انـا واخوتي

لا تبكي مثل البلهاء على رجلٍ خانك وخذلك... فهو لا يستحقكِ!

طوووط طووط
مراد:الوو هله بابا
سمير: وينك بالله اكيد تدرس اعرفك بعد
مراد: يعني وين بالبيت
سمير: لك اني بلبيت وثاني مرى لجذب حقير
مراد: هفف اسف بابا
سمير: يالله بسرعه تعال نريد نروح بيت عمك
مراد: ثواني وجاي
اياد: شبيك تأفف
مراد: يعني ليحجي ويه يباسووه شتريد يسوي يالله اشوفك باجر
اياد : الله وياك(والله وطحت بيدي)

في بيت العم..
ريمه وميردا يشتغلن بالمطبخ
ريمه: ميردا شنو اخبارج ماكو نصيب
ميردا: عمه تعرفين بعد اني سديت هذا الباب كل همي اخوتي
ريمه: والله يا بنتي نريد نفرح بيج بس الله كريم
ميردا(تغير الموضوع): اميره مجتي ليش
ريمه: اني خبرتهم يمكن تنتظر جاسم ويجون

سالم كاعد ويه عمه وابوه ومراد وباله مو وياهم ينتظر اللحضه ليحجي بيهه ويه ميردا
سمير: كالي سالم انت تعبان بس اشوفك اصحى مني لعد ليش متداوم
سامي: ههه لا اليوم الحمدالله ان شاءالله من باجر اداوم عاد سالم اليوم شلونه مبيض الوجه
سمير: فاجأني بجيته للشركه ههه بس جان يدلع علينه ذنيج الايام بلكي نرفع راتبه
سامي: اي حجيك صحيح موو سلووم هيي سالم
سالم (وهو توى منتبه الهم): ها يبه شنو
سمير: ههه وين جنت ابني
مراد مكتفي بنظر الهم بس وساكت لانه يتذكر موقف جاسم والسكرتيره وميكدر يحجي شي

جاسم: يالله جهزتي
اميره: شنو انت مو كلت ماكو روحه
جاسم: بلا كلام زايد انتظركم بلسياره
 اميره جهزت بسرعه ولبست ابنهه وراحو

دق دق دق
سالم: هله جسوم شلونك
ذو الفقار: عموووو (وراح يركض)
اميره: شلونك سالم
سالم: هله تفضلو
سلمو علكل وكعدو علسفره مراد وجاسم واحد ينظر للثاني وسالم عيونه ع ميردا
جاسم: مراد تعال وراي اريدك
طلع جاسم وطلع وراه مراد بدون ميحجي شي
جاسم: ممم اشوفك محجيت لاحد
مراد: ع شنو
جاسم: هه تعجبني, ميهمني حجيت او لا لان راح تصير زوجتي
مراد(يرفع صوته): صدوك متستحي لو مو اكبر مني جان عرفت شلون اتصرف وياك
جاسم: ههه تكتلني مثلا
مراد: اختي بعد مترجع وياك فاهم يااا
يقاطعه سالم: شنو شبيكم
جاسم يكض مراد من اذنه: يا شنو ها ولك متحجي
سالم بعد مراد عن جاسم: شنو هلتصرف شبيكم
اجه سامي يمهم وهوى عارف شنو الموضوع
سمير: مرادوو الزم السانك
عصب مراد وطلع برى بدون ميحجي
سامي: مراد لحضه ابني تعال. مارد عليه وطلع
سامي راد يطك جاسم راشدي بس سمير كض ايده: مراد الي رفع صوته وغلط ليش تطك جاسم
سامي: جاسم احجي لعمك كل شي بسرعه يالله
جاسم: يبه اني مو صغير حتى تعاملوني هجي اني فاهم الي داسويه واذا مراد وعمي ميردون اميره تجي وياي بعد احسن
سامي عصب وطك جاسم راشدي: اطلع عن بيتي بسرعه
طلع جاسم وهوى يباوع على ابوه وعيونه مفتوحه
سمير: شكو احد يفهمني

امير: يتزوج عليهه ليش
مراد: ماعرف المشكله هوى اكبر مني بهواي ماعرف شلون اتصرف
امير: زين ابوك خلي يتصرف
مراد: ابوي هه اكيد هسه يخليهه ترجع وياه
امير: والله مادري شأكول غير الله يساعدكم
مراد: اني كنت حاس باختي بيهه شي بس مشكلتهه متحجي
امير: تبات يمي الليله
مراد: لا يمعود شويه وارجع البيت

سامي حجالهم سالفة جاسم والسكرتيره عليا
اميره كامت من يمهم وهيه تبجي وراحت وراها ميردا ومرت عمهم ريمه
سمير: وما لكه غير عليا هذا شكد ميستحي
سالم: شيكولون الناس ماخذ سكرتيرة مكتبه
سامي: حاولت احجي وياه مافاد وهذا السبب ما داومت
سالم: يبه ليش مكتلي كله اني اخر من يعلم
سامي: والله ابني امك امس كتلهه معرف شلون احجي
ريمه: كافي حبيبتي ابنج يخترع اذا تبجين يمه هجي
اميره(وهيه مخنوگه من لبجي): والله مخليه يشوف فقوري بعد
ميردا: حبيبتي هوى الخسران صدكيني باجر يندم ويرجعلج

سلوى: باع هذا سالم ولا وحده وهذا يريد ثنين
رها: انجبي لتقلدين ع اختي اصلن هوى ميستاهل اميره
سلوى: هه هسه عوفينه منهم شنو باجر تنفذين خطة زمرد
رها: اي معندي غير هلحل حتى اشوف اموري
سلوى: ويييع عليج وعليه والله مدري شنو حاليلج بيه
رها: الجمال بالاخلاق عيني
سلوى: لا جمال ولا فلوس زين اني باجر اروح وياج
رها: هيي شتسوين
سلوى: فرصى اشوفج حسنين
رها: هلكد معجبه بيه ليش متحبيه انتي
سلوى: لا لا شنو احبه اني الشباب تركض وراي بس مريد واحد يتأمر بيه مثلج عاد انتي حابه حبي واحد يستاهل

سمير: يالله يبنات خلي نروح للبيت
ميردا: يالله حبيبتي اميره امشي ويانه
ريمه: لا شنو تروح وياكم هيه تبقى يمي
سامي: اي صح كلام ريمه خليهه تبقى يمنه
سمير: ها اميره بنتي شكلتي
ميردا: لا بابا خليهه تجي ويانه
سمير: بنتي ان شاءالله كلشي ينحل وماكو شي اني باجر احجي ويه جاسم
اميره: لا بابا هوى من زمان كان يحبهه وصلت هسه يريد يتزوجهه اني مرجعله بعد
سمير: اذا تعرفين من زمان شبيج محجيتي لغلط منج يعني
ميردا: بابا مو وكت هلحجي خلي ناخذ اميره ونروح
سمير: اسكتي انتي معليج
سامي: اميره بنتي ابقي يم عمتج ريمه وان شاءالله يصير الي ترديه
___