فصلية بنت شيوخ

البارت الثالث

فصلية_بنت_شيوخ

ليش هيج ليش رحت اريد ابوسك يابه
ابو فهد اول ماوصلو ابو علي واخوه كللهم تعالو هذا شيخ راح اعقد على بنتكم وقعو وانته عمها الشاهد ابوها بغصه كوة وقع
ابو فهد صاح ابو علي قبل لاتروح اريدك تعرف بنتك راح اخرمكم منها انسى بعد تشوفها راح اخذها لغير دوله وماراح اخليها تلتقي بيكم بيوم من الايام وهسه اطلع كبل بدون ماتراويها وجهك ترى يصير غير حجي اذا التفتت راح ابو علي وبقت سمر تصيح وتصرخ مارد عليها ابوها مشت السياره والنسوان ويايهاثنينهن  شويه ونزلت السياره وكللي كومي نزلي مانزل وين تاخذني انزلي ترى ابو فهد يعصب عليج كتلهن مانزل طلعن وشويه واجة نفس الشخص الي حجيت وياه قبل كم يوم هو ابو فهد المغرور الحاقد سحبني من ايدي بقوة ودخلني غرفه وكلي ذبي حجابج كتله لو تموت ماذبه بدون مايناظر رد سحب الحجاب وكل للبنيه صوريها اخذتلي كم صوره ورجعوني للسياره ماعرفت شنو الصور وصلنا البيت زغير  بنيانه قديم كلي نزلي خفت منزلت كل للنسوان نزلنها وسولها عشى وخل تنام يمجن الصبحمن الصبح امر عليجن اخذها مو تنامن انتن النسوان اشرله اي وراح بقيت وياهن بس ابجي على اهلي اريد امي اريد ابوي خايفه شنو مصيري شراح تسوون بيه سالت وحده من النسوان مالتلي ماعرف كملي عشاج ونامي باجر الصبح شنو اسافر كالت اي هاي الصور للجواز باجر تسافرين خلت ايدها على راسي كالت الج بس رب العالمين يوكف وياج بنيتي الله اعلم شراح يصير بيج خفت ونرعبت بقيت اقرى قران الحد ماغفيت كعدت الصبح على صوتهن كعدني وطبيت سبحت وبدلت ملابسي وصلني للسياره وصعدت بس هو بيها كتله وين تريد تاخذني ماباوع عليه بس كال اهلج دفنوج بالحياه ونصبو فاتحتج اليوم انسيهم راح نروح لغير بلد اي شي تسوي اي غلط تتعاقبين عليه افتهمتي نزلت راسي وبس دموع تنزل  ليش اهلي دفنوني معقوله  ابو علي بقى يومين ماراح للبيت وغلق جهازه وكال لاخوة كللهم ماعرف اخباره يومين نكلبت الدنيا عليهم رجع ابوعلي تعبان ام علي وين سمر وين بنتي وين وديتها دنك ماباوعلها كللهم ماتت لازم نسويلها فاتحة كامت تلطم امها وتبجي وصدك سولها فاتحه وكل اليسال يكلهم ماتت سوينه حادث واحتركت ومالحكت عليها ودفنتها الي صدك والي ماصدك بس محد يكدر يحجي هذا الشيخ كلها تهابه  سكتت العالم ورى اسبوع طلعو مهدي واحمد ولكو الخبر كدامهم سمر ماتت بحادث احمد نصدم وماستقبل الموضوع وبقى شهر مايطب للبيت يبجي ويتذكر اخته شلون ماتت وليش من هو بعيد عنها ماتت ابو علي انعزل عن العالم حزين وتمرض من القهر من يكعد بينه وبين نفسه ليش هيج سويت وليش كلت ماتت يعني بعد ماريدها ترجع ليش هيج سويت ويبجي على بنته شلون حالها هسه شصار بيها
سمر من اخذوها الصبح بس هو وياه تبجي خل اتصل على ابوي اسمع صوته اترجاك ابوس ايدك خل اسمع صوت امي صرخ عليها اهلج شيعوجً ونصبو فاتحتج اعلنو وفاتج انتي ماتفهمينً جذاب والله اهلي مايسووها وصلو كللها نزلي باوعت هذا مطار انته وين تريد تاخذني والله اصرخ والم الدنيا عليك اريد اهلي اريد ابوي اريد احمد تعالو خلصوني كامت تصرخ ذياب اذا حجيتي نص كلمة بعد وعزة الله وجلاله مايصبح الصبح الى وابوج بالمقبرة شهكت بخوف لا فدوة لاتسوي شي لابوي
باوعلها يعني تسكتين وتكعدين بدون صوت لمن نوصل افتهمتي هزت راسها اي صعدو الطياره وهيه ساكته طول الطريق عينه عليها ماتتحرك بس بين فتره وفتره تنتفض عرف هاي النفضه مال البجي تبجي سكته يدري خايفه ومرعوبه منه ومن المجهول الي منتظرها وياه يحس بكره واحتقار لهاي الانسانه الي هسه اسمها زوجته يريد ينتقم منهم بيها يعرف هالانسانه ضعيفه مراح تكدر تسوي شي راح يعذبها بطريقته تنهد خل نوصل ونصفي الحساب
للحكايه بقيه

فصلية_بنت_شيوخ
4
وصلت سمر لبيت كلش جبير ويشبه القصور الي بالافلام  من برى ترجف ومرعوبه وخايفه من الي منتظرها صاح عليها ذياب اوكفي ابقى هنا لمن اصيحج بقت واكفه جان الجو كلش بارد ثلج دخل ذياب صاح الخدامة تعاي ماري شخبار المدام كلتله بغرفتها هستوه طلع الطبيب من يمها  يلا كملتي الغرفه الي كتلج عليها جاوبته اي كللها روحي اخذي البنيه البرى دخليها للغرفه  ماري باوعتله بس هاي الغرفه مو مال تنكسن كللها انتي سوي الي اكلج عليه وبس افتهمتي نصت راسها اي ذياب متزوج وزوجته مريضه  كل اسبوع يسولها غسل كلة ودائماً يمها الاطباء زوجته حيل يحبها عنده طفل منها سامة فهد وهالطفل عنده خلل بالدماغ الى يسوله زرع من نخاع الشوكي من اخوه لازم يصير عنده اخ حتى ياخذون منه وزوجته مريضه متكدر تجيبله اخ فهد بين فتره وفتره يوكع ويغمى عليه بسبب خلل بالدماغ مالته نرجع لغرفه سمر هو خلاها تسكن بغرفه خارج البيت غرفه جانت للعمال ينامون بيها ومابيها تدفئة بس فراش وكنتور الها بي ملابس دخلتها ماري للغرفه نصدمت سمر وكامت تبجي اريد اهلي وينج يوم وينك يابه تعالو شوفو بنتكم شصار بيها ليش هيج صار بيه رحمتك ياربي ارحمني جابتلها ماري اكل وكلتلها اكلي ومن طلعت قفلت الباب عليها ابو فهد ماري شوفي هاي راح تساعدج بشغل البيت الخدامة الجديده هاي ديري بالج تغيب عن عينج اجتي اخته ساره بوسته هلا والله بالذيب شايفتك جايب وياك صيده باوعلها وخزرها وين فهد كلتله يم امه شبيك متتحاجة ذياب ساره اريدج تسمعيني زين هاي اخت الكتل اخونا هنا عدنا بالبيت ساره شنو شتسوي اشش لاتسمعج ماري اني كتلها خدامة بس اني خذتها فصليه من اهلها وعقدت عليها تزوجتها بس هيه ماتدري ماريدها تعرف اريدها تبقى تحس بالذل ساره مممم اني اعلمها والله لدفعها الثمن قبل لتكمل انتي مالج شغل بيها افتهمتي ساره اي ماشي ماعليه منها وبيش تهمني يلا اروح اكمل رسمتي  سمر جانت نايمة وعينها عالسكف تبجي ياترىً شنو منتظرني بعد شنو الدين الي لازم اسدده الهم مكان اخوي نفتخت الباب طفرت لمت رجليه وخلت راسها بين اركباتها وخايفه ذياب تعاي وراي سمر وين تريد تاخذني كللها امشي ولتحجين حجي زايد مشت وراه رجليها ترجف دخلو البيت الضخم وصعدو عالدرج وكفت وين تريد تاخذني سحبها من شعرها قوي كتلج لاتعصبيني كامت تصيح اخ شعري فكني والله امشي بس عوفني تركها ودخلو الغرفه جانت بيها بنيه متمدده مبين عليها مريضه باوعتلها سمر سبحان الله عبالك مو انسانه نايمة عبالك ملاك تخبل شعرها اشكر وبيضه مثل الثلج ذايب كللها هاي زوجتي ام فهد راح تخدميها وتخدمين ابني فهد متكدر تمشي وحده انتي حتكونين مسؤله عنها هسه ماخذه ابره مهدئة ساعه وتكعد غيريليها ملابسها وسبحيها يتبع

فصلية_بنت_شيوخ

5
ونظفي غرفتها سمر ماشي ذياب قبل ليطلع ديري بالج  تغلطين غلطه زغيره افتهمتي سمر شنو مثليش الغلطه يعني باوعلها لتراددين ترى السانج ينكص سمر سكتت عافها وطلع نظفت الغرفه وغسلت ملابسها سمعت صوت ضعيف يحاجيها ارتبكت باوعت هاي ام فهد زوجته تحاجيها باوعتلها انتي منو سمر ارتبكت اني الخدامة الجديده كوة تحجي عربي كلامها موواضح  عرفت هيه مو عربيه ام فهد بس كلش رقيقه وخجوله حرامات مريضه كلش حبيتها وتطورت علاقتنا اني وياه وبديت اكتشف شغلات غريبه بهذا البيت الفخم وفهد صارت علاقتي بي قويه تعلق بيه كل هالفتره ذياب جان مسافر بقى شهرين ماشفته اخر مرة من جابني لغرفتها زوجته اسمها ديما طبعا اخته علاقتي بيها معقده كل متشوفني تحب تحقرني وتخجلني تعودت عالاحتقار والسل والغلط منها ومن اخوها الي هو ابو فهد اليوم يجي من السفر وكلها واكفه استعداد تمنيت مايرجع لان حيل اخاف منه شكله مرعب ويخوف

يتبع