#فصلية -بنت -شيوخ
البارت الثاني
رجع ابو علي للبيت مصدوم وعيونه بيها دموع محبوسه يخاف على بنته وبنفس الوقت خايف على ابنه اخو
ابو مهدي. هاخويه ابو علي شراح نسوي ولدنا يضيعون منا اذا ماوافقنا وترى اذا نطيناهم سمر بيتهم مو بعيد بنفس ديرتنا واول وتالي ترجعلنا ونتصافى بس ولدنا اذا ماتو الله لاقدر بعد منشوفهم ونبقى نلوم بنفسنه ليش ماوافقنا على شرطهم
ابو علي. ياخويه هاي مو اي بنيه هاي بنتي سمر تعرف شنو سمر بالنسبه الي هاي ضوى عيوني زهرة البيت ورده ربيعنا شلون انطيها الهذا الجلمود المتنمر شراح يسوي بيها الله اليعلم لا ماكدر اوافق خل ياخذ ثاره من الولد هذا حكم الله ماريد بنتي تدفع ثمن افعالهم
سمر جانت كاعده بغرفتها من اجه ابوها طلعت تركض تريد تعرف شنو الصار وسمعت حجيهم هو وعمها سمرً .يابه شبيك ليش هيج مقهور حضنها وكام يبجي يردوني انطيهم روحي وشلون اعيش باوعت لعمها عمي شنو السالفه احجيلي عمها والله يابنيتي ماعرف شكلج بس ماوافقوا على الفصل فلوس صفنت ليش شيردون الكيعان لو البستان عمها ياريت يابنتي بس طلبهم غالي وصعب اقسم عليكم بكل غالي تكولون شنو طلبهم الي مكدر حال ابوي هيج عمها يردونج انتي فصليه سمر من سمعت عمي كال يردوج فصليه كعدت بالكاع والدنيا صارت سودة بعيني يعني شنو فصليه انحرم من امي وابوي انحرم من دراستي انحرم من اخوي تؤمي وبلسم جروحي بس اذا ماوافقت راح يكتلون اخوي يمكن اذا رحت فصليه اكو امل اشوفه واشم ريحته بس اذا مات ماكو امل رفعت راسها اني موافقه يابه
ابوها ولج شنو موافقه بابا انتي ماشايفه هالانسان واحد مريض يريدج خدامه عدهم يريدج جاريه يريد يذلني وينزل راسي
سمر كيفت بعد احسن يعني ميريد يتزوجني اكيد ياخذوني اخدم عدهم بالبيت ومصيري ارجعلكم ودنكت باست ايد ابوها يابه والله اني قويه وكدها كلهم موافقه ابو مهدي خويه ابو علي بنيتنا سباعيه وهيه موافقه والله يصبرك ويصبرنا ويرجعون ولدنا وبعدين احنا نفكر بحل ونرجعها لبيتكم ابو علي دنك بالكاع روحي هسه نامي وباجر يصير خير
سمر طبيت الغرفت امي مريضه وتعبانه حضنتها يوم فدوة اروح الريحتج راح اشتاقلج يالغاليه يوم لاتنسيني من اروح ادعيلي يوميه واذكريني ومن يجي حماده كوليله اختك ضحت بروحها برخيص لخاطر ركبتك الغاليه يوم خل اشبع من ريحتج وخل اشبع من حضنج يجوز هاي اخر مرة احضنج بيها وبقت تبجي بحضن امها الحد ماغفت طب ابوها وشافها شلون تتحسر وتبجي بحضن امها كعد كبالهم وبجى ونحب حسبي الله ونعم الوكيل على ظالم ياربي هاي بنيتي امانتك انته ورسولكياخبيبي يارب العالمين ارحمها برحمتك واجبر خاطري كعد يصلي لحد ماصار الفجر خابر على اخوه ابو مهدي كاله كللهم موافقين ماعدنه غير حل كعدوًالصبح كاللها ام علي اي واحد يسالج بنات عمها او اي واحد كوليلهم مريضه واخذها ابو ها للدكتور ام علي تبجي وحاضنتها ماخليكم تاخذون بنتي مني مستحيل تروح خدامة خلي ابنك يتعاقب سمر يوم فدوة اروحلج خليني اروح بالي مرتاح من يمج معليج بيه اني قويه وانشاء الله ارجعلج ياعمري طلعت سمر من بيت ابوها وعزها ودلالها لحياة ومصير ماتعرف شنو منتظرها وصلت ويه ابوها لمكان وشافت ابوها نزل يحجي ويه عمها واجت سياره بيها رجال واثنين نسوان ودخل ابوهاوياهم شويه وراح باوعت النسوان اجن عليها تعاي نزلي سمر وين تاخذني اريد ابوي عندي كم حجايه وياه ماردن عليه نزلني بالغصب باوعت ابوي عافني هو وعمي وراحو وصعدني بسياره ثانيه سوده كمت اصيح بابا تعال عمي تعال ليش رحتو هيج خلوني اوادعكم يابة ليش هيج ليش رحت اريد ابوسك يابه
ابو فهد اول ماوصلو ابو علي واخوه كللهم تعالو هذا شيخ راح اعقد على بنتكم وقعو وانته عمها الشاهد ابوها بغصه كوة وقع
ابو فهد صاح ابو علي قبل لاتروح اريدك تعرف بنتك راح اخرمكم منها انسى بعد تشوفها راح اخذها لغير دوله وماراح اخليها تلتقي بيكم بيوم من الايام وهسه اطلع كبل بدون ماتراويها وجهك ترى يصير غير حجي اذا التفتت راح ابو علي وبقت سمر تصيح وتصرخ مارد عليها ابوها مشت السياره والنسوان ويايهاثنينهن شويه ونزلت السياره وكللي كومي نزلي مانزل وين تاخذني انزلي ترى ابو فهد يعصب عليج كتلهن مانزل طلعن وشويه واجة نفس الشخص الي حجيت وياه قبل كم يوم هو ابو فهد المغرور الحاقد سحبني من ايدي بقوة ودخلني غرفه وكلي ذبي حجابج كتله لو تموت ماذبه بدون مايناظر رد سحب الحجاب وكل للبنيه صوريها اخذتلي كم صوره ورجعوني للسياره ماعرفت شنو الصور وصلنا البيت زغير بنيانه قديم كلي نزلي خفت منزلت كل للنسوان نزلنها وسولها عشى وخل تنام يمجن الصبحمن الصبح امر عليجن اخذها مو تنامن انتن النسوان اشرله اي وراح بقيت وياهن بس ابجي على اهلي اريد امي اريد ابوي خايفه شنو مصيري شراح تسوون بيه سالت وحده من النسوان مالتلي ماعرف كملي عشاج ونامي باجر الصبح شنو اسافر كالت اي هاي الصور للجواز باجر تسافرين خلت ايدها على راسي كالت الج بس رب العالمين يوكف وياج بنيتي الله اعلم شراح يصير بيج خفت ونرعبت بقيت اقرى قران الحد ماغفيت كعدت الصبح على صوتهن كعدني وطبيت سبحت وبدلت ملابسي وصلني للسياره وصعدت بس هو بيها كتله وين تريد تاخذني ماباوع عليه بس كال اهلج دفنوج بالحياه ونصبو فاتحتج اليوم انسيهم راح نروح لغير بلد اي شي تسوي اي غلط تتعاقبين عليه افتهمتي نزلت راسي وبس دموع تنزل ليش اهلي دفنوني معقوله ابو علي بقى يومين ماراح للبيت وغلق جهازه وكال لاخوة كللهم ماعرف اخباره يومين نكلبت الدنيا عليهم رجع ابوعلي تعبان ام علي وين سمر وين بنتي وين وديتها دنك ماباوعلها كللهم ماتت لازم نسويلها فاتحة كامت تلطم امها وتبجي وصدك سولها فاتحه وكل اليسال يكلهم ماتت سوينه حادث واحتركت ومالحكت عليها ودفنتها الي صدك والي ماصدك بس محد يكدر يحجي هذا الشيخ كلها تهابه سكتت العالم ورى اسبوع طلعو مهدي واحمد ولكو الخبر كدامهم سمر ماتت بحادث احمد نصدم وماستقبل الموضوع وبقى شهر مايطب للبيت يبجي ويتذكر اخته شلون ماتت وليش من هو بعيد عنها ماتت ابو علي انعزل عن العالم حزين وتمرض من القهر من يكعد بينه وبين نفسه ليش هيج سويت وليش كلت ماتت يعني بعد ماريدها ترجع ليش هيج سويت ويبجي على بنته شلون حالها هسه شصار بيها
سمر من اخذوها الصبح بس هو وياه تبجي خل اتصل على ابوي اسمع صوته اترجاك ابوس ايدك خل اسمع صوت امي صرخ عليها اهلج شيعوجً ونصبو فاتحتج اعلنو وفاتج انتي ماتفهمينً جذاب والله اهلي مايسووها وصلو كللها نزلي باوعت هذا مطار انته وين تريد تاخذني والله اصرخ والم الدنيا عليك اريد اهلي اريد ابوي اريد احمد تعالو خلصوني كامت تصرخ ذياب اذا حجيتي نص كلمة بعد وعزة الله وجلاله مايصبح الصبح الى وابوج بالمقبرة شهكت بخوف لا فدوة لاتسوي شي لابوي
باوعلها يعني تسكتين وتكعدين بدون صوت لمن نوصل افتهمتي هزت راسها اي صعدو الطياره وهيه ساكته طول الطريق عينه عليها ماتتحرك بس بين فتره وفتره تنتفض عرف هاي النفضه مال البجي تبجي سكته يدري خايفه ومرعوبه منه ومن المجهول الي منتظرها وياه يحس بكره واحتقار لهاي الانسانه الي هسه اسمها زوجته يريد ينتقم منهم بيها يعرف هالانسانه ضعيفه مراح تكدر تسوي شي راح يعذبها بطريقته تنهد خل نوصل ونصفي الحساب
للحكايه بقيه
أنت تقرأ
فصلية بنت شيوخ
Romansaفتاة يقوم اخاها بقتل شخص فتضطر أن تضحي بنفسها من أجل انقاذ حياته لتبدأ رحلة من الألم والحرمان مع ذلك الجلمود القاسي فهل سيأتي اليوم الذي تتحرر فيه أم تبقى مسجونة الى الابد للكاتبة ودق القريشي قصة منقولة ملاحظة / الوصف غير منقول ?
