انـا واخوتي

بدايته حلوه لتفوتوها

ماما حبيبتي اميره نامت هسه انشاءالله الصبح تصير زينه
امـي:مرااد
ميردا: وبابا زعلان على اميره بس يسوي نفسه ما هامه
امـي: مراد
ميردا: رها بخير بس يراد وقت حتى اعلمهه الصح من الغلط
امـي: مراد
ميردا: مراد بخير
امي:ديري بالج عليه
ديري بالج عليه
ديري بالج عليه. اختفت امي وبقت هذي الكلمات تدور حولي وفزيت من النوم اصرخ وكانت اميره ورها نايمات يمي بنفس الغرفه
ميردا: اسم الله حبيبتي شبيج
رها: هاج شربي مي
باوعت تجاه اميره واني مرعوبه وباوعت تجاه رها: مـ مــ مراد وين
كمت من فراشي ورحت اركض لغرفت مراد وخواتي يمشن وراي فتحت الباب بهدوء كان نايم ماعرف ليش حسيت بخوف تجاها
رها: ميردا هذا حلم لا تخافين
ميردا: الحمدالله
اميره: تعالي نرجع للغرفه

رها رجعت نامت اميره تسوي نفسهه نايمه واشوف عيونهه ع ابنهه وتبجي اني مكدرت انام نمت يم اميره وحظنتهه
ميردا: شفت ماما بلحلم توصيني ع مراد
اميره: ليش هوى شبيه
ميردا(ودموعها تنزل): الشباب الي يمشي وياهم سمعتهم مو زينه وعلموه علسيكاير
اميره(متفاجئة):سيكاير من شوكت هاي
ميردا: تقريبآ سنتين
اميره:بابا يعرف
ميردا: لا ميعرف
اميره: الله يهديه بس

في المدرسه..
سلوى: ههه يعني النقال الج
رها: ههه اي كالي هديه بس تصرفه كان حلو
سلوى: وامير حبيب الكلب
رها: ماعرف شصارلي كنت اموت ع اتصالاته بس البارحه مرديت عليه ودزلي مسجات ومالي خلكه بس يمكن لان بالي ويه اميره
سلوى: خلي يولي صدكيني ميفيدج بشي اموري

ذو الفقار: امشي ل بابا يالله
اميره: حبيبي بابا بلدوام
ذو الفقار: امشي بيتنه
ميردا:فقوري ليش حبيبي مليت من الخاله تعال يمي
راح ذو الفقار وكعد بحضن ميردا
اميره:انتي ليش مداومتي
مريدا:مالي خلك اداوم

مرادوو يا اخي ميصير هجي المن اداوم اذا متدرس
مراد:فيصل اسكت عني ترى طالعه روحي
فيصل: يعني انت فرحان كل يوم يرزلك المدرس
مراد: لو يطردني عادي مايهم اموري ماكو اليوم
فيصل: مثلك عافس وجهه ويكول مالي خلك اداوم
مراد: ليش شبيه
فيصل: الحب عاميه
مراد: شنو
فيصل: ماكو شي يالله امشي بالصف

في الشركه...
طق طق طق
سمير:تفضل
سالم: شلونك عمي
سمير: هله ابني تعال استريح
سالم: عمي اني اسف ع تصرف اخوي بس اني حجيت وياه وهوى معند
سمير: ابني سد الموضوع ماريد احجي بيه هوى رجال وعارف شنو يسوي واميره خليهه بيت ابوها لانهه بحاجه للراحه النفسيه واكيد بعد كم يوم ترجعله
استغرب سالم من حجي عمه: مدام هجي براحتكم بس بابا طرد جاسم ومنعه من الجيه علبيت
سمير: اكيد ويه الايام راح يسامحه عليا بطلت من الشركه
سالم:اي اعرف راح يسافرون بعد كم يوم
سمير: يالله ابني احنه بالشركه خلنه بشغلنه وسد الموضوع
طلع سالم من مكتب عمه ويحجي بهمس(غريب هلرجال معقوله ماهامته بنته هه)

في الجامعه..
اسيل: سلام فرح
فرح: وعليكم السلام
اسيل: ميردا صار يومين مداوم خير شبيهه
فرح: وانتي شدخلج خصوصيات
اسيل(بستهزاء): هه هسه تطلع حتى هيه متعرف ليش وتكول خصوصيات
فرح: هييي روحي منا مالي خلك المشاكل
اسيل: هوى مو صوجج
حسنين: اسيل
اسيل: هله حسنين
حسنين: اياد شبيه اليوم ممداوم
اسيل: ما مداوم اممم مادري ههههه
حسنين: وجع اكو وحده متدري بأخوها
اسيل: هوى طلع من الصبح شمدريني ماداوم
حسنين: هاا اوك

سمير: هذا تأخر
اياد: لتخاف ميعوف فلوسه
طوووط طوووط
اياد: هله مراد وينك تأخرت عليهم
مراد: هله اياد اني راح اتأخر ساعتين عندي شغله اخلصهه واجي
اياد: هييو مو عكيفك هوى هذا شغلك
مراد: كتلك عندي شغله ضروريه ماكدر اجلهه
اياد: اوك يصير خير
سد النقال مراد وراح للشقه الي بيهه عليا

اما فرح طلعت من الجامعه وراحت لبيت ميردا
طق طق طق
ميردا: هله فروحه شنو هلمفاجئه تفضلي
سلمت عليهه ميردا ودخلتهه الصاله
فرح: شغلتي بالي مو من طبعج متداومين
ميردا: تعبانه يفروحه اختي تريد تطلق واجتي يمنه امس كلت ابقى وياها اليوم
فرح: لا حرام هاي من شوكت وليش تطلق
ميردا: شكلهه السالفه من زمان بس اختي كتومه متحجي اجتي اميره سدي الموضوع
اميره: سلام فروحه شلونج
فرح : عليكم السلام هله حبيبتي الحمدالله
ميردا: اي شنو اخذنه من واجبات
فرح: اي عطاري الواجبات اياد كالي اختج رها وبنت عمج سلوى اجن للجامعه حتى يسألن عن واجباتج بس مشفتهن اني فكلت اجيج بنفسي
ميردا: شنوو هاي من وداهن بسيطه اني اعلمهه
اميره: مامعقوله رها تروح لوحدهه يمكن مراد موصلهن

طق طق طق
ميين
مراد: اني مراد
عليا(تفتح الباب): مراد شو جابك لعندي
مراد(بستهزاء): مو راح تصيرين شريجت اختي لازم كل يوم نزورج
عليا: بلا مسخره احكي شو بدك
مراد: شوفي جويسم اخذيه بلعافيه لان اختي بعد متريده بس اريد منج شغله وحده
عليا:اي وبعدين
مراد:شوفي(يطلع لفلوس الي اخذهه من جماعت اياد وسمير وكانت هوايه)ذني الج
عليا:واااو وشو المطلوب مني
مراد: اذا نفذتي الي اريده راح انطيج غيرها بعد
عليا: تعال ادخول نحكي جوى

تابع