انـا واخوتي

البدايه

اراقب اخوتي من بعيد واشوف تصرفاتهم الغلط واني ساكته احس بلذنب واليأس لان معرف شلون اتصرف وياهم
اسمي ميردا عمري 20عايشه ويه بابا سمير واخوتي اميره اختي الكبيره متزوجه ابن عمي حعرفكم عليهم بعدين و رها عمرها16سنه ومراد عمره15سنه

ميردا: اتركي هلسوالف ورجعي النقال لصديقتج
رها: عوفيني معليج انتي
ميردا: لج اذا عرف بابا ميرحمج والله يذبحج
رها: انتو كلكم متحبون الا مصلحتكم عادي كولي لبابا وكسبي محبته
ميردا: رها حبيبتي اني مو قصدي اكول لبابا اني اريد مصلحتج وانتي تعرفين الي دسويه غلط وبابا اذا عرف بلنقال يعاقبج
رها: كافي مليت من محاظراتج اذ سديتي حلكج اكيد بابا محيعرف بلنقال بعدين كلهه كم يوم وارجع لنقال لزوزو

عافتني وراحت رها لغرفتهه واني محتاره وياهه اشلون امشيهه صح ماما راحت قبل 3 سنوات بسبب عجز بلقلب وتركتلي اخوتي اتعذب وياهم ومعرف شلون اتصرف

اااه راسي اااخ ااخ رجلي ميردا رها الحكوني
رحت اركض ولكيت اخويه جسمه ازرك ومدمم
ميردا: مراد اسم الله عليك شبيك حبيبي منو مسوي بيك هيج
مراد وبألم: اااخ هذولي  الكلاب ولد ال
تقاطعه ميردا: كافي غلط علناس واني مو مانعتك منهم ولد سوء شتريد يطلع منهم بعد
مراد: كله منكم السبب متقبلون تنطوني فلوس عبالك عدوكم مو ابنكم
ميردا: وهم رحت اخذت السم بالدين موو
مراد: سم السمج شوفي شغلج وانتي ساكته لو امي موجوده كان محتاجيت احد منكم

صرت اضمد جرحه واني اتألم عليه وادعي الله ينقذه من الورطه الي هوى بيهه قبل لا يعرف بابا

جاسم: يومه فديته الگمر يدلع عليه باي باي بعدين اخابرج اجتي الدوله
اميره: ويه منو جنت تحجي
جاسم (وهو رافع حاجبه): هذا ابوج عازمنه علغده باجر
اميره وهيه ترتب السفره: حظرتك تستهبل
جاسم: مو من حقي بالله ذكريني من بدايت زواجنه قبل 7 سنوات ليهسه ابوج هم عازمنه مره
اميره: اي عيني انت متقصر كل سبوع عدهم بعد شكو يعزمك
جاسم:ديله جيبي فقوري  خلي نتغده

بيت عمي سامي زوجته ريمه وعدهم ولد ثنين جاسم زوج اميره وسالم عمره20سنه وسلوى16سنه

سلوى:الوو هله حبيبتي شلونج
رها: هله بيج سلوتي حالتي زفت
سلوى: هاي شبيج خير ان شاءالله
رها: ميردا تعبتني تريدني ارجع النقال
سلوى: اي وشكو بيهه يمكن لبنيه تريد نقالهه صارله سنه عندج
رها: اهوو انتي الثانيه امس حجيت وياها وكالتلي براحتج اصلن هيه عدهه الف نقال حسبالج مثلي ومثلج حسره علينه
سلوى: لا حبي بابا كالي نجحي واجيبلج نقال هديه بعدين تعالي انتي شكو متكلين للدثو العندج يجيبلج نقال
رها: هيي احترمي نفسج لدثو لتحجين عنه حبيبي
سلوى: ويييع حبه لحبتج واحد يحبله غني يشبع من وراه مو يحب حافي منتف
رها: باع هذي صوجي احجي وياج باي
سلوى: تعالي يمي بعد العشه ونحجي
رها: ليش العوو العندي يخليني اطلع
سلوى: ههههه نحجي بلمدرسه لعد جااو
رها: سير جااو
ميردا: منو هذا العوو قصدج اني مو
رها (نضرتلهه بستهزاء وما ردت)
ميردا: شفتي اخوج شمسوين بيه
رها: يستاهل اكثر بلكي يتوب من جكايره
ميردا: انجبي لا يسمعج بابا
رها: ليش هوى لسه ما عرف
ميردا: وليش لو عرف يخلي اخوج عايش
رها: ساعت المباركه عندج ايموت وترتاحين منه
ميردا: احترمي نفسج يرادلج تأديب من جديد
رها: اي هذا ابوي اجه كليله علينه بلكي يأدبنه وترتاحين هه
سمير: هاي شبيجن تتعاركن
ميردا: ماكو شي تعشيت لو بعدك بابا
سمير: اي تعشيت مراد وينه
رها: تعبان ونايم خطيه
سمير: نايم لو طالع هوى هذا وجه نوم
ميردا: لا بابا استوى تعشه وكال اروح انام
رها: بابا اريد اروح يم سلوى بنت عمي
سمير: كل يوم تشوفيهه بلمدرسه بعد شكو رايحه يالله ولي نامي

باوعتلهه ميردا بضحكه هه

باوعتلهه رها بغضب وراحت تركض للغرفه فتحت جنطت المدرسه وطلعت النقال لكت مكالمات من اموري واتصلت عليه

امير: الوو هله يا حلو

رها: هههه هل بيك حياتو

وبقو يسولفون للفجر اما سلوى جانت تخطط شلون تخليها تترك اموري وتحب واحد غني

امير الوحيد عند اهله حالتهم زينه تعرف على رها عن طريق بنت خاله زمرد صديقتهه وهيه صاحبت النقال وهوى طلب منهه تعرفه على رها

في الصباح على مائدة الفطور ...
سمير: وين اخوج اشو ما اجه
رها: كايمه اصيحه
ميردا: لا عيني استريحي هوى تفطر وطلع قبلكم
سمير: غريب البارحه نايم ع وكت ولصبح كاعد ع وكت
ميردا: اي مو كال عندي امتحان وماحب يتأخر
سمير: اني رايح للشركه ومن يرجع كليله يجيني اريد احجي وياه
ميردا: صار بابا
رها: هه راح بيهه الولد جان كلتي لابوي هوى مكتول
ميردا: والله خايفه عليه بابا ناهيه من ذوله الشباب
رها: انتو مكبرين السالفه هيه كلهه سيكاير
ميردا: اي هسه سيكاير وبعدين الله يعلم بشنو يضحكون عليه

في المدرسه....

رها: ايي ومنو هوى
سلوى: اكو غيره حسنين
رها: الي ويه ميردا بلجامعه
سلوى: يسس جمال واخلاق وفلووس بيته قصر وسياره اخر مديل
رها: هههههه مغرور بعدين غير اموري ماريد
سلوى:هه هه امورج مايسوى ضفر من هلمغرور
_____