
-لا وسن اكيد متعاملة وي جهة وبهيج حالة تستحق العقاب
اكون خاين لشغلي اذا خليتها تروح
احست وسن بداخلها بالخوف فسرى تحت طائلة التهديد والوعيد سوف تعترف وعندها لن يسامحها غسان يجب ان تخرج سرى من المنزل بحيث لا يمكنه ان يلتقي بها مرة اخرى
خرج غسان الى محل عمله بعد ان هدد سرى
-هذا اخر يوم فكري بخلاص نفسج ولا تخاقين ما دام انتي يمي محد يوصل لج
لم تجبه سرى بشي.
في الساعة العاشرة اخذت سرى
في الساعة العاشرة اخذت سرى اجازة زمنية كانت تريد ان تتكلم مع سرى لمفردها
وصلت للبيت وكلمتها من خلف باب الغرفة المغلق
-سرى اسمعيني زين لازم تطلعين مناه باقرب وقت راح اخليج تنهزمين بس كون ترحين محافظة ثانية
-دكتوره اذا انهزمت اثبت التهمة عليه
-سرى ديري بالج تحجين هيج راح تقضين على حياتي
-دكتورة اسمعي راح احجي لغسان واني اكدر اقنعه ما يمسج بسوء اذا عرف انتي سويتي هذا الشي لمصلحته
-انتي ما تعرفين غسان ما يتناقش بهذا الموضوع ابد
-والحل دكتوره
-انهزمي
-مستحيل وين اروح وغسان يكدر يوصل لي وهيج اثبت التهمة على نفسي
بدات وسن تفكر بشيطانية ان تتخلص من حياة سرى ان تدخل عليها وتخنقها بيدها حتى الموت او تطعنها بسكين حتى تموت الحقيقة معها لان غسان لا يمكن ان يسامحها اذا علم بالموضوع
دخلت الغرفة وحضرت سكينا بيدها وهي ترتجف
قاتل الله غيرة النساء يمكن ان تخلق منها مجرمة قاتلة
فكل هذا هو سبب غيرتها
بينما هي كذلك واذا بها تتلقى اتصالا هاتفيا من غسان
